Morgunblaðið - 02.07.2010, Side 2

2 FréttirINNLENT
MORGUNBLAÐIÐ FÖSTUDAGUR 2. JÚLÍ 2010
Ný og endurbætt útgáfa
Handhæg
t
ferðakort
Hljóðbók
Arnar Jón
sson
les 19 þjó
ðsögur
Nýr ítarle
gur
hálendisk
afli
Hafsjór af fróðleik
um land og þjóð
Vegahandbókin sími: 562 2600
Gamla bókin tekin upp í á kr. 1.000
Aðeins í bókaverslunum - Ekki á bensínstöðvum
Eymundsson metsölulisti
16.06.10-22.06.10
1.
Sæti
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Stór svínabú að sameinast
 Stjörnugrís í viðræðum um kaup á svínabúum á Kjalarnesi og í Borgarfirði
 1.500 gyltur og sameinað bú yrði með 65% af íslenska svínakjötsmarkaðnum
Eigendur svínabúsins Stjörnugríss á Vallá á Kjal-
arnesi og stjórnendur Arion banka eiga í viðræð-
um um kaup hinna fyrrnefndu á svínabúunum á
Brautarholti á Kjalarnesi og Hýrumel í Hálsasveit
í Borgarfirði. Nokkrar vikur eru síðan búin tvö
voru auglýst til sölu og hafa viðræður um hugs-
anleg kaup staðið yfir síðustu vikur. „Ég á von á
því að þetta skýrist fljótlega eftir helgina,“ sagði
Geir Gunnar Geirsson, framkvæmdastjóri
Stjörnugríss, í samtali við Morgunblaðið.
Í yfirstandandi viðræðum bónda og banka eru
undir þrjú af stærstu svínabúum landsins. Þau
framleiða alls um 60% af því svínakjöti sem fer á
markað. Íslenski kjötmarkaðurinn er, ef allar teg-
undir eru inni í myndinni, alls um 28 þúsund tonn á
ári hverju og koma því um 8% af því kjöti sem Ís-
lendingar neyta á ári frá þremur umræddum bú-
um.
Á Brautarholti og Hýrumel er búið með alls 900
gyltur og um 600 á Vallá. Geir Gunnar segir hins
vegar ljóst að verði af kaupunum þurfi að nálgast
hlutina með breyttum brag og draga mjög úr öll-
um umsvifum, sökum þess að rekstrargrundvöllur
sé ekki fyrir hendi eins og landið liggur í dag.
„Núna er stórtap á þessu og ekki hægt að reka
þessa starfsemi nema gera verulegar breytingar á
hlutunum,“ segir hann.
Framleiðslumál í mjólkuriðnaði bar á góma á
Alþingi á dögunum. Í deiglunni er að þrengja að
þeim bændum og sekta sem framleiða mjólk utan
greiðslumarkskerfisins og virðist nokkuð breið
samstaða um málið, þvert á flokkslínur. Í um-
ræðum um mjólkurframleiðsluna nefndi Atli
Gíslason, formaður sjávarútvegs- og landbúnaðar-
nefndar Alþingis, svínaræktina í framhjáhlaupi og
sagði greinina gjalda þess að framleiðslunni væri
ekki stýrt með neinu móti. Afleiðing þess væri sú
að nú væri einn svínakjötsframleiðandi að ná á
milli 55 og 65% markaðshlutdeild og er ljóst af
framansögðu hvaða dæmi þingmaðurinn lagði út
af í ræðu sinni. sbs@mbl.is
„Stórtap og ekki
hægt að reka þessa
starfsemi nema gera
breytingar,“ segir
bóndinn.
Gísli Tryggvason, talsmaður neyt-
enda, hafnar því aðspurður að hans
eigin lántökur hafi haft áhrif á störf
hans í embættinu. Samkvæmt veð-
bandayfirliti íbúðar Gísla við Núpalind
í Kópavogi, sem Morgunblaðið hefur
undir höndum, er myntkörfulán frá
Landsbanka Íslands á fyrsta veðrétti,
að upphæð nítján milljónir króna.
Gísli segir að af um 100.000 heim-
ilum í landinu sé hátt í helmingur með
gengistryggð lán af einhverju tagi.
Þau mál varði því ekki sértæka hagsmuni afmarkaðs
hóps. Vanhæfissjónarmið eigi þess vegna ekki við.
Ljóst sé að talsmaður neytenda sé neytandi eins og all-
ir aðrir og lifi ekki í neinu tómarúmi. „Ég er auðvitað með
alls konar lán og eignir eins og fleiri á mínum aldri og vil
ekki blanda því saman við þetta. En ég hef frá upphafi
vega mælt fyrir heildstæðri lausn á bæði verðtryggðum
og gengistryggðum lánum,“ segir hann og minnir á að í
tillögum sínum að lausnum hafi hann tekið öll lán með í
umræðuna. „Bílalán, jafnvel námslán, íbúðalán, geng-
istryggð og verðtryggð lán.“
Gísli tekur ekki undir að svona upplýsingar um skulda-
stöðu hans þurfi að koma fram. „Ég er ekki í neinni sér-
stakri hagsmunagæslu fyrir einn hóp skuldara frekar en
annan og reyni að gæta hagsmuna allra skuldara, inni-
stæðueigenda og peningamarkaðssjóðseigenda. Þannig
að ég tel þetta ekki skipta máli, eins og dæmin úr störf-
um mínum sanna,“ segir Gísli. Spurður hvort það varði
hann ekki miklu hver niðurstaðan verður um vaxtakjör á
gengistryggðum lánum, kveðst Gísli ekki hafa talað fyrir
ýtrustu kröfum lántakenda í því efni. „Ég hef talað fyrir
gerðardómslausn eða sáttafarvegi. Ég hef ekki haldið því
fram að ein lausn sé sú eina rétta,“ segir hann.
Í gær lagði talsmaður neytenda til að embætti hans
fengi heimild til að setja lögbann á gengistryggð lán í
þágu heildarhagsmuna neytenda. onundur@mbl.is
Litast ekki af eigin lánum
 Talsmaður neytenda með 19 milljóna kr. gengistryggt lán
 „Ekki í sérstakri hagsmunagæslu fyrir einn hóp skuldara“
Gísli
Tryggvason
Sextíu starfsmönnum ísfirska verk-
takafyrirtækisins KNH var sagt upp
störfum í lok júní. Að sögn Sævars
Óla Hjörvarssonar, eiganda KNH,
eru þetta þrír af hverjum fjórum
starfsmönnum fyrirtækisins. Sumir
þeirra hafa áður fengið uppsagnar-
bréf hjá sama fyrirtæki í kreppunni
en hingað til hefur tekist að halda
flestum. „Verkefnin er að þrjóta,“
segir Sævar Óli, spurður hvers
vegna þurft hefði að taka þessa
ákvörðun nú. „Það er ekkert verið að
bjóða út og verkefnin eru að klárast í
haust. Þá höfum við ekkert að gera í
vetur fyrir allan þennan mannskap.“
Hann segir ekkert í sjónmáli af
nýjum verkefnum og ekkert í píp-
unum hjá stjórnvöldum. Verkefna-
staðan er þó ágæt fram á haustið, en
eftir það er nánast ekkert. „Núna
hefur ekkert verið boðið út í tvö ár af
viti. Þetta er að deyja út enda ekkert
nýtt verið að bætast við, engin ný út-
boð. Þeir bara lofa og lofa og lofa og
svo kemur ekkert,“ segir Sævar Óli
um ráðamenn.
Fjórar hópuppsagnir í júní
Í heildina voru fjórar hóp-
uppsagnir tilkynntar til Vinnu-
málastofnunar í síðasta mánuði, þar
af þrjár í byggingariðnaði. Eins og
fram kom í Morgunblaðinu í gær
misstu fimmtíu starfsmenn Ístaks
vinnuna en tuttugu og sex hjá Eykt.
Þá sagði eitt verktakafyrirtæki til
viðbótar upp tuttugu og fjórum.
Einnig tilkynnti fiskvinnslufyr-
irtæki að þrettán starfsmönnum
hefði verið sagt upp á einu bretti.
Alls misstu því 173 starfsmenn vinn-
una í þessum mánuði, í hópupp-
sögnum. Að sögn Karls Sigurðs-
sonar, sviðsstjóra vinnumálasviðs
Vinnumálastofnunar, er þetta tals-
vert meiri fjöldi en verið hefur á
þessu ári, en slagar þó ekki upp í það
sem gerðist um hver mánaðamót
fyrir einu til einu og hálfu ári.
onundur@mbl.is
Flestum
sagt upp
hjá KNH
173 í hópuppsögnum
Morgunblaðið/RAX
Karlmaður var fluttur mikið slasaður með sjúkraflugi til Akureyrar eftir
að hann festist undir stórri gröfu sinni sem lenti ofan í Sandá í Þistilfirði á
fjórða tímanum í gærdag. Aðeins höfuð mannsins stóð upp úr vatninu og
var hann orðinn nokkuð kaldur þegar tókst að bjarga honum.
Að sögn Jóns Stefánssonar, varðstjóra hjá lögreglunni á Þórshöfn, eru
tildrög slyssins óljós. Hugsanlegt þykir að maðurinn, sem ók að einbreiðri
brú, hafi ekið á brúarstólpa með fyrrgreindum afleiðingum. Maðurinn var
um 45 mínútur í vatninu en ekki tókst að ná honum upp úr fyrr en fengin
var önnur stór grafa sem notuð var til að lyfta hjólaskóflunni.
Ekki fengust upplýsingar um líðan mannsins í gærkvöldi.
Aðeins höfuðið stóð upp úr vatninu
Morgunblaðið/Líney Sigurðardóttir