Fréttablaðið - 10.11.2011, Blaðsíða 60

10. nóvember 2011 FIMMTUDAGUR44
Pepsi 2l
139 kr
...opið í 20 ár
„Hver einasti Spánverji þekkir eitthvað til Joaquín
Sabina, sem er að mínu mati stórkostlegur tónlistar-
maður,“ segir spænskukennarinn, leiðsögumaðurinn
og gítarleikarinn Júlíus Hjörleifsson, sem ásamt
Pétri Valgarði Péturssyni myndar gítardúettinn Los
Bíldalayos.
Næstu tvö föstudagskvöld munu þeir félagar,
ásamt söngkonunni Maríu Björgu Kristjánsdóttur,
halda tónleika á Næsta bar. Þau ætla að flytja söng-
lög eftir Sabina, auk þess sem Júlíus mun spjalla um
tónlistarmanninn og lífshlaup hans.
Júlíus hefur lengi verið aðdáandi Sabina, en fór
að spila lögin hans fyrir áheyrendur í starfi sínu
sem leiðsögumaður. „Ég tek gítarinn yfirleitt með í
ferðir og hef gaman af því að taka eina kvöldstund í
að syngja og spila á gítar,“ segir Júlíus og bætir við
að margir Spánverjar þekki lögin og syngi með, að
minnsta kosti í viðlögunum. Oft komi þeim á óvart að
heyra Júlíus taka lög eftir Sabina. „Það kemur fólki
helst á óvart að maður hafi lagt það á sig að læra
textana. Sabina er mjög erfiður, textarnir hans eru
svolítið absúrd og í þeim virðist í fyrstu ekkert sjáan-
legt samhengi. Þetta er ákveðin áskorun. Ég ræðst
ekki á garðinn þar sem hann er lægstur með þessu.“
Á milli laga ætlar Júlíus að segja sögur af sam-
skiptum Íslendinga og Spánverja í gegnum tíðina.
Hann segir meðal annars sögur af Böskunum og
hinum hrikalegu Spánverjavígum. Þá mun saltfisk-
útflutning og rauðvínsinnflutning bera á góma og
síðast en ekki síst sólarlandaferðir Íslendinga.
Í tilefni af tónleikunum verða framreiddir tapas-
réttir á Næsta bar þessi tvö föstudagskvöld. Miða-
verð á tónleikana er 1.000 krónur ef borgað er með
peningum en 1.500 ef borgað er með korti. Dagskráin
hefst klukkan 21. - hhs
Spænsk stemning á Næsta bar
LOS BÍLDALAYOS Pétur Valgarð Pétursson, Júlíus Hjörleifsson
og María Björg Kristjánsdóttir æfa á Næsta bar fyrir tónleikana
sem fram undan eru næstu tvö föstudagskvöld. FRÉTTABLAÐIÐ/GVA
Guðrún Kristín Magnúsdóttir rit-
höfundur ákvað fyrir ári síðan að
ráðast í víðtæka bókaútgáfu. Ári
síðar eru 130 bækur hennar og sonar
hennar aðgengilegar í Amazon-vef-
versluninni. Hugsjón réði ferð Guð-
rúnar sem vill að sem flestir hafi ráð
á því að kaupa bækur.
Við fáum ekkert fyrir okkar snúð, fólk
greiðir fyrir prentunina og svo sendingar-
kostnað,“ segir Guðrún Kristín Magnús-
dóttir rithöfundur, sem hefur verið stórtæk
í útgáfu barnabóka undanfarið. Guðrún
Kristín hefur lengi fengist við ritstörf, gefið
út barnabækur og skrifað leikrit og ljóð.
Barnabækurnar eru þó langmest áberandi
á hennar ritaskrá og nú eru 130 bóka hennar
fáanlegar á nýjan leik í gegnum Amazon-
netverslunina.
Barnabækur Guðrúnar Kristínar er af
fjölbreyttum toga, í sumum koma kettir,
hestar eða geimverur fyrir. „Þarna eru
ýmsar verðlaunasögur. þarna eru til dæmis
fjölmargar bækur um köttinn Hannes sem
henta börnum frá unga aldri.“ Guðrún
Kristín hefur líka ráðist í að koma hinni
fornu norrænu speki í búning fyrir börn.
„Óðsmálin fjalla um vitundarvísindi for-
feðra okkar, sem eru mikil og djúp þó að
margir hafi verið tilbúnir til að misskilja
þau í gegnum tíðina,“ segir Guðrún Kristín
sem hefur skrifað alls 40 bækur um Óðs-
málin fyrir krakka. Margir muna einnig
eftir bókum sonar hennar um geimveruna
Tak sem var lengi fastagestur í Stundinni
okkar en þær bækur hafa allar verið gefnar
út á nýjan leik.
Bækurnar kosta frá 400 krónum en við
bætist sendingarkostnaður. „Það er auð vitað
hagstæðara að kaupa fleiri en eina bók,“
segir Guðrún Kristín á að lokum.
Eins og áður sagði er hægt að nálgast
bækur Guðrúnar á vef Amazon-bóka-
verslunarinnar. Þar fyrir utan þá er hægt að
skoða höfundarverk hennar á www.mmedia.
is/odmal. sigridur@frettabladid.is
130 bækur útgefnar á einu ári
GUÐRÚN KRISTÍN MAGNÚSDÓTTIR Hefur skrifað fjölmargar bækur fyrir börn sem eru nú aðgengilegar á nýjan
leik. FRÉTTABLAÐIÐ/VALLI
Margir muna eftir geimver-
unni Tak sem var fastagestur
í Stundinni okkar undir lok
áttunda áratugarins. Tak er
hugsmíð sonar Guðrúnar
Kristínar, Hjalta Bjarna-
sonar, sem teiknaði allar
myndirnar í bækurnar og
samdi með aðstoð móður
sinnar. Hjalti var á aldrinum
fimm til tíu ára þegar hann
fékkst við sögurnar um Tak.
Samnefndar bækur eru líkt
og aðrar bækur Freyjukatta
fáanlegur í vefbókabúðinni
Amazon.
GEIMVERAN TAK
Á laugardaginn opnar í Gerðubergi ljós-
myndasýningin Málshættir í fókus, þar
sem 29 áhugaljósmyndarar sýna fjöl-
breytileg verk.
„Þetta er í raun og veru mjög fjöl-
breytileg sýning. Það var engin sía, allir
máttu vera með, þannig að myndirnar eru
bæði eftir byrjendur og lengra komna.
Þetta kemur mjög vel út,“ segir Þorsteinn
Narfason, sem situr í sýningarnefnd
Fókuss, félags áhugaljósmyndara. Félagið
stendur fyrir sýningunni Málshættir í
fókus, sem verður opnuð í Menningarmið-
stöðinni Gerðubergi á laugardaginn. Alls
taka 29 ljósmyndarar þátt í sýningunni,
um þriðjungur félagsmanna.
Þema sýningarinnar er málshættir, en
ljósmyndirnar eiga það sammerkt að túlka
íslenska málshætti. Þorsteinn á sjálfur
verk á sýningunni, ljósmynd sem tekin
var á Gay Pride í sumar af tveimur glað-
værum draggdrottningum. Þannig túlkaði
hann málsháttinn maður er manns gaman.
Aðrir málshættir sem félagsmenn túlka
með myndavélum sínum eru meðal annars
þeir fiska sem róa, margar hendur vinna
létt verk og fold skal við flóði taka.
Frá því að Fókus varð til árið
1999 hefur félagið staðið fyrir 22
ljósmyndasýningum. Félagið er opið öllum
áhugamönnum um ljósmyndun. Markmið
þess er að skapa vettvang fyrir félags-
menn til að sinna áhugamálinu. Það er
meðal annars gert með því að skipuleggja
ljósmyndaferðir, halda samkeppnir og
fræðsluerindi um ljósmyndun. Einnig eru
reglulegir fundir þar sem félagar hittast
og ræða saman um þetta sameiginlega
áhugamál.
Á heimasíðu félagsins, fokusfelag.is, má
skoða úrval ljósmynda eftir félagsmenn.
Sýningin stendur til 8. janúar og er opin
virka daga frá klukkan 11 til 17 og 13 til
16 um helgar. - hhs
Málshættir í mynd
KALT ER KATTAR GAMNIÐ Vanir jafnt sem óvanir ljósmyndarar
eiga verk á sýningunni Málshættir í fókus, sem verður opnuð í
Gerðubergi á laugardaginn. MYND/EYDÍS EYJÓLFSDÓTTIR
Soffía Sæmundsdóttir opnar
einkasýningu á nýjum verkum í
Baksal Gallerí Foldar á laugar-
dag klukkan 15.
Soffía hélt fyrstu einkasýningu
sína í Baksal Gallerí Foldar fyrir
fimmtán árum
og kallast þessi
sýning að ein-
hverju leyti
á við þau við-
fangsefni sem
þá lágu henni á
hjarta. Í frétta-
tilkynningu
segir Soffía
um sýninguna:
„Ég vil vekja
tilfinningu fyrir einhverju stór-
brotnu en jafnframt ofurlítið
brothættu. Manneskjurnar í
myndunum sem ég kalla ferða-
langa, halda ferð sinni áfram í
forundran yfir stærð veraldar-
innar og óendanleika og smæð
mannsins í því samhengi.“
Myndirnar eru málaðar með
olíu á tré og striga og eru frá
þessu ári. Soffía hefur verið virk
á íslenskum myndlistarvettvangi
undanfarinn áratug og haldið
fjölmargar einka- og samsýning-
ar. Hún hefur hlotið margvíslega
viðurkenningar fyrir verk sín
sem eru í eigu fjölda opinberra
stofnana og einstaklinga.
Stórbrotið en
brothætt
NÝJAR MYNDIR Myndir Soffíu eru frá
þessu ári.
SOFFÍA
SÆMUNDSDÓTTIR