Morgunblaðið - 29.07.2010, Blaðsíða 32

32 MenningFRÉTTIR
MORGUNBLAÐIÐ FIMMTUDAGUR 29. JÚLÍ 2010
 Hljómsveitirnar Nýdönsk, Hjal-
talín og GusGus verða á Akureyri
um helgina þar sem þær ætla að
efna til þriggja daga tónlistarveislu
á skemmtistaðnum Oddvitanum.
Auk þeirra munu plötusnúðarnir
DJ Sexy Lazer og President Bongo
sjá um að halda dansgólfinu heitu.
Miðaverð 2500 kr. fyrir stakt kvöld
og 6000 kr. fyrir öll kvöldin og er
forsala í Pennanum, Hafnarstræti
og Indy á Glerártorgi.
Þriggja daga vakt
á Oddvitanum
Fólk
Hljómsveitin Sudden Weather Change sem fyrr í
vetur var valin Bjartasta vonin á Íslensku tónlist-
arverðlaununum ætlar vegna fjölda áskorana að
flytja frumraun frá árinu 2006, þröngskífuna
Sudden Weather Change EP í heild sinni á
Faktorý (þar sem Grand Rokk var áður til húsa) í
kvöld á tónleikum sem hlotið hafa nafnið Gleym
mér ei #1.
„Við vorum beðnir um að taka „Goodspeed“
sem er lag af fyrstu plötunni sem við tókum upp
fyrir fjórum árum. Ef ákveðinn fjöldi fólks
næ-ðist í Facebook-hóp þá myndum við taka lag-
ið og hann náðist,“ segir einn af gítarleikurum
hljómsveitarinnar, Dagur Stephensen .
Upphaflega samþykktu meðlimir Sudden að
taka lagið ef 116 manns myndu bætast í hópinn
en nú hafa fleiri en 130 skorað á sveitina að taka
lagið. „Það var ekki annað hægt en að taka þess-
ari áskorun og í framhaldi ákváðum við að taka
ekki bara lagið heldur alla plötuna.“
Fyrr í sumar kom út sjötomman The Thin
Liner og á henni var að finna lögin „Thin Liner“
og „The Whaler.“ En það er ekki eina útgáfa
sveitarinnar í sumar því meðlimir Sudden eru
nýkomnir úr hljóðveri þar sem þeir tóku upp
fjögura laga þröngskífu með Ben Frost sem
stefnt er á að gefa út stafrænt í lok ágúst og í tíu
tommu vínyl-viðhafnarútgáfu síðar í vetur
Miðaverð á tónleikana í kvöld er 500 kr. og
efri hæð Faktorý verður opnuð kl. 21.00. Tón-
leikarnir hefjast svo stundvíslega kl. 22.00.
matthiasarni@mbl.is
Flytja frumraun sína í heild í kvöld
Ljósmynd/Hörður Sveinsson
Samþykkt Sudden tóku áskorun aðdáenda.
 Undanfarin ár hefur Rás 2
haldið stórtónleika Rásar 2 á
menningarnótt, – við Arnarhól.
Nú er hins vegar kominn tími til
að gefa tónleikunum nýtt nafn og
af því tilefni er efnt til hug-
myndasamkeppnni meðal hlust-
enda Rásar 2. Tillögur skal senda
á netfangið menningarnott-
@ruv.is og nýtt nafn verður svo
kynnt strax eftir verslunar-
mannahelgi, ásamt upplýsingum
um flytjendur á tónleikunum.
Frestur til að senda inn nafn
rennur út einni mínútu fyrir mið-
nætti á frídegi verslunarmanna,
þann 2. ágúst.
Besta tillagan fær að launum
heimsókn frá Ingó Veðurguði sem
mætir til sigurvegarans vopnaður
gítar og söngrödd. Einnig fær
viðkomandi Nokia-síma frá Nova,
sjóstangveiðisiglingu og kvöld-
verð fyrir allt að tíu á sjóstang-
veiðiskipinu Andreu.
Nýtt nafn á stór-
tónleika Rásar 2
 Mikil rokkveisla verður haldin
á skemmtistaðnum Dillon við
Laugaveg um verslunarmannar-
helgina og hefjast herlegheitin
annað kvöld. Um helgina munu
stíga á svið hljómsveitir eins og
XIII, Dark Harvest Momentum,
Nögl, Nevolution, Manslaughter,
Vicky, Two Tickets To Japan og
Blæti, ásamt öðrum. Grillið verð-
ur í fullu fjöri í Dillon-garðinum
alla helgina þar sem m.a. verður
boðið upp á „harmborgara“. Tutt-
ugu ára aldurstakmark er á tón-
leikana. Hafi hljómsveitir áhuga á
að spila um helgina er hægt að
hafa samband við Dillon Rock
Bar í gegnum Facebook-síðu
staðarins.
Ókeypis rokkveisla á
Dillon hefst á morgun
Guðmundur Egill Árnason
gea@mbl.is
Undanfarin ár hefur Jónas Elí
Bjarnason stundað tónlistarnám í
Lundúnum þar sem hann starfar nú
sem tónlistarmaður við að spila fyrir
aðra, kenna, semja, útsetja og fram-
leiða en hann hefur verið að spila með
hljómsveitinni Chasing Ora sem er að
gefa út sína fyrstu plötu við mikla
spennu í Bretlandi. Hljómsveitin bað
áhangendur sína um að sýna sér
traust með því að kaupa plötuna og
ýmsan hljómsveitarvarning áður en
hún hafði verið tekin upp og þeir sem
tóku þátt fengu nafnið sitt inn í plötu-
umslagið. Þetta heppnaðist nægilega
til að fjármagna plötuna.
„Ég er búinn að vera hérna í rúm-
lega fjögur ár og þá vantaði gítarleik-
ara ekki alls fyrir löngu en þau eru
búin að vera mjög lengi í gangi. Ég er
búinn að vera í bandinu í tvö og hálft
ár núna. Síðan ég kom út er ég búinn
að vera að reyna að hasla mér völl og
búa mér til feril sem starfandi tónlist-
armaður. Þeir sáu mig spila á ein-
hverjum klúbb og töluðu við mig eftir
það og þá fóru hlutirnir að gerast
hratt,“ segir Jónas.
Unnið hörðum höndum
Söngkonan Natalie er forsprakki
sveitarinnar en hún, Darren, Chris og
Jónas hafa unnið hörðum höndum að
því að komast á viðlíka stað sem O2-
tónleikahöllina.
„Við erum búin að vera mjög dug-
leg að spila og höfum spilað á alveg
fínustu stöðum. Það er svo mikið um
bönd hérna að ekkert er gefins, mað-
ur þarf að berjast fyrir hverjum bita
og núna erum við að uppskera smá.
Við höfum verið að spila á öllum þess-
um svokölluðu „unsigned circuit“ en
það er hringur af tónlistarstöðum
sem eru misstórir og maður vinnur
sig upp. Ef maður fær fólk inn á stað-
inn þá fær maður meira og betra í
hvert sinn sem maður gerir eitthvað,
þannig að þetta er eitthvað sem við
höfum verið að vinna að lengi og mik-
ið. Við náum að hala inn fólki og það
hafa sífellt fleiri komið að sjá okkur.“
Þau í hljómsveitinni ætla að spila
eitt upphitunargigg fyrir þá allra
hörðustu áður en útgáfutónleikarnir
fara fram. „Við höfum eignast góðan
hóp af fólki sem kemur reglulega á
tónleika sem er mjög erfitt að gera
því það er mikið í boði hérna. Við er-
um mjög þakklát fyrir það.“
Platan verður fáanleg á netinu og í
öllum helstu búðum í Lundúnum en
hljómsveitin hefur lítið spilað þessi
lög áður. „Við höfum spilað þau að-
eins áður en það er tiltölulega nýtil-
komið. Þau voru samin fyrir stuttu
þannig að við svona prufukeyrum
gott efni áður en við förum lengra
með það.“
Fráfall söngkonunnar
„Nafnið Fair Ninjas Shoot er
stafarugl af „This is for Joanna“.
Upphaflega voru tvær söngkonur í
sveitinni, Natalie og systir hennar
Joanna sem var nýtrúlofuð þegar hún
var að fara með kærastanum til
Feneyja. Hann var að keyra og þau
lentu í bílslysi á leiðinni og hún lést í
því. Þetta tók mjög á sveitina og við
vissum ekki hvort við ættum að halda
áfram eða hvað. Við ákváðum að
halda áfram í hennar nafni og við
erum að gera þetta fyrir hana.
Við erum búin að fá boli og plaköt
og efni og platan lendir fljótlega
þannig að þetta er bara æðislegt.
Maður finnur stemningu meðal
þeirra sem ætla að koma. Maður get-
ur ekki beðið, þetta er þvílíkt gaman.
Það er ýmislegt í farvatninu. Í dag
vorum við að fá staðfest annað stórt
gigg á Scala og á milli þessara stóru
gigga verðum við líka að spila á ótal
litlum stöðum en við höfum líka verið
að hita upp fyrir hina og þessa, m.a.
meðlimi úr Arctic Monkeys, þannig
að vonandi horfir allt bara upp á við,“
segir Jónas að lokum.
Spila á O2-leikvangnum
og Scala í Lundúnum
Chasing Ora Jónas Elí, lengst til vinstri, er meðlimur hljómsveitarinnar, sem fagnar útgáfu plötu sinnar í O2-höllinni í Lundúnum.
O2-höllin Ekki fá allir tækifæri til þess að spila á þessum stað.
 Jónas Elí Bjarnason er í hljómsveitinni Chasing Ora sem spilar á O2 og Scala
 Gefa út sína fyrstu plötu á næstunni í minningu söngkonunnar sem féll frá
Staðarhaldarar leikvangsins
auglýsa indigO2-kvöld þann 6.
ágúst þar sem „hraðast vaxandi
bresku böndin munu spila“ en
samkvæmt þeim munu þau
vera:
 Morning Lane
 Chasing Ora
 Kites
 Kelli-Leigh
 Til Dusk
indigO2
O2-LEIKVANGURINN