Fréttablaðið - 10.11.2011, Blaðsíða 82

10. nóvember 2011 FIMMTUDAGUR66
FRJÁLSAR ÍÞRÓTTIR Spjótkastarinn
Ásdís Hjálmsdóttir náði einu besta
íþróttafreki ársins þegar hún lenti
í þrettánda sæti á HM í frjálsum í
Daegu í Suður-Kóreu í septem ber
síðastliðnum. Hún hefur aldrei
kastað lengra á stórmóti og þessu
náði hún þrátt fyrir að vera búin að
keppa meidd í sex mánuði. Ásdís
er nú laus við meiðslin, hefur hafið
stífan undirbúning fyrir Ólympíu-
leikana í London og ætlar sér að
kasta lengra en Íslandsmetið henn-
ar er (61,37 metrar) á árinu 2012.
„Fóturinn er orðinn góður og ég
er bara að æfa á fullu. Ég er alveg
á kafi og er að drepast úr harð-
sperrum. Ég byrjaði aftur í byrjun
október og hef ekkert fundið fyrir
í fætinum síðan ég byrjaði. Það er
mjög jákvætt. Þetta lítur rosalega
vel út allt saman,“ segir Ásdís, en
hún er annað árið í röð á leiðinni í
æfingabúðir hinum megin á hnett-
inum.
Æfingabúðir í Suður-Afríku
„Stefnan er að fara í æfingabúðir
til Suður-Afríku í lok desember og
byrjun janúar.
Ég fór aðeins fyrr í fyrra en var
þá komin heim fyrir áramótin.
Það er betra fyrir okkur að fara
aðeins seinna því þá er ég farin
að kasta meira,“ segir Ásdís. Hún
viðurkennir að það hafi gengið á
ýmsu hjá henni árið 2011 og þar
hafi meiðslin spilað stórt hlutverk.
„Þetta var rosalega mikið upp
og niður hjá mér á þessu ári.
Meiðslin voru að eyðileggja fyrir
mér en samt sem áður næ ég að
tryggja mig inn á Ólympíuleik-
ana og næ 13. sæti á HM, sem er í
rauninni alveg frábært miðað við
að stæður,“ segir Ásdís, sem náði
sínum besta árangri á HM þrátt
fyrir að glíma við þessi meiðsli.
„Ég lagði ofboðslega mikið á
mig til þess að geta keppt yfir-
höfuð. Langflestir hefðu ekki
getað keppt eins og ég var en ég
hefði verið að vinna með meiðslin
síðan í mars. Ég var að gera ótrú-
legustu hluti til þess að halda þess-
um meiðslum niðri,“ segir Ásdís,
en hún glímdi við bólgur í sininni
undir ilinni sem liggur frá stóru
tánni og festist aftan í hælinn.
Hringið bara í mig
„Ég gerði bókstaflega allt sem
nokkurn tímann hefur verið ráð-
lagt við þessum meiðslum. Ég var
að kæla þetta, ég var að nudda
þetta og ég var að teygja á þessu.
Ég fór til sjúkraþjálfara á hverj-
um einasta degi í bylgjur og með-
ferð. Ég fór líka í nálastungur og í
eiginlega allt sem ég fann að væri
hægt að gera. Ég veit ekki hversu
mörgum klukkutímum á viku ég
eyddi í styrktaræfingar. Ef ein-
hver fær þessi meiðsli, láttu þann
hinn sama hringja í mig því ég veit
allt um þetta,“ segir Ásdís í létt-
um tón.
Árangurinn á HM var því
ánægjulegur þótt litlu hafi munað
að hún kæmist í tólf manna úrslit.
„Það var gífurlegur sigur fyrir
mig andlega því ég hef ekki verið
nógu heppin að hitta á þetta á stór-
mótunum. Það gefur mér mikið
sjálfstraust fyrir Ólympíuleikana
að ná að kasta svona langt,“ segir
Ásdís, sem tryggði sér keppnis-
rétt á Ólympíuleikunum með því
að kasta 59,12 metra mánuði fyrir
HM og varð þá fyrsti íslenski
íþróttamaðurinn sem komst inn
á Ólympíuleikana í London. Hún
kastaði síðan þremur senti metrum
lengra á HM.
„Ég er laus við allt stress við
að ná lágmarkinu inn á Ólympíu-
leikana en mig langar til þess að
fara inn með A-lágmörk og að
sjálfsögðu ætla ég að reyna að
kasta eins langt og ég get fyrir
leikana. Allt verður samt miðað
við það að toppa á Ólympíuleik-
unum sjálfum,“ segir Ásdís, en
A-lágmarkið er 61 metri og b-lág-
markið er 59 metrar.
Ætlar að slá Íslandsmetið
„Ég stefni á það að bæta Íslands-
metið mitt á næsta ári og ég von-
ast til að haldast heil. Það er
númer eitt, tvö og þrjú hjá mér
núna að gera allt til þess. Ef ég
verð heil á ég að geta kastað
langt,“ segir Ásdís, en hún hefur
aldrei verið hrædd við að setja
pressu á sjálfa sig.
Ásdís hefur náð mjög góðum
árangri undanfarin ár en hefur
ekki átt upp á pallborðið hjá
Samtökum íþróttamanna. Ásdís
endaði í 11. sæti í kjörinu fyrir
árið 2010 og varð í 13. sæti árið
á undan. Bæði árin var hún
hins vegar kjörin Íþróttamaður
Reykjavíkur borgar.
Ofboðslega huglægt mat
„Þetta er ofboðslega huglægt mat
og það eru örugglega ekki neitt
ofboðslega margir þarna sem
hafa áhuga á frjálsum. Auðvitað
finnst mér það svolítið fyndið
þegar ég kemst ekki inn á topp tíu
í vali á Íþróttamanni ársins en er
svo kosin Íþróttamaður Reykja-
víkur og það voru kannski tveir
til þrír íþróttamenn fyrir neðan
mig sem voru á topp tíu listanum
í kosningunni á Íþróttamanni árs-
ins,“ segir Ásdís og bætir við:
„Markmiðið hjá mér og
tilgangur inn með þessari íþrótta-
iðkun minni er samt ekki að kom-
ast inn á einhverja lista þó að það
sé mikill heiður að fá svona við-
urkenningu. Þetta er huglægt mat
og það er ekki hægt að láta það
fara í taugarnar á sér. Það væri
mjög gaman og mikill heiður að
fá að vera með tíu efstu í kjör-
inu en svona er þetta bara,“ segir
Ásdís en hvað þá með kjörið í ár?
Búin að prófa allt
„Nú er ég búin að prófa allt. Ég
er búin að prófa það að ná rosa-
lega góðum árangri en standa mig
ekki neitt ofboðslega vel á stór-
móti. Þá fór ég ekki inn. Ég er
búin að prófa að eiga gott sumar
og standa mig vel á stórmóti en
fór ekki inn heldur. Nú er ég búin
að standa mig vel á stórmóti og
við verðum bara að sjá hvað það
gefur.“
ooj@frettabladid.is
Flestir hefðu ekki getað keppt
Ásdís Hjálmsdóttir hefur verið ofarlega á heimslistanum í spjótkasti kvenna síðustu ár og fastagestur á
stórmótum. Hún hefur hins vegar aldrei verið valin í hóp tíu bestu íþróttamanna landsins í kosningu
Samtaka íþróttamanna. Ásdís tjáir sig um það, sem og meiðslin og ólympíuárið sem er fram undan.
STEFNIR Á NÝTT ÍSLANDSMET Ásdís Hjálmsdóttir er á fullu að byggja sig upp fyrir
tímabilið, þar sem hápunkturinn verður Ólympíuleikarnir í London. FRÉTTABLAÐIÐ/ANTON
Ásdís í tölum
Stórmótin hennar Ásdísar
EM í Gautaborg 2006
25. sæti (51,33 metrar)
Ólympíuleikar í Peking 2008
50. sæti (51,33 metrar)
HM í Berlín 2009
24. sæti (55,86 metrar)
EM í Barcelona 2009
10. sæti (54,32 metrar)
HM í Daegu í Suður-Kóreu 2011
13. sæti (59,15 metrar)
Bestu köst Ásdísar á hverju ári:
2011 59,15 metrar Daegu, 1. sept. 2011
2010 60,72 Gateshead, 10. júlí 2010
2009 61,37* Reykjavík, 16. maí 2009
2008 59,80** Lapinlahti, 20. júlí 2008
2006 54,66 Árósar, 6. júlí 2006
2005 57,10** Reykjavík, 28. maí 2005
2004 55,51 Grosseto, 13. júlí 2004
* Er Íslandsmet ** Var Íslandsmet
HANDBOLTI Ingimundur Ingimundarson, leik-
maður Fram og íslenska landsliðsins, hefur
verið duglegur við að létta sig síðustu vikur
og mánuði svo eftir því var tekið. Hann sneri
aftur heim til Íslands úr atvinnumennskunni
í sumar og hefur lagt ríka áherslu á að halda
sér í sem allra bestu formi.
„Ég hef æft vel í sumar og haust og er í fínu
standi. Ég er kannski búinn að æfa of mikið
því Guðmundur er búinn að tuða yfir því hvað
ég er orðinn léttur,“ segir Ingimundur og
brosir.
„En þó svo að ég sé léttari en ég hef verið
að undanförnu held ég mínum styrk. Ég hef
allavega verið að glíma við afturendann á
Kára á hverri æfingu og það er ekkert smá-
ræði. Hann er öflugur í blokkeringunum og
harður af sér,“ segir Ingimundur. „En svo ég
tali af fullri alvöru þá finnst mér þetta virka
vel fyrir mig og ef nauðsyn krefur þá er ég
fljótur að bæta á mig nokkrum kílóum. Ég á
frekar auðvelt með það.“
Hann segir að það hafi aldrei verið ætlunin
að slaka eitthvað á eftir að hann kom aftur til
Íslands. „Ég ætla mér að halda áfram í hand-
bolta af fullum krafti. Ég æfi mikið auka-
lega enda vissi ég að ég þyrfti að halda mér á
tánum til að detta ekki úr landsliðinu og gera
áfram góða hluti með því,“ segir Ingimundur
en bætir við að það hafi verið mikil breyting
fyrir sig að koma aftur heim.
„Hérna heima er mikið um létta leikmenn,
snögga og tekníska, en ytra er maður helst að
glíma við tveggja metra menn sem beita sér á
annan hátt. Það á enginn fast sæti í landslið-
inu og ég þarf að vera í toppformi hér heima
til að halda sæti mínu þar.“
Hann segist vera opinn fyrir því að fara
aftur út í atvinnumennsku eftir tímabilið.
„Ég get ekki sagt að ég stefni beinlínis að því
að komast aftur út en ég vil halda mér í góðu
standi ef eitthvað áhugavert kemur upp. En
mér líður líka mjög vel heima. Það gefur mér
mikið að vera nálægt fjölskyldu og vinum,
auk þess sem æfingamenningin í handboltan-
um hér heima er mjög góð.“ - esá
Landsliðsþjálfarinn að „tuða“ yfir því hvað Ingimundur Ingimundarson er búinn að létta sig mikið:
Get verið fljótur að bæta aftur á mig kílóum
FISLÉTTUR Ingimundur Ingimundarson hefur
tekið af sér nokkur kíló að undanförnu.
FRÉTTABLAÐIÐ/ANTON
FÓTBOLTI Einn fljótasti knatt-
spyrnumaður landsins, Gunnar
Kristjánsson, hefur skrifað undir
samning við 2. deildarlið KV sem
stendur fyrir Knattspyrnufélag
Vesturbæjar.
Gunnar fékk sig lausan undan
samningi við FH í gær en hann
átti eitt ár eftir af samningi
sínum við Hafnarfjarðarliðið.
Í kjölfarið skrifaði hann undir
samning við KV.
Gunnar þekkir vel til hjá
félaginu enda var það stofnað á
sínum tíma heima hjá honum.
Þjálfari liðsins er þess utan
bróðir Gunnars.
KV-menn ætla sér stóra hluti í
2. deildinni næsta sumar en þeir
hafa boðað til blaðamannafund-
ar í dag þar sem fleiri leikmenn
verða kynntir til leiks. - hbg
Gunnar Kristjánsson:
Fór frá FH í KV
GUNNAR KRISTJÁNSSON Farinn aftur í
Vesturbæinn en að þessu sinni ekki til
KR. FRÉTTABLAÐIÐ/STEFÁN
KÖRFUBOLTI Það verður aðeins
eitt lið stigalaust á botni Ice-
land Express-deildar karla eftir
leik Tindastóls og Vals í Síkinu
á Sauðárkróki í kvöld. Sjötta
umferðin hefst þá með þremur
leikjum, en bæði Tindastóll og
Valur hafa tapað fyrstu fimm
leikjum sínum.
Það verður einnig athyglis-
verður slagur í Toyota-höllinni
þar sem Keflavík tekur á móti
nýliðum Þórs úr Þorlákshöfn.
Bæði lið hafa unnið þrjá leiki og
eru ásamt ÍR og Snæfelli í 4. til
7. sæti deildarinnar. Þórsarar
hafa þegar farið í Reykjanesbæ
í vetur og sótt tvö stig en þeir
unnu 90-75 sigur í Njarðvík á
dögunum.
Þriðji og síðasti leikur kvölds-
ins er síðan á milli Reykjavíkur-
félaganna Fjölnis og KR í
Grafar voginum. Allir leikir
kvöldsins hefjast klukkan 19.15
en umferðin klárast síðan á
morgun. - óój
Iceland Express-deild karla:
Fyrstu stigin
örugg í húsi
RÝR UPPSKERA Darnell Hugee á eftir að
vinna leik á Íslandi. FRÉTTABLAÐIÐ/STEFÁN