Fréttablaðið - 01.12.2011, Blaðsíða 88

1. desember 2011 FIMMTUDAGUR76
FÓTBOLTI „Ég er mjög sáttur við
þessa niðurstöðu. Þetta er það sem
ég og félagið vildum og því var
gott að það gekk eftir,“ segir Hús-
víkingurinn Hallgrímur Jónasson
sem í gær skrifaði undir þriggja
ára samning við danska félagið
SönderjyskE.
„Mér líður mjög vel hérna.
Aðstæður hér eru betri en í
Svíþjóð, deildin er sterkari og ég
fæ að spila þannig að þetta getur
ekki verið betra. Mér hefur geng-
ið vel og þeir eru ánægðir með
mig. Ég vissi að ég gæti spilað í
þessum styrkleikaflokki og hafði
alltaf fulla trú á sjáfum mér. Ég
fékk traustið strax frá byrjun og
það hjálpaði mér líka.“
Hinn 25 ára gamli Hallgrímur
er fjölhæfur leikmaður og hefur
leikið bæði sem miðjumaður og
miðvörður fyrir liðið. Í síðustu
leikjum á miðjunni.
„Ég kann betur við mig á
miðjunni. Það er aðeins meira
fjör þar og maður fær að sækja.
Ég held samt að ég geti spilað
í hærri styrkleikaflokki sem
varnarmaður. Það eru margir til í
heiminum með góða tækni og það
er ekki alltaf sterkasta hlið okkar
Íslendinga,“ sagði Hallgrímur
léttur sem er á leið í jólafrí en
deildin í Danmörku byrjar síðan
ekki aftur fyrr en í mars. - hbg
Húsvíkingurinn Hallgrímur Jónasson búinn að skrifa undir þriggja ára samning við SönderjyskE:
Er betri í vörninni en skemmtilegra á miðjunni
SÁTTUR Í DANMÖRKU Hallgrímur
verður áfram hjá SönderjyskE.
Hann skorar hér gegn Portúgal.
NORDICPHOTOS/AP
FÓTBOLTI Ein athyglisverðasta
fréttin úr knattspyrnuheiminum
síðustu vikuna er 2-1 sigur Banda-
rísku Samóa-eyjanna á Tonga. Var
þetta fyrsti sigur liðsins frá því
að knattspyrnusamband landsins
fékk inngöngu í Alþjóðaknatt-
spyrnusambandið, FIFA, árið
1994, en leikið var í undankeppni
HM 2014. Liðið gerði svo jafntefli
við Cook-eyjar í næsta leik og átti
möguleika á að komast áfram upp
úr riðlinum með sigri á Samóa-
eyjum í lokaumferðinni. Þar hafði
hins vegar „stóri bróðir“ betur en
Samóa vann leikinn 1-0 og kom
sigurmarkið einni mínútu fyrir
leikslok.
Fyrir leikinn gegn Tonga hafði
landslið Bandarísku Samóa-
eyjanna leikið 30 FIFA-leiki í röð
og tapað þeim öllum með marka-
tölunni 12-229. Hollendingurinn
Thomas Rongen var fenginn til
liðsins, en hans helsta verk hefur
verið að vinna í sjálfstrausti leik-
manna. Einna helst markvarðarins
Nicky Salapu sem fékk eitt sinn 31
mark á sig í leik gegn Ástralíu. Er
það stærsti sigur knattspyrnu-
sögunnar í opinberum landsleik og
sóknarmaðurinn Archie Thompson
setti einnig met með því að skora
þrettán mörk í leiknum. „Hver
hefur sinn djöful að draga en fáir í
sama mæli og hann,“ sagði Rogan í
viðtali við New York Times. „Hann
er maðurinn sem er þekktur fyrir
að fá 31 mark á sig í einum leik og
hans líf gengur út á að bæta fyrir
þá skömm fyrir sig og fjölskyldu
sína.“
Þar að auki er einn varnar-
manna liðsins, Johnny Saelua,
ólíkur flestum öðrum í liðinu.
Hann var nefnilega alinn upp sem
kona. „Ég er í raun með konu í mið-
verðinum. Getur þú ímyndað þér
að það gæti gerst annaðhvort á
Englandi eða Spáni?“
Uppeldi Saelua er þó ekki óhefð-
bundið á Samóa-eyjunum en
það þekkist sem fa‘afafine. Það
þekkist víða í menningu eyjanna
að ala drengi upp sem stúlkur, ef
foreldarnir bera kennsl á kvenlega
eiginleika í barninu. Fa‘afafine er
þekkt sem þriðja kynið á eyjunum
og er því hvorki karl né kona.
„Liðið tekur mér eins og ég er
og við berum virðingu fyrir hver
öðrum. Það er frábært enda allt
hluti af okkar menningu,“ sagði
Saelua. - esá
Landslið Bandarísku Samóa-eyjanna vann hug og hjörtu knattspyrnuheimsins í síðustu viku:
„Taugaveiklaður markvörður og kona í vörninni“
HETJUR Leikmenn og þjálfarar landsliðs Bandarísku Samóa-eyjanna stilla sér upp
eftir sigurinn á Tonga. FRÉTTABLAÐIÐ/AP
HANDBOLTI Nú um helgina birtust
fregnir þess efnis að forráðamenn
þýska stórliðsins Kiel hafi átt við-
ræður við Guðjón Val Sigurðsson,
hornamann íslenska landsliðsins
og AG Kaupmannahafnar. Dag-
blaðið Kieler Nachrichten hefur
eftir Klaus Elwardt, framkvæmda-
stjóra Kiel, að félagið hafi mikinn
áhuga á Guðjóni.
„Það væri algjört kæruleysi
að bregðast ekki við því þegar
heimsklassaleikmaður á borð
við Guðjón Val Sigurðsson er á
markaðnum,“ sagði Elwardt.
„Við áttum gott samtal og ef
þetta heldur áfram á þessari braut
er ég vongóður um að Guðjón
Valur verði leikmaður Kiel á næsta
tímabili,“ bætti hann við.
Ekki í neinni tímaþröng
Sjálfur vildi Guðjón Valur ekki
staðfesta að hann ætti í samninga-
viðræðum við Kiel. „Það eru engar
samningaviðræður í gangi og ég
hef ekki fengið neitt tilboð frá
Kiel,“ segir Guðjón Valur. „Ég var
líka búinn að lofa þeim hjá AG að
láta þá vita ef mér myndi berast
tilboð – svo að við gætum rætt
málin hér.“
Guðjón Valur er því spar á allar
yfirlýsingar um sín mál. „Ég vil
ekki hella olíu á eldinn. En ef það
kemur tilboð þá þyrfti maður að
velja og hafna en það kemur alls
ekki til greina að semja við þá [án
vitundar AG, innsk. blm.] og skíta
svo út klúbbinn hér í leiðinni.“
Það er algengt hjá handbolta-
mönnum að ræða við og semja
við félög langt fram í tímann en
í tilfelli Guðjóns Vals er hann
samningsbundinn AG til loka
núverandi leiktíðar. Hann vill ekki
útiloka neitt um hvar hann muni
spila á næstu leiktíð.
„Eins og með flest annað eru
kostir og gallar við hvern kost.
Kiel er ekki eini klúbburinn sem er
að leita að vinstri hornamanni og
ég vil ekki loka á neina möguleika.
Ég vil einfaldlega halda áfram að
spila handbolta og þetta mun svo
eflaust ráðast á næstu mánuðum.
Ég er ekki í neinni tímaþröng.“
Efnilegir stríðsmenn í vörn AG
AG Kaupmannahöfn hefur vakið
mikla athygli þrátt fyrir að félagið
hafi verið stofnað áríð 2010 og telst
í dag meðal sterkustu liða Evrópu.
Liðið varð tvöfaldur meistari í
Danmörku í vor og hefur gert
það gott á sínu fyrsta tímabili í
Meistara deild Evrópu. Auk Guð-
jóns Vals eru landsliðsmennirnir
Arnór Atlason, Snorri Steinn Guð-
jónsson og Ólafur Stefánsson á
mála hjá AG og segir Guðjón Valur
að það sé mjög gaman að vera leik-
maður AG.
„Það er mikið af ofboðslega
sterkum leikmönnum hjá félaginu
og margir reynsluboltar sem
hafa spilað með mörgum af bestu
félagsliðum heims. Það er ávallt
létt yfir æfingunum og gaman að
koma í vinnuna. Við Íslending-
arnir erum svo duglegir að skjóta
á Danina og öfugt,“ segir Guð-
jón Valur, sem hrósaði dönsku
varnar mönnunum sérstaklega.
„Við getum stillt ótrúlegri vörn
hjá liðinu. Rene Toft Hansen er
eins og fjall á miðjunni og svo eru
Joachim Boldsen og Lars Jörgen-
sen þarna líka. Þetta eru fyrstu
mennirnir sem maður myndi taka
með sér í stríð enda miklir naglar.“
Guðjón Valur missti af stórum
hluta ársins 2010 vegna meiðsla
en hefur spilað mikið í ár. „Ég er
að vísu að drepast í hælnum þessa
dagana eftir að hafa lent illa á fæt-
inum fyrir þremur vikum. Það er
verið að reyna að laga það og lítur
það ágætlega út.“
eirikur@frettabladid.is
Ég held mínum möguleikum opnum
Hornamaðurinn Guðjón Valur Sigurðsson nýtur sín hjá AG Kaupmannahöfn en hann hefur verið orðaður
við Kiel, eitt sterkasta félagslið heims. Guðjón Valur hefur þó ekkert tilboð fengið frá þýska stórveldinu.
GUÐJÓN VALUR Lykilmaður í íslenska landsliðinu og í sigtinu hjá einu allra sterkasta
félagsliði heims. FRÉTTABLAÐIÐ/PJETUR
KNATTSPYRNA Mál mannsins
sem veittist að dómara í lands-
leik Danmerkur og Svíþjóðar á
Parken í undankeppni Evrópu-
mótsins árið 2007 er komið fyrir
landsrétt. Þar horfir maðurinn,
sem var ofurölvi þegar hann
hljóp inn á völlinn, fram á sekt
að upphæð 2,2 milljónir danskra
króna, hátt í fimmtíu milljónir
íslenskra.
Knattspyrnusambandið kveðst
þó tilbúið að semja um skaða-
bæturnar ef maðurinn verður
fundinn sekur. Leikurinn var
flautaður af eftir uppákomuna.
Þá var staðan 3-3, stutt eftir af
leiknum og Svíar áttu að taka
vítaspyrnu. Svíum var síðar
dæmdur sigur í leiknum 0-3. - þj
Boltabulla fyrir dómi:
Sér fram á 50
milljóna sekt
STÖÐVAÐUR Michael Gravgaard stökk
dómaranum til varnar. Bullan hefur
síðan verið meðal óvinsælustu manna
í Danmörku, enda var Svíum dæmdur
sigur. NORDICPHOTOS/AFP
HÖFUNDURINN Víðir Sigurðsson með
bókina í gær. FRÉTTABLAÐIÐ/ANTON
FÓTBOLTI Íslensk knattspyrna 2011
eftir Víði Sigurðsson, íþrótta-
fréttamann á Morgunblaðinu, er
komin út. Er þetta 31. árið í röð
sem þessi árbók knattspyrnunnar
hér á landi er gefin út.
Bókin er samtals 256 blaðsíður
og hefur aldrei verið stærri.
Fjallað er ítarlega um Íslands-
mótið í knattspyrnu í öllum
deildum og flokkum auk þess sem
bikarkeppni, Evrópuleikjum og
landsleikjum eru gerð skil, svo
eitthvað sé nefnt.
Það er orðin hefð að verðlauna
stoðsendingahæstu leikmenn
Íslandsmótsins við útgáfu bókar-
innar, sem var gert í gær. Ólafur
Páll Snorrason, FH, og Guð-
mundur Steinarsson, Keflavík,
áttu flestar stoðsendingar karla-
megin, tíu talsins. Hjá konunum
var Mateja Zver, ÍBV, efst með
nítján stoðsendingar.
Knattspyrnudeild Stjörnunnar
fékk síðan heiðursverðlaun
útgáfufélagsins Tinds, en báðir
meistaraflokkar félagsins náðu
glæsilegum árangri á leiktíðinni.
Íslensk knattspyrna 2011:
Hefur aldrei
verið stærri
Tveir handteknir í Noregi
Lögreglan í Noregi handtók í gær
tvo menn og yfirheyrði í tengslum
við umdeild félagaskipti Veigars
Páls Gunnarssonar frá Stabæk yfir í
Vålerenga. Málið er komið inn á borð
efnahagsbrotadeildar ríkislögreglu-
stjóra Noregs, en norskir fjölmiðlar
fullyrtu í gær að mennirnir væru báðir
í forsvari fyrir Stabæk. Félögin hafa
verið sökuð um svik í tengslum við
söluna á Veigari Páli, sem er saklaus
aðili í málinu.
FÉLAGASKIPTI VEIGARS