Fréttablaðið - 01.12.2011, Blaðsíða 22
1. desember 2011 FIMMTUDAGUR22
Eirvík hefur eldhústæki og fylgihluti
fyrir alla sem unna góðri matargerð.
Allt fyrir matgæðingana
Kynntu þér málið hjá sölumönnum Eirvíkur
Suðurlandsbraut 20, Reykjavík | Sími 588 0200 | www.eirvik.is
22
hagur heimilanna
Þeir sem hafa ekki þolin-
mæði til þess að leita að
biluðum perum í gömlu
jólaseríunni eða perum sem
eru ýmist of laust eða fast
skrúfaðar ættu ef til vill
að huga að kaupum á seríu
með ljósgjöfum framtíðar-
innar, ljóstvistum, í stað
venjulegrar seríu. Seríur
með ljóstvistum (LED) end-
ast miklu lengur en þær
hefðbundnu og eyða minna
rafmagni en þær eru hins
vegar dýrari.
Í Garðheimum kostar 80 pera og
4,8 vatta útisería með ljóstvistum
4.780 krónur en venjuleg 16,8 vatta
útisería með marglitum perum
kostaði á mánudaginn 1.500 krón-
ur með helmingsafslætti.
Ef 80 pera og 4,8 vatta útisería
með ljóstvistum er látin loga frá
fyrsta í aðventu fram á þrett-
ándann, alls 960 klukkustundir,
verður orkukostnaðurinn 55,85
krónur, samkvæmt útreikningum
Eiríks Hjálmarssonar, upplýsinga-
fulltrúa Orkuveitu Reykjavíkur.
„Orkukostnaðurinn vegna
notkunar venjulegrar 16,8 vatta
útiseríu með 80 perum á jafn-
löngum tíma er 195,47 krónur,“
greinir Eiríkur frá.
Endingartími sería með ljós-
tvistum er langur, að sögn Eiríks.
„Ég skoðaði 90 ljósa LED-seríu og
var uppgefinn endingartími 24 til
25 þúsund stundir. Ég reiknaði út
að ef það logaði stanslaust á henni
í 30 daga á ári myndi hún endast til
ársins 2036.“
Hjá Blómavali kostaði hefðbund-
in 80 pera útisería 2.490 krónur á
mánudaginn en LED-sería með 80
bláum ljósum 4.990 krónur. Með
hvítum ljósum kostaði hún 4.699
krónur en marglita kostaði 3.999
krónur. LED-sería með 120 hvítum
ljósum kostaði 9.990 krónur.
Hjá Garðheimum kostaði 100
ljósa LED-sería átta til 10 þúsund
krónur. ibs@frettabladid.is
Led-seríur endast lengur
og eyða minna rafmagni
Börn sem neyta fisks áður en þau eru níu mánaða
gömul eiga síður á hættu að fá asmaeinkenni en önnur
börn. Þetta eru niðurstöður sænskrar rannsóknar sem
tók til 4 þúsund barna fæddra á árinu 2003. Rannsóknin
var hluti af doktorsverkefni Emmu Goksör sem segir að
líkurnar á að börnin fengju endurtekin asmaeinkenni
hafi verið helmingi minni hjá þeim sem fengu fisk að
borða fyrir níu mánaða aldur. Ekki var rannsakað hvaða
fisktegund reyndist best gegn asma en börnin sem
rannsóknin tók til höfðu oftast neytt hvíts fisk, til dæmis þorsks. Lax var í öðru
sæti á listanum yfir fisktegundir sem börnin höfðu borðað. Börn sem borðuðu
fisk oftar en einu sinni í viku fengu jafnframt sjaldnar exem.
■ Heilbrigðismál
Fiskneysla verndar börn gegn asmaeinkennum
GÓÐ HÚSRÁÐ - Súkkulaði
Súkkulaði er gott í baksturinn
Þegar súkkulaði er brætt yfir vatnsbaði þarf
að gæta þess að hvorki vatn né gufa komist í
súkkulaðið því þá getur það farið í kekki. Ef það
gerist getur dugað að setja teskeið af bragðlítilli
olíu út í og hræra þar til hræran verður slétt.
Dökkt súkkulaði inniheldur meira af kakói
og minna af feiti og sykri heldur en ljóst. Þess
vegna hentar dökkt súkkulaði betur í sætar
kökur. Heimild: Leiðbeiningastöð heimilanna
Hvað er LED?
LED ljós (Light-Emitting Diode) eru kölluð ljóstvistar eða ljósdíóður á
íslensku. Díoða er hálfleiðari sem þarf mjög litla orku til að gefa frá sér ljós.
Ljósadíóða gefur frá sér ljós þegar straumur fer um hálfleiðaraefnið.
Hitamyndunin er óveruleg og rafmagnsnotkunin talsvert minni en hjá
venjulegum ljósaperum. LED ljós endast lengur en venjuleg auk þess sem
birtan af þeim er meiri.
Rússneskur pels sem Vigdís Hauksdóttir þingkona
keypti sér á sjötíu prósenta afslætti í skinna-
uppboðshúsinu í Kaupmannahöfn árið 2006 er
hennar bestu kaup í gegnum tíðina.
„Hann hefur hlýjað mér á köldum vetrar-
dögum síðan og hélt í mér lífinu þegar ég bjó
í Kanada. Þar fór frostið stundum niður í 40
gráður,“ segir Vigdís. „Ég nota hann alltaf á
veturna. Hann er æðislegur.“
Pelsinn hefur þó komið að fleiri góðum notum
en að hlýja þingkonunni, sem telur sín verstu
kaup vera í buxum sem hún keypti í
ónefndri búð á Laugaveginum.
„Þær sprungu gjörsamlega utan
af mér þegar ég settist niður á
tónleikum í Kópavogi. Ég sat á
nærbuxunum einum saman
með tætlur í kringum mig,“
segir Vigdís og bætir við að
þá hafi pelsinn góði komið
til bjargar, þar sem hún
gat sveipað honum utan
um sig þegar hún gekk
út. Án þess að eftir væri
tekið.
NEYTANDINN: VIGDÍS HAUKSDÓTTIR ALÞINGISKONA
Pelsinn huldi nærbuxur á
tónleikum eftir buxnaslys
Efnið BPA (Bisphenol-A) hefur nú
verið bannað í pelum hér á landi.
Samkvæmt upplýsingum á vef
Neytenda-
samtak-
anna, sem
hafa lengi
barist fyrir
banninu,
hefur það
hormóna-
raskandi
áhrif og
er mikið
notað í
plastiðn-
aði. Það
hefur verið
mikið
notað
í matarílát úr plasti svo sem pela,
vatnflöskur og í húð innan í niður-
suðudósum. BPA hefur einnig mælst
í miklu magni í kassakvittunum. Danir
voru meðal fyrstu þjóða til að banna
efnið í pelum og matarílátum fyrir
ung börn og hefur velferðarráðherra
nú sett reglur sem banna efnið í
ílátum fyrir börn hér á landi.
■ Heilbrigðismál
BPA bannað í pelum
JÓLALJÓS Birtan af ljósaljósunum er kærkomin í skammdeginu. Úrvalið af jólaseríum hér á landi hefur aukist verulega á síðustu
árum. FRÉTTABLAÐIÐ/GVA
PRÓSENT af neyslu heimila á árinu 2009 í
krónum mælt fólust í gosdrykkjum, söfum og vatni.
Er það umtalsverður samdráttur frá árinu 2003 þegar
1,50 prósent af neyslunni féllu undir þennan lið.
1,10