Fréttablaðið - 30.11.2011, Blaðsíða 8
30. nóvember 2011 MIÐVIKUDAGUR8
P
IP
A
R
\T
B
W
A
-
S
ÍA
-
1
02
92
1
1. Ætlar Ólafur Stefánsson að spila
með íslenska handboltalandsliðinu
á EM í Serbíu?
2. Hvert var tap OR á fyrstu níu
mánuðum ársins?
3. Hve lengi hafa fuglamerkingar
verið stundaðar á Íslandi?
SVÖR
1. Ólafur segir það ólíklegt. 2. 5,3
milljarðar króna. 3. Í 90 ár.
TÆKNI Nýr hátæknisæstrengur milli
Íslands og Rússlands gæti orðið að
veruleika á næstunni. Sergei Lavr-
ov, utanríkisráðherra Rússlands,
lýsti yfir áhuga sínum á lagning-
unni á blaðamannafundi með Öss-
uri Skarphéðinssyni í Moskvu í gær.
Össur segir það markmið stjórn-
valda að gera Ísland að mið-
stöð fjarskipta og gagnaflutn-
inga á norður slóðum. Strengurinn
hefði burðargetu sem samsvaraði
heildargetu allra hinna fimmtíu
strengjanna sem nú þegar liggi milli
Evrópu og Banda ríkjanna.
Össur hefur á síðustu mánuðum
verið í samskiptum við Rússa um
lagningu strengsins. Fyrirtækið
Polarnet í Rússlandi, sem vinnur nú
að lagningu strengs frá Arkangelsk
við Hvítahaf austur til Asíu, mun
leggja strenginn áfram til Íslands
í samvinnu við íslenska fyrirtækið
Norline, ef samningar nást.
Kostnaður við strenginn verður
um 150 milljónir Bandaríkjaríkja-
dala og er áætlað að hefja undirbún-
ing um mitt næsta ár. Aðrir aðilar
vinna nú að lagningu sæstrengs
milli Íslands og Bandaríkjanna, sem
á að komast í gagnið næsta ár.
Össur segir hugmyndina hafa
sprottið upp í umræðum um að auka
mikilvægi Íslands á norðurslóðum.
Hún lofi góðu og geti örvað mjög
viðskipti við Ísland varðandi gagna-
ver og gagnaflutninga.
„Ísland hefur allt sem til þarf,
bæði samkeppnishæfa orku og
fyrsta flokks tengingar, bæði til
Evrópu um strengina til Danmerk-
ur og Skotlands. Síðan er komin
tenging til Grænlands sem liggur
áfram til Kanada. Þegar fjarskipta-
strengurinn til Bandaríkjanna er
kominn í gagnið er varla hægt að
hugsa sér betri kost fyrir Rússa en
að tengjast Íslandi,“ segir Össur. - þj
Vatnaskil í fjarskiptamálum milli Rússlands og Íslands með fyrirhuguðum sæstreng frá Arkangelsk:
Með burðargetu á við fimmtíu sæstrengi
RÁÐHERRAR Össur Skarphéðinsson
utanríkisráðherra og Sergei Lavrov, rúss-
neskur starfsbróðir hans, ræddu meðal
annars lagningu sæstrengs milli Íslands
og Rússlands.
STJÓRNSÝSLA Íslensk stjórnvöld
þurfa að svara því hvort þau ætla
að verja fé í að byggja upp rann-
sóknaraðstöðu hér á landi fyrst
afstaða þeirra varð til þess að
hætt var við að sækja um styrk
til Evrópu sambandsins (ESB) til
að koma upp slíkri aðstöðu, segir
Jón Gíslason, forstjóri Matvæla-
stofnunar.
„Það stuðlar ekki að auknu mat-
vælaöryggi hér á landi að halda
undanþágu sem við höfum verið á,
eða að mæla færri efni en búið er
að setja hámark um,“ segir Jón.
Hann segir að þau tæki sem
hafi átt að kaupa fyrir styrk frá
ESB hefðu meðal annars nýst til
að framfylgja lögum um merk-
ingu erfðabreyttra matvæla, sem
taka gildi um áramót. Án tækjanna
þurfi að senda sýni í rannsókn
erlendis með tilheyrandi töfum og
auknum kostnaði.
Samkvæmt matvælalöggjöf ESB
ber Matvælastofnun að rannsaka
hvort íslensk matvæli innihaldi
meira magn en leyfilegt er af um
300 efnum, til dæmis skordýraeitri
og sveppaeitri.
Ísland tók upp löggjöfina sem
hluta af samningnum um evrópska
efnahagssvæðið, en vegna undan-
þágu taka ákvæði um mælingarnar
ekki gildi fyrr en um áramót.
Eins og fram kom í Fréttablaðinu
í gær höfðu Matvæla rannsóknir
Íslands, sem er opinbert hluta-
félag, sótt um 300 milljóna króna
styrk frá ESB til að koma sér upp
búnaði til rannsóknanna. Um var
að ræða svokallaðan IPA-styrk,
sem stendur til boða þeim ríkjum
sem eiga í aðildar viðræðum við
ESB. Stjórn fyrirtækisins ákvað
hins vegar fyrir helgi að hætta við
styrkumsóknina, meðal annars
vegna afstöðu Jóns Bjarna sonar,
sjávarútvegs- og landbúnaðar-
ráðherra, til styrkja frá ESB.
Jón Gíslason hjá Matvæla-
stofnun segir að málið verði tekið
upp við ráðuneytið. Mögulega verði
sótt um áframhaldandi undan-
þágu frá þessu ákvæði matvæla-
löggjafarinnar, þó sú lausn sé
fjarri því eftir sóknarverð.
Þá segir hann eðlilegt að ráðu-
neytið skýri hvort til standi að
íslensk stjórnvöld leggi fé í upp-
byggingu rannsóknaraðstöðu fyrst
afstaða ráðherra hafi komið í veg
fyrir styrkumsókn til ESB til að
fjármagna verkefnið.
Verði aðstaða til rannsókna ekki
byggð upp hér á landi þarf að senda
fjölda sýna úr landi til rannsókna.
Það hefur bæði í för með sér auk-
inn kostnað og tafir á rannsóknum
Matvælastofnunar. Aukinn kostn-
aður við hverja sýnatöku gæti
þýtt að taka verði færri sýni en
stofnunin telur ráðlegt, segir Jón.
brjann@frettabladid.is
Ekki hægt að
meta erfða-
breytt matvæli
Áframhaldandi undanþága frá matvælalöggjöf ESB
stuðlar ekki að auknu matvælaöryggi segir forstjóri
Matvælastofnunar. Segir kostnað við rannsóknir á
sýnum verða hærri þar sem ráðherra sé andvígur því
að sótt verði um styrk til ESB fyrir tækjakaupum.
RÆKTUN Þó að sett hafi verið takmörk á magn um 300 efna í matvælum, til dæmis
skordýraeiturs og sveppaeiturs, er ekki hægt að mæla hvort íslensk matvara sé innan
löglegra marka nema senda sýni úr landi. NORDICPHOTOS/AFP
milljóna króna
var sú styrk-
upphæð sem
Matvælarannsóknir Íslands
höfðu sótt um til ESB vegna
innleiðingar matvæla-
löggjafarinnar.
300
BANDARÍKIN, AP Repúblik-
aninn Herman Cain
hyggst á næstu dögum
endurskoða framboð sitt
til forseta eftir að enn eitt
hneykslismálið honum
tengt kom upp á yfir-
borðið.
Kona á fimmtugsaldri,
Ginger White að nafni,
hefur nú stigið fram og
kveðst hafa átt í ástar-
sambandi við Cain, sem
er kvæntur maður, í 13 ár.
Því sambandi hafi ekki lokið fyrr
en nýlega, eftir að hann ákvað að
bjóða sig fram.
Cain hélt ótrauður áfram þrátt
fyrir ásakanir fjögurra kvenna
um kynferðislega áreitni, en
White segir að árásir
hans á þær konur undan-
farið hafi orðið til þess að
hún hafi ákveðið að stíga
fram.
Cain kom vel út úr
skoðanakönnunum á
tímabili og var um nokk-
urra vikna skeið með for-
ystu, en hefur látið undan
síga eftir að ásakanirnar
komu fram.
Frambjóðandinn hefur
sjálfur neitað því að hafa
haldið við White og sagst ætla að
halda framboðinu til streitu.
Heimildir fjölmiðla herma þó
að hann hafi sagt aðstoðarfólki
sínu að hann muni hugsa sinn
gang á næstu dögum. - þj
Forsetaframbjóðandi í tómum vandræðum:
Óvíst með framhald
hjá Herman Cain
HERMAN CAIN
BANDARÍKIN, AP Bradley Mann-
ing, sem sakaður er um að hafa
komið hundruðum þúsunda trún-
aðargagna
þarlendra yfir-
valda í hend-
ur Wikileaks-
manna, segir
þrjár skýrslur
frá alríkis-
stjórninni sýna
að þjóðaröryggi
Bandaríkjanna
hafi ekki verið
ógnað með
skjalalekanum. Lögmaður Mann-
ing segir skýrslurnar gerðar af
varnarmálaráðuneytinu, Hvíta
húsinu og utanríkisráðuneytinu.
Niðurstöður þeirra stangist á
við fyrri fullyrðingar háttsettra
manna um að lekinn gæti skaðað
öryggi Bandaríkjanna. - gar
Niðurstöður um Wikileaks:
Skaðaði ekki
þjóðaröryggi
BRADLEY
MANNING
VEISTU SVARIÐ?