Fréttablaðið - 01.12.2011, Blaðsíða 68

1. desember 2011 FIMMTUDAGUR56
„Við höfum fengið rosalega góð við-
brögð við því að þessi plata hafi orðið
fyrir valinu,“ segir Jana María Guð-
mundsdóttir, söng- og leikkona. Hún
mun ásamt Ívari Helgasyni leikara
flytja lög af jólaplötunni ástsælu, Ellý
og Vilhjálmur syngja jólalög, í Salnum
í Kópavogi á morgun klukkan 20.
Platan er ein allra vinsælasta
íslenska jólaplatan og hefur komið
Íslendingum á öllum aldri í hátíðar-
skap frá því að systkinin tóku hana
upp árið 1971. Síðan þá hefur hún
verið endurútgefin oftar en einu sinni,
enda er eintak til á flestum heimilum
landsins.
„Amma átti plötuna og ég er með
hennar eintak núna. Hún er algjör
hluti af mínum jólaundirbúningi, mér
þykir ofboðslega vænt um hana,“ segir
Jana María og undir það taka greini-
lega fleiri því um liðna helgi varð hún
efst í kjöri um uppáhaldsjólaplötur
hlustenda Rásar 2.
„Það er bara þessi andi sem er
yfir allri plötunni, hún er eitthvað
svo hátíðleg. Ég byrja alltaf dálítið
snemma að hlusta á jólalög og Ellý og
Vilhjálmur koma mér algjörlega í jóla-
skapið.“
Jana María og Ívar ætla að flytja
plötuna í heild sinni en tónleikarn-
ir eru hluti af tónleikaröð þeirra þar
sem þau flytja lög eftir ást sælustu
dægurlaga söngvara Íslands. Nú
þegar hafa þau flutt lög Ingibjargar
Þorbergs, Helenu Eyjólfs, Alfreðs
Clausen og Óðins Valdimarssonar og
á næsta ári mun dúettinn flytja lög
Ragnars Bjarnasonar, Sigrúnar Jóns-
dóttur, Erlu Þorsteinsdóttur og Hauks
Morthens. „Við Ívar erum bæði dálítið
gamlar sálir og hlaupum upp til handa
og fóta ef Litla flugan er í útvarpinu
og svona. Við elskum þessa tónlist og
vildum líka heiðra þessa söngvara
með heilli tónleikaröð. Það sem er
erfiðast er að geta ekki bara flutt allt
efnið þeirra, við lendum oft í smá slag
yfir því hvaða lög komast að á tón-
leikunum og hver ekki.“ - bb
Flytja lög Ellýar og Vilhjálms
ANNÁLUÐ JÓLABÖRN Jana María og Ívar munu bjóða upp á
kakósopa, piparkökur og sögur af Ellý og Vilhjálmi á milli laga.
FRÉTTABLAÐIÐ/GVA
HVAÐ? HVENÆR? HVAR?
Fimmtudagur 1. desember
➜ Tónleikar
12.15 Garðar Cortes og píanó-
leikarinn Robert Sund deila uppáhalds-
lögum sínum með áheyrendum á
Kjarvalsstöðum. Létt og jólaleg dagskrá.
Aðgangseyrir er kr. 1.000, frítt fyrir eldri
borgara og námsmenn.
18.00 Fyrstu vetrartónleikar tónlistar-
deildar Listaháskóla Íslands 2011 fara
fram í Þjóðmenningarhúsinu við Hverfis-
götu. Fram koma þau Chrissie Telma
Guðmundsdóttir og Ísak Ríkharðsson
á fiðlu, Ragnar Jónsson og Hrafnhildur
Marta Guðmundsdóttir á selló og Emily
Bradley syngur. Aðgangur ókeypis.
20.00 Hljómsveitin Grafík heldur upp
á útgáfu á nýju lagi, safnplötu og heim-
ildarmynd með tónleikum í Austurbæ.
Helgi Björnsson og Andrea Gylfadóttir
syngja gömul og ný lög sveitarinnar
ásamt því að heimildarmyndin verður
sýnd. Miðaverð er kr. 4.900.
20.00 Hátíðartónleikar í Salnum,
Kópavogi, með verkum eftir Sveinbjörn
Sveinbjörnsson í flutningi einvalaliðs
tónlistarmanna. Miðaverð er kr. 2.500.
20.00 Aðventutónleikar Kvennakórs
Hafnarfjarðar fara fram í Víðistaðakirkju
í Hafnarfirði. Stjórnandi er Erna Guð-
mundsdóttir og píanóleikari er Antonia
Hevesi. Miðaverð er kr. 2.000.
20.00 Jana María syngur og segir frá
söngfuglunum Helenu Eyjólfsdóttur,
Ingibjörgu Þorbergs og Ellý Vilhjálms.
Miðaverð er kr. 2.500.
20.30 Kór Fjarðabyggðar flytur íslensk
ættjarðarlög ásamt þeim Óskari Péturs-
syni tenór og Daníel Þorsteins-
syni píanóleikara í Hofi.
Miðaverð er kr. 2.000.
21.00 Halli Reynis
heldur upp á 45 ára afmæli
sitt með tónleikum á Café
Rosenberg. Hann mun
leika bæði gömul og ný
lög eftir sig. Miðaverð
er kr. 1.000.
21.00 Samúel
Jón Samúelsson Big Band heldur
síðustu tónleika tónleikaraðarinnar
Funk í Reykjavík á Faktorý í dag, á degi
íslenskrar funktónlistar. Dj Honky frá
New York hitar upp. Aðgangseyrir er
1000 krónur. Dj Hannes stjórnar tónlist-
inni á neðri hæð.
21.00 Strengur, lagaflokkur Tómasar
R. Einarssonar verður fluttur í síðasta
sinn á þessu ári í Sal Tónlistarskóla FÍH,
Rauðagerði 27. Tólf myndbönd verða
flutt samtímis. Allir velkomnir.
22.00 Hljómsveitin Hetjur spilar rokk-
tónlist á Gauki á Stöng. Aðgangur er
ókeypis.
22.00 Bítladrengirnir blíðu halda
tónleika á Obladí Oblada, Frakkastíg 8.
Aðangur er ókeypis.
➜ Leiklist
20.00 Draumasmiðjan sýnir aftur
táknmálsleikritið Lostin vegna fjölda
áskoranna. Að þessu sinni í Tjarnarbíói.
Miðaverð er kr. 2.900.
20.00 Leiksýningin Hjónabandssæla
er sýnd í Gamla bíói. Miðaverð er kr.
4.300.
➜ Opnanir
17.00 Leirlistafélag Íslands opnar
sýninguna Leir-andi í tilefni 30 ára
afmælis síns í stóra salnum á Korpúlfs-
stöðum.
➜ Upplestur