Fréttablaðið - 01.12.2011, Blaðsíða 83
FIMMTUDAGUR 1. desember 2011 71
3o%
afs
látt
ur t
il
vild
arkl
úbb
sfé
lag
a
Lockerbie hefur gert samning
við þýska fyrirtækið Käpitan
Platte um útgáfu plötunnar Ólgu-
sjór í Þýskalandi, Austurríki,
Sviss, Lúxemborg og Liechten-
stein. Platan kom út á Íslandi í
sumar og hefur einnig komið út
hjá Rallye Label í Japan. Käpitan
Platte hefur einnig á sínum snær-
um sænsku síðrokk sveitirnar
EF og Immanu El. Fyrirtækið
heyrði fyrst í Lockerbie eftir að
hún var valin hljómsveit vikunn-
ar og hafði verið í viðtali í þætt-
inum Breitband hjá þýska ríkis-
útvarpinu. Sveitin spilar næst á
Faktorý 30. nóvember.
Samningur í
Þýskalandi
LOCKERBIE Hljómsveitin hefur samið við
þýskt útgáfufyrirtæki.
„Þetta eru bara fyrstu 25 árin,“ segir Viddi í
Greifunum um nýja tvöfalda safnplötu frá hljóm-
sveitinni. Tilefnið er 25 ára afmæli hennar. „Það
er ekki spurning að við lítum stoltir um öxl og
bjartsýnir fram á við.“
Á gripnum er safn fjörutíu bestu laga Greif-
anna auk mynddisks. Þar eru tvær nýjar útgáfur
af lögunum Draumadrottningin og Strákarn-
ir í götunni sem voru hljóðritaðar á afmælis-
tónleikum á Húsavík í sumar. Felix Bergsson,
fyrsti söngvari Greifanna, syngur í Drauma-
drottningunni og var þetta í fyrsta sinn í fimm-
tán ár sem hann söng með bandinu. Á mynd-
diskinum eru nítján tónlistarmyndbönd og fjórir
sjónvarpsþættir þar sem Greifarnir komu fram.
Með safninu fylgir einnig bæklingur þar sem
saga hljómsveitarinnar er rakin. - fb
Greifarnir líta stoltir um öxl
TVÖFÖLD SAFNPLATA Hljómsveitin Greifarnir hefur gefið út tvöfalda
safnplötu.
Meðlimir R.E.M. hugsuðu fyrst
um endalok hljómsveitarinnar
þegar þeir voru á tónleikaferð til
að fylgja plötunni Accelerator eftir
árið 2008. Þremur árum síðar,
eða í september síðastliðnum,
lagði sveitin upp laupana. „Okkur
fannst við hafa gengið í gegnum
mjög dapurt tímabil. Hver og einn
okkar vildi ljúka því sem við höfð-
um verið að gera síðan við urðum
fullorðnir. Vildum allir ljúka þessu
á réttan hátt, okkar eigin hátt,“
sagði söngvarinn Michael Stipe.
R.E.M. gaf út fimmtán hljóð-
versplötur á 31 árs ferli sínum en
núna er ævintýrið á enda. „Það var
frelsandi að hætta. Ég var spennt-
ur. Það orð sem oftast hefur verið
sagt á meðal okkar er „súrsætt“.
Súrsætt að hætta
HÆTTIR Hljómsveitin vinsæla R.E.M.
hætti störfum í september.
NORDICPHOTOS/GETTY
Tónlist ★★★
Locust Sounds
Reykjavík!
Hrátt rokk og ról
Þetta er þriðja plata Reykjavíkur!,
borin fram í flottu fluguumslagi,
en jafnmörg ár eru liðin frá síðustu
útgáfu. Hrátt og hressilegt rokkið
er sem fyrr í fyrirrúmi og ekki
skemmir fyrir að strákarnir taka sig
ekkert alltof hátíðlega.
Fjórða lagið, Hellbound Heart,
er það sem grípur mann mest á
plötunni og gítarinn í Sneak er
töffaraskapurinn uppmálaður. Hin
lögin eru flest ágætir rokkarar, sér-
staklega þó hið prýðilega Tenzing
Norgay, sem er sungið á íslensku,
og hið kraftmikla Internet.
Locust Sounds ætti því að seðja
hungur þeirra sem telja rokkið
ekki nógu fyrirferðarmikið í dag.
Með fínpússaðri söng og fleiri
grípandi lögum gæti Reykjavík!
samt höfðað til enn fleiri tónlistar-
áhugamanna.
Freyr Bjarnason
Niðurstaða: Reykjavík! er í góðum
rokkgír á sinni þriðju plötu.