SunnudagsMogginn - 30.10.2011, Side 18

18 30. október 2011
H
ending réð því að við fórum út í þessa starf-
semi,“ segir Ásdís Arnbjörnsdóttir sem nú
stundar MBA-nám við Háskólann í Reykja-
vík en annaðist rekstur Ilter Clinic frá upp-
hafi og fram á síðasta ár. „Kunningi okkar Demirs, sem
starfaði á þeim tíma sem læknir við Karolinska sjúkra-
húsið í Stokkhólmi, hitti okkur eftir að hafa farið í hár-
ígræðslu og árangurinn var í einu orði sagt skelfilegur.
Maðurinn var miður sín. Hárið stóð beint upp í loft eins
og á dúkku. Eftir þann fund eyddi Demir heilli nótt
framan við tölvuna í leit á netinu að góðri aðferð til að
lagfæra það sem aflaga hafði farið. Þá datt hann niður á
aðferð hjá kanadískum lækni sem hann hefur síðan náð
frábærri þjálfun í að beita og haldið áfram að þróa.“
Aðferðin nefnist FUE (Follicular Unit Extraction) og á
uppruna sinn að rekja til Japans. Hún felst í flutningi á
klösum af hársekkjum sem hárið vex úr, einum í einu,
án þess að skorin sé ræma úr hársverðinum með skurð-
arhnífi þannig að til verði sár sem nauðsynlegt reynist
að sauma saman. Stungurnar í húðina eru agnarsmáar,
nánast eins og títuprjónshaus, og gróa fljótt án þess að
skilja eftir sig merkjanlegt ör, jafnvel þótt þau geti verið
mörg.
„Í stuttu máli snýst þetta um að flytja hárstrá aftan af
höfðinu, sem annars yxu þar til æviloka, og gróðursetja
þau, ef svo má að orði komast, á bersvæði þar sem
vantar hár, annaðhvort ofan á hvirflinum eða í kollvik-
unum og hárlínunni að framan,“ segir Ásdís. „Hárið
vex svo á hinu svonefnda ígræðslusvæði eins og ekkert
hafi ískorist. Það fellur ekki eins og hárið sem var þar
fyrir, því að það heldur eiginleikum sínum frá gamla
staðnum þar sem skalli myndast ekki. Þetta er hár sem
er erfðafræðilega uppbyggt á þann hátt að menn missa
það ekki, það er ekki viðkvæmt fyrir þeim áhrifum sem
valda hárlosi.“
Raðað upp með öðrum hætti
Aðgerðin fer fram með aðstoð sérsmíðaðra
stækkunargleraugna og fíngerðra læknistóla sem Ilter
Clinic hefur látið hanna fyrir sig; af því kemur viðbótin
IM (FUE-IM), þetta er Ilter-meðferðin, hin endurbætta
FUE-aðferð.
„Þetta er allt sama hárið, við röðum því bara upp með
öðrum hætti.“
Lítil hætta er á að hársekkjaklasar verði fyrir skakka-
föllum þegar þeir eru fjarlægðir með svo smáum lækn-
istólum af þeim stað sem viðkomandi hefur nóg hár af-
lögu til að flytja þá þangað
sem hár vantar á höfuðið
og til stendur að „rækta
upp“. Hársekkjunum staf-
aði aftur á móti hætta af
grófum læknistólum og
groddalegu handbragði.
„Ég segi það oft að list-
rænt auga og flinkir og
þrautþjálfaðir fingur lækn-
isins geri gæfumuninn.
Nauðsynlegt er að sérsníða lausnir fyrir hvern og einn
og veitir FUE meira svigrúm til þess en aðrar aðferðir.
Við kostum kapps um að hárvöxturinn líti eðlilega út
eftir aðgerð. Læknirinn leggur sig þess vegna fram um
að stinga hverjum hársekk niður á nýja staðnum þannig
að hárið vaxi í rétta stefnu með hliðsjón af þeim hár-
vexti sem er fyrir. Þetta er tímafrekt verk og þess vegna
gerum við ekki fleiri aðgerðir en eina á dag.“
Á heimasíðu Ilter Clinic (www.ilterclinic.com) segir
að Demir Ilter hafi persónulega gert næstum 1.500 FUE-
IM aðgerðir sem svarar til þess að hann hafi flutt um
það bil tvær milljónir hársekkja eða ígræðslna.
„Huga þarf að samfellu og hlutföllum og þótt ég segi
sjálf frá er Demir afburðasnjall á sínu sviði og hreinn
listamaður. Hann býr til óreglulega og þar af leiðandi
náttúrulega hárlínu sem líkist þeirri upprunalegu. Sama
á við um hvirfilinn þar sem líkt er eftir sveipum og valin
vaxtarstefna í því augnamiði að nýja hárið þeki sem
mest.“
Giska þéttur brúskur
Með því að götin eða stungurnar sem búin eru til í húð-
inni, þar sem hárinu er framvegis ætlað að vaxa, eru svo
smáar sem raun ber vitni er hægt að raða þeim þéttar en
ella og þannig fá giska þéttan brúsk.
Oft nægir ein aðgerð en þar sem FUE IM-aðferðin
hefur í för með sér minna inngrip en aðrar aðferðir má
einnig endurtaka hana með skemmra millibili.
Takmörk eru samt fyrir því hvað hægt er að ganga
langt.
„Til dæmis má ekki flytja svo mikið hár burt af gjafa-
svæðinu aftan á höfðinu að það verði gisið á eftir. Fólk
verður að gera sér raunhæfar væntingar því að þetta
veltur allt á því hve miklu hári menn mega sjá af og hve
stórt svæði ætlunin er að þekja.“
Flestir viðskiptavina Ilter Clinic eru karlmenn en
þangað leita líka konur sem eiga um sárt að binda út af
Starfsfólk Ilter Clinic í Stokkhólmi. Ásdís Arnbjörnsdóttir styðjur hönd á stólbakið, Demir Ilter situr við borðið.
Hársekkir, sem fjarlægðir hafa verið af gjafasvæði, bíða þess að vera færðir til á höfðinu.
Ásdís Arnbjörnsdóttir er reglulega
með gjaldfrjáls viðtöl og ráðgjöf hér á
landi fyrir þá sem óska eftir hárflutn-
ingi. Hægt er að senda henni tölvupóst
á netfangið asdis@ilterclinic.se.
Gjaldfrjáls ráðgjöf