Fréttablaðið - 01.12.2011, Blaðsíða 74

1. desember 2011 FIMMTUDAGUR62
bio@frettabladid.is
Clint Eastwood hefur marg-
oft leikið harðhausa sem
hika ekki við að taka málin
í sínar eigin hendur. En nú
hefur þessi dáði og marg-
verðlaunaði leikstjóri komið
sér í klandur hjá rosknum
FBI-fulltrúum sem finnst
lítið til kvikmyndar hans
um J. Edgar Hoover koma.
Kvikmyndarinnar um J. Edgar
Hoover eftir Clint Eastwood var
beðið með töluverðri eftirvænt-
ingu enda Leonardo DiCaprio í
hlutverki þessa umdeilda manns.
Myndin hefur fengið afar misjafn-
ar viðtökur, hún fær „eingöngu“
7,3 á imdb.com og aðeins 42 pró-
sent gagnrýnenda eru sáttir við
hana samkvæmt rottentomatoes.
Og þar með hefur hún lokið leik í
Óskarskapphlaupinu.
En það breytir því ekki að FBI-
fulltrúar, og þá sérstaklega eldri
starfsmenn stofnunarinnar, eru
ákaflega ósáttir við Eastwood og
nálgun hans. Þeir eru fyrst og
fremst reiðir yfir því að Hoover
skuli vera sýndur sem hommi,
en í skápnum. Bandaríska blaðið
Washington Post fjallaði ítarlega
um málið í gær og ræddi meðal
annars við FBI-fulltrúann Gregg
Schwarz sem réði sér sérstakan
kvikmyndatökumann til að gera
myndband fyrir sig. Myndbandið
er hægt að finna á Youtube-mynd-
bandsvefnum og nefnist „Dirty
Harry to Filthy Harry“ en þar er
auðvitað verið að vísa til frægr-
ar kvikmyndaseríu Eastwood.
„Honum er lýst sem einræðis-
herra og skrímsli sem hafi haft
samkynhneigðar kenndir. Það er
einfaldlega rangt,“ lýsir Schwarz
yfir og bætir því við að það hafi
aldrei fundist neinar sannanir
fyrir því að Hoover hafi verið
hommi. Það sem þykir ýta undir
þá skoðun er sú staðreynd að
Hoover giftist aldrei né átti unn-
ustu en átti aftur á móti í mjög
nánu vinasambandi við aðstoðar-
mann sinn, Clyde Tolson.
„Ég veit ekki um neinn sem
er ekki í uppnámi,“ hefur blað-
ið eftir Bill Branon, sem er
stjórnar formaður J. Edgar Hoo-
ver-sjóðsins og fyrrverandi FBI-
fulltrúi. Hátt í hundrað fulltrúar,
sem flestir eru komnir á eftir-
laun, hafa rætt málið sín á milli á
lokuðum póstlista en svo skemmti-
lega vill til að hann nefnist sama
nafni og gamall hundur forstjór-
ans sáluga. „Við erum í uppnámi.
Ekki bara af því að við dáðum
hann. Við erum í uppnámi af því
að þetta er ekki satt. Hefði hann
verið samkynhneigður þá væri
það ekkert er ljótt af Eastwood að
gera þetta við látinn mann.“
John Fox, reyndur sagnfræð-
ingur og sérfræðingur í sögu FBI,
segir að vissulega hafi líf Hoovers
gefið þessum sögusögnum byr
undir báða vængi, hann hafi aldrei
kvænst og nánasti vinur hans hafi
verið karlmaður. „Það var gefið í
skyn að hann væri samkynhneigð-
ur á þeim tíma en það náði aldrei
lengra, þetta voru bara getgátur.“
Fyrrverandi FBI-fulltrúinn Scott
Nelson var sérstakur ráðgjafi
Eastwood á tökustað og hann seg-
ist hafa lýst því yfir á tökustað
að það væri óþarfi að hafa senu
þar sem Hoover og Colson kyss-
ast. En honum finnst FBI-fulltrú-
arnir fyrrverandi bregðast of hart
við. „Hugleiðingarnar um einka-
líf Hoover eru bara hluti af því að
segja dramatíska sögu. Svona er
bara Hollywood.“
freyrgigja@frettabladid.is
FBI ósátt við Eastwood
Daniel Radcliffe er smám saman að
fjarlægjast sitt þekktasta hlutverk,
sjálfan Harry Potter. Hann leikur
aðalhlutverkið í spennuhrollvekj-
unni The Woman in Black og upp-
lýsti nýverið að hann myndi að
öllum líkindum leika Allen Gins-
berg í kvikmyndinni Kill Your
Darlings sem mun fjalla um sam-
band bítskáldsins við þá Jack
Kerouac og William Burroughs.
Ginsberg og Harry Potter gætu
ekki verið ólíkari enda áttu bít-
skáldin í ákaflega nánu sambandi
við alls kyns vímugjafa. Ginsberg
mælti til að mynda með neyslu
LSD og vildi lögleiða það en talaði
gegn sígarettu reykinginum,
sígarettur væru dóp hins
opinbera að hans mati.
Bítskáldin þrjú kynntust
fyrir tilstilli Luciens Carr
sem var sameiginlegur vinur
þeirra allra en eins ólíklega
og það kann að hljóma
(allt benti til þess að
þetta væri listræn
og áferðarfalleg
kvikmynd) er Kill
Your Darlings
spennumynd.
Carr sat nefnilega
í fangelsi fyrir
morð á ástmanni
sínum, David Kammerer. Myndinni
er leikstýrt af John Krokidas.
Radcliffe er ákaflega eftirsótt-
ur sem leikari og er meðal annars í
stóru hlutverki í söngleiknum How
to Succed in Business Without Really
Trying sem sýndur hefur verið fyrir
fullu húsi á Broadway að undan-
förnu. - fgg
Radcliffe leikur væntanlega Ginsberg
BÍTSKÁLD Daniel Radcliffe
mun að öllum líkindum leika
Allen Ginsberg í kvikmyndinni
Kill Your Darlings.
Handritshöfundur Training
Day, David Ayer, hefur verið
ráðinn til að skrifa handritið að
nýrri útgáfu af Scarface fyrir
Universal-kvikmyndaverið. Verk-
efnið hefur verið lengi í bígerð en
nú virðist loks vera kominn hreyf-
ing á málið.
Sennilega vita ekki margir af
því en fyrsta Scarface-myndin
var gerð árið 1932 og skartaði
Paul Muni í hlutverki ítalsks inn-
flytjenda sem leggur undir sig
undirheima Chicago. Hún var þá
byggð á skáldsögu Armitage Trail
og Oliver Stone notfærði sér hana
þegar hann skrifaði handritið
fyrir Brian De Palma-mynd-
ina árið 1983 þegar Al Pacino
gerði ógleymanlegan kúbverska
innflytjandann Tony Montana
sem sölsaði undir sig kókaín-
markaðinn í Miami.
Í stuttu máli sagt er Scarface-
plottið ákaflega einfalt. Inn-
flytjandi kemur til Ameríku og
leggur undir sig undirheimana.
Samkvæmt upplýsingum vefsíð-
unnar Deadline.com er ráðgert
að nýja Scarface-myndin gerist í
nútímanum og að ekki verði um
raunverulega endurgerð að ræða,
hvorki á myndinni frá árinu 1932
né 1983. - fgg
Ný Scarface í bígerð
NÝR MONTANA Verið er að skrifa handrit
eftir bók Armitage Trail, Scarface. Nýr
Tony Montana mun því væntanlega líta
dagsins ljós.
STUÐ OG STEMNING Arthúr bjargar jólunum í Arthur Christmas, en myndin hefur
fengið frábæra dóma. Hún skartar einnig nýju jólalagi frá Justin Bieber.
> KOMIN Í 500 MILLJÓNIR
Breaking Dawn, fyrri hálfleikurinn í loka-
mynd Twilight-seríunnar, hefur rakað
saman 500 milljónum dollara á aðeins
tólf dögum í miðasölu á heimsvísu. Met-
hafinn, Harry Potter og dauða djásnin,
þénaði sömu upphæð á aðeins
sex dögum.
UMDEILDUR J. Edgar Hoover er umdeildur maður í bandarískri sögu og ný mynd Clints Eastwood sýnir hann sem homma. Hér
eru þeir Leonardo DiCaprio og Armie Hammer í hlutverkum sínum sem Hoover og Clyde Tolson en myndin sjálf hefur fengið
misjafnar viðtökur.
Þær eru af ólíkum meiði, kvik-
myndirnar tvær sem frumsýndar
verða um helgina. Annars vegar
er um að ræða gáskafulla gaman-
mynd um orgíu og hins vegar hug-
ljúfa jólamynd með jólasveininum,
hreindýrum og helling af snjó og
fallegum boðskap.
A Good Old Fashioned Orgy
verður frumsýnd í Sambíóunum
um helgina. Hún segir frá Eric sem
elskar að halda partý í strandhúsi
föður síns í Hampton. Veislurnar
hafa ólík þemu og eru vel sóttar af
vinum Erics sem eru ekkert síðri
partýljón en hann. Nema dag einn
verða þeir fyrir miklu áfalli þegar
ákveðið er að selja húsið og til að
kveðja veisluhúsnæðið almenni-
lega er ákveðið að halda eitt gott
lokapartý. Og þemað að þessu sinni
er; hóp kynlíf eða orgía. Með aðal-
hlutverkið fer Jason Sudeikis en
hann er hvað þekktastur fyrir leik
sinn í Hangover-myndunum tveim.
Myndin hefur fengið misjafna
dóma, aðeins 31 prósent gagnrýn-
enda eru til að mynda ánægðir með
hana samkvæmt rottentomatoes.
com.
Hið sama verður ekki sagt um
Arthur Christmas eða Jól Art-
húrs. 92 prósent gagnrýnenda eru
ánægðir með hana samkvæmt
rottentomatoes.com en mynd-
in útskýrir mjög skýrt og grein-
lega hvernig jólasveininum tekst
að dreifa öllum pökkum til allra
barna í heiminum. Myndin er sýnd
með bæði íslensku og ensku tali,
hún er í þrívídd og skartar nýju
jólalagi frá Justin Bieber. - fgg
Gróft grín og jólastuð
o.fl. o.fl.
sögur
uppskriftir
leikir
gjafir