SunnudagsMogginn - 04.09.2011, Page 34

34 4. september 2011
P
áll Heimir Pálsson er mynd-
listarmaður að mennt en
„endaði á verkfræðistofu“,
eins og hann orðar það, þar
sem hann varð einn af eigendum. Eftir
hrun brustu forsendur fyrir rekstri
stofunnar og Páll þurfti að róa á ný
mið. „Ég fór að fikta við að setja líkön
af byggingum í Reykjavík inn á Google
Earth og fann mig strax vel í því verk-
efni. Þetta sameinar allt sem ég hef
verið að bögglast við um ævina. Þetta
byrjaði smátt, ég var eiginlega bara að
þessu fyrir sjálfan mig, en hefur smám
saman undið upp á sig,“ útskýrir Páll.
Fyrr á þessu ári hafði Reykjavík-
urborg samband við Pál og bauð hon-
um aðstöðu til að sinna verkefninu.
„Þetta gæti ekki verið betra, ég er í
vinnu við að gera það sem mig langar
mest að gera,“ segir hann.
Páll heyrir undir Landupplýsingakerfi
Reykjavíkurborgar (LUKR) sem sér um
allt sem viðkemur gagnagrunni borg-
arinnar, Orkuveitunnar og Símans, og
segir húsbændur sína hafa mikinn
áhuga á verkefninu, ekki síst deilda-
stjórann Lech Pajdak. „Lech er ákaflega
framsýnn maður og hefur vilja til að
halda þessu starfi áfram,“ segir Páll
sem er ráðinn tímabundið til borg-
arinnar.
Páll hefur mest dálæti á gömlum
byggingum og hefur hann til að mynda
þegar gert líkön af flestum húsunum á
Árbæjarsafninu.
Frábærar móttökur í Póllandi
Að sögn Páls skila fleiri þúsund líkön af
byggingum sér inn á Google á degi
hverjum. „Það er fólk að hamast við
þetta út um allan heim en ég áttaði mig
fljótt á því að hópurinn sem er í þessu
af lífi og sál er ekki fjölmennur. Ég hef
smám saman verið að kynnast þessum
hópi og á dögunum varð ég þess heið-
urs aðnjótandi að hitta hann á ráð-
stefnu í Wrocław í Póllandi.“
Páll fór utan í boði Google. „Boðið
var höfðinglegt og móttökur frábærar,“
segir hann en aðeins var um tuttugu
manns frá Evrópu og Mið-Aust-
urlöndum boðið á ráðstefnuna.
Að sögn Páls var ástæða boðsins tví-
þætt: Annars vegar vildu menn fá hann
til að taka þátt í umræðum og halda
fyrirlestur um vinnubrögðin og
tæknina sem hann beitir. Hins vegar
leggur Google áherslu á virkt tengsla-
net og mjög sterka liðsheild. Því er
mikilvægt að kollegar víðsvegar að
hittist í eigin persónu og styrki þannig
tengsl og vináttubönd.
Páll segir meiri tíma en hann gerði
ráð fyrir hafa farið í umræður um
Reykjavík og áhuga Google á að setja
höfuðborgina okkar inn á Google
Earth. Þennan áhuga fékk hann stað-
festan með bréfi nú fyrir helgina.
„Þetta kemur ánægjulega á óvart en
það eru aðallega stórborgir inni á Go-
ogle Earth. Mér var falið að kanna
áhuga á samstarfi hér heima og von-
andi finnum við flöt á því máli,“ segir
Páll.
Um eitt hundrað reykvískar bygg-
ingar eru komnar inn á Google Earth
nú þegar, en kæmi til samstarfs við
Google myndi þeim fjölga hratt.
Hitti engar vampírur
Páll segir kollegana, sem hann hitti á
ráðstefnunni, hafa komið sér þægilega
á óvart. „Ég reiknaði fastlega með að
mæta nördahóp með náföl andlit eins
og vampírur,“ segir hann og skellir
upp úr.
Það var öðru nær. „Þetta var bara
ósköp venjulegt fólk, gjarnan með bak-
Þar sem
hjartað
ræður för
Ekki er langt síðan Páll Heimir Pálsson byrjaði að
„fikta“ við það heima á Kjalarnesi að setja líkön af
byggingum í Reykjavík inn á sýndarheimsforritið
Google Earth. Nú er hann farinn að sækja alþjóð-
legar ráðstefnur með helstu sérfræðingum á þessu
sviði, en Google hefur mikinn áhuga á að koma
Reykjavík fyrir í þrívídd á Google Earth.
Texti: Orri Páll Ormarsson orri@mbl.is
Ljósmynd: Kjartan Þorbjörnsson golli@mbl.is
Páll Heimir Pálsson myndlistarmaður er að leggja Reykjavík að fótum sér í sýndarheimum.
Sólon tekur sig vel út. Grunnurinn er ljósmynd sem Páll býr til þrívídd utan um.
Ráðhús Reykjavíkur er ein af byggingunum sem Páll Heimir hefur sett inn á Google Earth.
Þeim sem vilja kynna sér verk Páls á Google
Earth er bent á, að nafn hans í netheimum
er St. Pall, eða Páll postuli. „Í þessu Google-
samfélagi er ég aldrei kallaður annað en Páll
postuli. Þegar Reykjavíkurborg fór að hafa
samband við mig út af þessum verkefnum
svaraði ég Reykjavíkurborg með pósti sem
ég kallaði m.a. „Fyrra bréf Páls postula til
Reykjavíkurborgar“ og „Síðara bréf Páls
postula til Reykjavíkurborgar“. Þetta gerði
ég bara til gamans og svona til að auka
dramatíkina,“ segir Páll hlæjandi.
Páll postuli