Fréttablaðið - 01.12.2011, Blaðsíða 94

1. desember 2011 FIMMTUDAGUR82
Isabella ætlar að giftast Edward
og í staðinn ætlar hann
að breyta henni í vampíru
… hvað gæti farið úrskeiðis?
MARGFÖLD
METSÖLUBÓK UM

ALLAN HEIM
Síðasta bókin
í Ljósaskiptaseríunni
eftir Stephenie Meyer
er komin út ...
... kláraðu söguna!
„Þetta er langbesta byrjun hennar frá upphafi og
þótti þó mörgum nóg um í fyrra,“ segir Pétur Már
Ólafsson, útgefandi hjá Bjarti og Veröld, um söluna
á nýjustu glæpasögu Yrsu Sigurðardóttur, Brakið.
Um sex þúsund eintök hafa verið send í búðir og
að sögn Péturs Más hefur salan aukist um fimmtíu
prósent frá síðustu bók, Ég man þig, ef miðað er við
sama tímaramma og í fyrra. „Þá fórum við úr tíu
þúsundum í sextán þúsund eintök. Núna prentuðum
við í sextán þúsundum í fyrsta upplagi og reiknum
með því að prenta meira,“ segir hann.
Til marks um stigvaxandi vinsældir Yrsu var
salan á Ég man þig á sama tíma í fyrra einnig
fimmtíu prósentum meiri en á bókinni þar á undan,
Horfðu á mig. „Við áttum von á því eins og fyrsta
prentun gefur til kynna að salan yrði alla vega jafn-
góð og í fyrra. En við áttum ekki von á 50 prósenta
aukningu,“ segir Pétur Már, sáttur við gang mála.
Ég man þig hefur selst í yfir tuttugu þúsund
eintökum hérlendis. Í Þýskalandi hefur bókin setið
í átta vikur á metsölulistanum og áætla þarlendir
útgefendur að bókin nái eitt hundrað þúsund eintaka
sölu fyrir jólin. Eldri bækur Yrsu hafa tekið mikinn
kipp í Þýskalandi síðan Ég man þig kom út og þá
sérstaklega Horfðu á mig. „Við bíðum mjög spennt
eftir ársuppgjörinu frá þeim.“ - fb
MORGUNMATURINN
1000
800
600
400
200
0
september október nóvember
■ Of Monsters and Men
■ Mugison
■ Páll Óskar
Grafið sýnir plötusölu Mugisonar og Páls Óskars ásamt frábærum árangri
nýliðanna í Of Monsters and Men.
„Ég upplifi þetta alls ekki eins og
ég og Mugison séum í keppni,“
segir poppkóngurinn Páll Óskar
Hjálmtýsson.
Páll Óskar sendi frá sér tón-
leikaplötuna Páll Óskar og Sinfó
fimmtudaginn 17. nóvember. 907
eintök seldust af plötunni í síðustu
viku, en aðeins ein plata hefur selst
betur á einni viku á árinu. Er það
platan Haglél með Mugison, en hún
seldist í 918 eintökum fyrstu vik-
una í október og vermdi toppsæti
Tónlistans þangað til Páll Óskar
rauk á toppinn með látum í dag.
Mugison sat í toppsæti Tónlistans
í á þriðja mánuð. Hann er nú í öðru
sæti og plata hans rýkur út: 12
þúsund eintök eru seld og 5.000 í
viðbót hefur verið dreift í versl-
anir. Þá stendur til að útbúa 7.000
eintök í viðbót, svo enginn ætti að
fara í jólaköttinn í ár. „Ég sam-
gleðst Mugison,“ segir Páll Óskar.
„Ég hef verið á sama stað og hann,
verið sjálfstæður plötuútgefandi
að gefa út og dreifa sjálfur ásamt
því að líma saman plötuumslög.
Þessi plata frá Mugison er fyrsta
platan hans á Íslensku. Þannig að
það er engu líkara en að allar hinar
plöturnar hafi verið upphitun fyrir
þessa. Plöturnar á ensku voru bara
að spenna bogann fyrir þessa og
ekki seldust þær illa.“
Páll Óskar og Sinfó er óhefðbund-
in poppplata að því leyti að Sinfón-
íuhljómsveit Íslands leikur undir á
henni. Er sama hvað þú gerir, það
fer allt á toppinn?
„Nei. Það er ekki sama hvað ég
geri. Það hefur ekki allt sem ég hef
gert í lífinu farið á toppinn. En ég
hef lært að það skiptir máli hvernig
það er gert, hvað býr að baki og þá
virkar það.“
Tónleikarnir í Hörpu voru allir
gríðarlega vel sóttir, þannig að
það mátti kannski búast við því að
platan færi vel af stað?
„Ég krosslagði puttana upp á það
– en þetta er svo magnað, það er
engin trygging fyrir neinu. Maður
veit aldrei neitt, fyrr en jólin koma.
Ekki fyrr en á Þorláksmessu. Þetta
er auðvitað virkilega ánægjulegt.
Ég er ánægður og glaður fyrir hönd
þeirra sem stóðu að tónleikunum.“
atlifannar@frettabladid.is
PÁLL ÓSKAR HJÁLMTÝSSON: ÉG SAMGLEÐST MUGISON
BARÁTTAN UM TOPPSÆTIÐ
Páll Óskar og Mugison syngja saman dúett á jólatónleikum
Björgvins Halldórssonar í Laugardalshöll í desember.
„Við syngjum Litla trommuleikarann og þar fær
Mugison að vera Bing Crosby og ég fæ að vera David
Bowie,“ segir Páll Óskar.
Var barist um hvor fengi hvaða hlutverk?
„Nei, alls ekki. Þetta bara það sem lá beinast við. Mér
finnst ofsalega fallegt að við tveir fáum að mætast
á þessum tónleikum. Okkur þykir svo vænt
um hvor annan. Við höfum fylgst með hvor
öðrum úr fjarlægð. Þó að tónlistin okkar
sé eins ólík og raun
ber vitni, þá eigum
við tveir þessa
sameiginlegu
reynslu að hafa
verið sjálfstæðir
útgefendur. Það
er ákaflega dýr-
mætt.“
SYNGJA DÚETT Á JÓLATÓNLEIKUM
FER VEL AF STAÐ Nýjasta bók Yrsu Sigurðardóttir, Brakið, hefur
farið gríðarlega vel af stað.
Langbesta byrjunin hjá Yrsu
PLÖTUSALA SEINNI HLUTA ÁRSINS
„Ég fæ mér hafragraut í mis-
munandi búningi. Ég set út á
hann kanil, banana, kókosjógúrt
eða rúsínur.“
Rán Flygenring, grafískur hönnuður.
„Við vorum búnir að sjá fyrir okkur að geta
klárað jólagjafainnkaupin en svo verður
bara svo brjálað að gera,“ segir Bjarni
Hall, söngvari hljómsveitarinnar Jeff Who?
Sveitin er á leið til Bandaríkjanna þar sem
hún mun spila á tvennum tónleikum í New
York og Chicago í samstarfi við Reyka
vodka, auk þess að koma fram í fjölda blaða-
og sjónvarpsviðtala.
Vodkaframleiðandinn fékk Jeff Who? til
liðs við sig fyrir rúmu ári til að taka þátt í
markaðssetningu vestanhafs. Í haust var
Reyka vodki svo valinn sá besti í heimi á
Alþjóðlegu vínkeppninni og til að kynna það
og halda upp á sigurinn heldur hljómsveitin
út og spilar á tónleikum sem bera yfir-
skriftina Iceland Wants to Buy You a Drink.
„Ég held að þetta verði miklu skemmti-
legra núna en áður þegar við höfum spilað
í Bandaríkjunum. Þetta verður í raun bara
gott partí, fólk mætir bara til að hlusta á tón-
list og drekka. Þetta verður svolítið íslenskt,“
segir Bjarni og hvetur alla sem geta til að
mæta því viðburðurinn er opinn öllum.
Hljómsveitin mun frumflytja tvö ný lög á
tónleikunum í New York, sem ætti að gleðja
aðdáendur því töluvert langt er síðan sveitin
hefur gefið frá sér nýtt efni. Bjarni segir
að viðbót nýs trommara í hópinn hafi verið
sparkið í rassinn sem hljómsveitarmeðlimir
þurftu til að fara að semja nýtt efni. „Það er
ótrúlegt hvað þetta kom okkur í gang. Í raun
og veru fundum við Grímsa (Hallgrímur
Jón Hallgrímsson) á ættarmóti – hann gifti
sig inn í fjölskylduna mína og við bjuggum
til litla hljómsveit fyrir ættarmót. Þá kom í
ljós að hann er frábær gaur og ennþá betri
trommari. Þetta smellpassaði saman hjá
okkur.“ - bb
Fagna með Reyka vodka í Bandaríkjunum
TIL Í SLAGINN Jeff Who? spilar á R-Bar í New York
mánudaginn 5. desember og á Bedford í Chicago
þriðjudaginn 6. desember. FRÉTTABLAÐIÐ/VALLI
Fjölnir Þorgeirsson, hestamaðurinn góðkunni, lýsti
því yfir við Séð og Heyrt árið 2008 að hann hygðist
taka sér frí frá konum. Hann var þá nýhættur með
sænskri kærustu sinni. Örvar Amors hafa því
verið vel brýndar þegar ástarguðinn hafði
þær til flugs því þær hafa hæft Fjölni
og Bryndísi Ásmundsdóttur beint í
hjartastað. Bryndís hefur getið sér gott
orð sem bæði leikkona og söngkona
og fór meðal annars á kostum í hlut-
verki Janis Joplin í Íslensku óperunni.
Fjölnir á hins vegar enn vef sinn
hestafrettir.is. - fgg
FRÉTTIR AF FÓLKI