Fréttablaðið - 01.12.2011, Blaðsíða 6
1. desember 2011 FIMMTUDAGUR6
Góð jólagj
öfSka
utar
kr. 11.995
frá kr. 9.9
95
frá kr. 13.995
frá kr. 9.995
Ert þú sátt(ur) við störf Jóns
Bjarnasonar, sjávarútvegs- og
landbúnaðarráðherra?
Já 33,7%
Nei 66,3%
SPURNING DAGSINS Í DAG
Óttast þú uppgang vélhjóla-
gengja hér á landi?
Segðu þína skoðun á visir.is
SAMGÖNGUR Hefja á undirbúning
þegar í stað að smíði nýrrar ferju
sem leysa muni Herjólf af hólmi í
siglingum til Vestmannaeyja. Þetta
var ákveðið á fundi með fulltrúum
innanríkisráðuneytisins, Siglinga-
stofnunar, Vegagerðarinnar og
Vestmannaeyjabæjar í gær.
Stefnt er að því að ný ferja geti
hafið siglingar ekki síðar en árið
2015, og mögulega fyrr ef undir-
búningur og smíði á nýju skipi
leyfa, að því er segir í tilkynningu
frá Vegagerðinni.
Meðal þess sem skoðað verður
við undirbúning að smíði nýrrar
ferju verður hvernig fjármagna má
smíði skipsins.
Ljóst er að verulegar tafir verða á
siglingum Herjólfs til Eyja þar sem
skipið getur ekki nýtt Landeyjahöfn
sem skyldi, að því er segir í tilkynn-
ingunni. Því hafi á fundinum í gær
verið rætt um hvernig tryggja megi
betur umferð um höfnina þar til ný
ferja verði tekin í notkun.
Á fundinum var farið yfir þá
kosti sem eru í stöðunni varðandi
siglingar í vetur og hvernig við-
halda mætti nægu dýpi í höfninni
þar til ný ferja hæfi siglingar.
- bj
Ákveðið að hefja undirbúning að smíði nýrrar ferju sem geti nýtt Landeyjahöfn:
Herjólfur leystur af hólmi 2015
SIGLIR Herjólfur ristir dýpra en heppilegt
er fyrir skip sem siglir á Landeyjahöfn,
og hefur því ítrekað þurft að sigla til
Þorlákshafnar með tilheyrandi töfum.
FRÉTTABLAÐIÐ/ÓSKAR P. FRIÐRIKSSON
BRETLAND, AP Bretar og Norðmenn
hafa kallað heim allt starfsfólk
sendiráða sinna
í Íran. Þetta
gerist í beinu
framhaldi af
árás múgs
manna á sendi-
ráð Breta í land-
inu á þriðjudag.
William
Hague, utan-
ríkisráðherra
Bretlands,
segir að öllum stjórnarerind-
rekum Írans í Bretlandi hafi
verið vísað úr landi. Jafnframt
verði skoðað hvort gripið verði
til annarra aðgerða. Hague segir
það hugaróra eina að ímynda sér
að árásin á breska sendiráðið hafi
getað átt sér stað án stuðnings
íranskra stjórnvalda. - gb
Viðbrögð við sendiráðsárás:
Erindrekar
kallaðir heim
WILLIAM HAGUE
Sameina sóknir
Hnífsdalssókn og Ísafjarðarsókn
hafa verið sameinaðar í sparnaðar-
skyni. Þetta var ákveðið á kirkjuþingi.
Guðsþjónustur í Hnífsdalskapellu
verða lagðar af en annað kirkjustarf
heldur þar áfram. Nýja sóknin heitir
Ísafjarðarsókn.
VESTFIRÐIR
Uppsagnir á Ísafirði
Öllum starfsmönnum TH-trésmiðju
á Ísafirði var sagt upp í gær. Þrjátíu
manns unnu hjá fyrirtækinu í tveimur
verksmiðjum, á Ísafirði og Akranesi.
VINNUMARKAÐUR
Gerðardómur frestar enn
Gerðardómur í deilu Norðuráls og HS
Orku vegna orkusamnings álversins í
Helguvík hefur frestað úrskurði sínum
til 31. desember. Dómendur taka
þó fram að þeir muni ekki biðja um
frekari frest. Þetta er í fjórða sinn sem
úrskurður frestast.
ORKUMÁL
ÖRYGGISMÁL Tryggingarféð sem
krafist var við kyrrsetningu flutn-
ingaskipsins Ölmu í Fáskrúðs-
fjarðarhöfn er í samræmi við
væntanlega kröfu björgunarlauna,
eða allt að 400 milljónir króna.
Beðið er niðurstöðu úr sjó-
prófum sem ákvarða áframhald
málsins.
Það er Loðnuvinnslan á
Fáskrúðsfirði, áhöfn Hoffells SU
80 og sveitarfélagið Hornafjörður
sem eiga tilkall til björgunarlauna
eftir að flutningaskipinu Ölmu var
komið til hjálpar við innsiglinguna
á Hornafirði í byrjun nóvember.
F lutningaskipið l iggur í
Fáskrúðsfjarðarhöfn og enn ligg-
ur ekki fyrir hvert skipið verð-
ur dregið til viðgerðar. Systur-
skip Ölmu, Green Lofoten, fór
frá Fáskrúðsfirði á sunnudag til
Sankti Pétursborgar eftir að þrjú
þúsund tonnum af frystum afurð-
um sem voru um borð í Ölmu hafði
verið umskipað.
Sýslumaðurinn á Eskifirði
kyrrsetti Ölmu í Fáskrúðsfjarð-
arhöfn 10. nóvember að beiðni
Loðnuvinnslunnar. Fyrirtækið
og sveitar félagið fóru fram á að
trygging að upphæð 625 milljónir
króna yrði lögð fram til að aflétta
kyrrsetningunni en útgerð skips-
ins lagði fram 400 milljónir króna
nokkru síðar þegar fyrir lá að mat
á verðmæti skipsins var lægra en
talið hafði verið.
Spurður hvort tryggingarféð
gefi hugmynd um kröfu björgunar-
launa segir Jón Ögmundsson, lög-
maður hjá lögmannsstofunni
Advel, sem annast málið fyrir
hönd Loðnuvinnslunnar, svo vera
enda ljóst að málið verði sótt sem
björgun. Tryggingarféð sem kraf-
ist var við kyrrsetningu skipsins
sé í samræmi við það.
Í stuttu máli má skipta skipta-
reglunum í tvennt, annars vegar
þegar um björgun úr sannan-
legum háska er að ræða og hins
vegar aðstoð við skip. Samningur
Krefjast allt að 400
milljóna fyrir björgun
Flutningaskipið Alma liggur enn í Fáskrúðsfjarðarhöfn en farmurinn er á leið
til Rússlands. Krafa málsaðila um björgunarlaun er í samræmi við tryggingar-
féð sem var reitt fram við kyrrsetningu skipsins. Beðið er niðurstöðu sjóprófa.
Aðfaranótt 5. nóvember missti flutningaskipið Alma stýrið er það var að sigla
út frá Hornafirði. Dráttarbáturinn Björn Lóðs SF brást við en Hoffell SU, sem
var á leið til síldveiða í Breiðafirði, fékk kall frá Landhelgisgæslunni vegna
neyðarástands Ölmu úti fyrir Hornafjarðarósi.
Klukkan sex um morguninn var taug komið á milli skipanna, en veður
var vont og slitnaði taugin eftir um tvo tíma. Þá hafði tekist að koma Ölmu
nokkuð vel frá landi. Vegna veðurs var ekki komið taug aftur á milli skipanna
fyrr en um klukkan 15.30.
Í fyrstu var ætlunin að Hoffell drægi skipið til Reyðarfjarðar en síðar
ákveðið að draga skipið inn til Fáskrúðsfjarðar.
Mikill viðbúnaður var hjá Landhelgisgæslunni, þyrla send austur og tvö
varðskip send af stað. Annað þeirra var hið nýja varðskip Þór.
Björgun Ölmu tókst í alla staði vel og urðu engin slys á mönnum við
björgun skipsins.
Alma í neyð 5. nóvember síðastliðinn
FLUTNINGASKIPIÐ ALMA Skipið er 97 metra langt skip, skráð á Kýpur, en
eigendur eru frá Úkraínu. Farmurinn var 3.000 tonn af frystu sjávarfangi. Krafa
björgunarlauna miðast við 25% af virði skips og farms. MYND/GUNNAR HLYNUR
um aðstoð við skip tekur til mun
lægri fjárhæða en björgunar þar
sem tekið er tillit til verðmætis
þess sem bjargað var við eiginlega
björgun en ekki við aðstoð.
Um skiptingu björgunarlauna
gilda ákvæði 170. grein C í siglinga-
lögum nr. 34/1985 með síðari breyt-
ingum, en þar segir að björgunar-
laun fari fyrst til að bæta tjón og
önnur útgjöld útgerðar innar sem af
björgunar starfinu leiddi. Því sem
þá sé eftir af björgunarlaununum
„skal skipt þannig að þrír fimmtu
hlutar falli til útgerðarinnar en
tveir fimmtu hlutar til áhafnarinn-
ar. Hlut áhafnar skal skipt á þann
veg að skipstjóri fái einn þriðja
hluta en hin eiginlega skipshöfn tvo
þriðju hluta. [...] Hlutur skipstjóra
skal þó aldrei vera lægri en tvöfald-
ur hlutur þess skipverja sem hæst
björgunar laun fær.“
svavar@frettabladid.is
KJÖRKASSINN
VERSLUN Hver Íslendingur leigði
sér að meðaltali fimm sinnum
mynd af myndbandaleigu á síðasta
ári. Þegar mest lét, árið 2001,
leigði hver Íslendingur sér ellefu
myndir á ári. Þetta kemur fram í
tölum frá Hagstofu Íslands.
Fjöldi útleigðra myndbanda og
mynddiska hefur dregist saman
um eina og hálfa milljón eintaka
frá því þegar mest var. Á síðasta
ári er áætlað að um 1,6 milljónir
myndbanda hafi verið leigð út en
árið 2001 var sú tala 3,1 milljón.
Taka verður með í reikninginn
að nú er hægt að leigja myndir á
vegum myndveita í gegnum síma
og sjónvarp.
Yfir ellefu hundruð titlar leigu-
og sölumynda komu út hér á landi
í fyrra á vegum stærstu útgefenda.
Langflestar myndir sem gefnar
eru út eru bandarískar, rúmlega
80 prósent.
Rúmlega 750 þúsund eintök af
myndum voru seld í fyrra. Verð-
mæti myndanna var 827 milljónir
króna. 871 þúsund eintök seldust
árið 2009 og því fækkaði seldum
eintökum um 119 þúsund milli ára.
Fjöldinn fór mest í rúmlega 900
þúsund eintök árið 2008. - þeb
Leiga á myndböndum og diskum hefur dregist saman um 1,5 milljónir:
Leigja nú fimm myndir á ári
HORFT Á MYNDBAND Sala á mynd-
böndum hefur aukist en leiga dregist
saman á undanförnum árum. MYND/GETTY
ALÞINGI Íbúðalánasjóður hefur
yfirtekið rúmlega 2.000 íbúðir frá
árinu 2006. Flestar þessara íbúða
eða um fjórðungur er á Suður-
nesjum. Bókfært verð þeirra eru
rúmir 19 milljarðar króna.
Þetta kemur fram í svari vel-
ferðarráðherra við fyrirspurn
Sigmundar Ernis Rúnarssonar. Í
svarinu kemur fram að sjóðurinn
yfirtók yfir 1.400 íbúðir á þessu
ári og í fyrra. Í október voru um
600 af þessum eignum í útleigu.
Ennfremur að frá árinu 2006 hafi
sjóðurinn selt rúmlega 550 íbúðir.
Íbúðalánasjóður stórtækur:
Hefur yfirtekið
2.000 íbúðir