Fréttablaðið - 30.11.2011, Blaðsíða 56
30. nóvember 2011 MIÐVIKUDAGUR28
Við hringjum fljótlega í þig.
Söfnunarreikningur 546-26-6609, kt 660903-2590.
Símasöfnun Fjölskylduhjálpar Íslands hafin. 2500
börn búa hjá foreldrum sem neyðast reglulega til að
sækja sér mataraðstoð hjá Fjölskylduhjálp Íslands
sem leitar nú eftir stuðningi landsmanna.
HJÁLP Í NEYÐ Á HEIMASLÓÐUM
Skátahreyfingin hefur um árabil selt sígræn
eðaltré í hæsta gæðaflokki og prýða þau
þúsundir heimila og fyrirtækja.
Sígrænu jólatrén eru seld í Skátamiðstöðinni
Hraunbæ 123 í Reykjavík, s: 550 9800 og á
skátavefnum: www.skatar.is
Frábærir eiginleikar:
-eðaltré ár eftir ár!
Sígræna jólatréð
10 ára ábyrgð
12 stærðir (90-500 cm)
Stálfótur fylgir
Ekkert barr að ryksuga
Veldur ekki ofnæmi
Eldtraust
Þarf ekki að vökva
Íslenskar leiðbeiningar
28
menning@frettabladid.is
Ófeigur Sigurðsson tók við
Evrópsku bókmenntaverðlaun-
unum, European Union Prize fór
Literature, í Brussel á mánudags-
kvöld. Verðlaunin hlaut Ófeigur
fyrir Skáldsögu um Jón, sem
kom út á vegum Forlagsins í
fyrra. Þetta er í þriðja sinn sem
verðlaunin eru veitt og hlutu þau
að þessu sinni höfundar frá tólf
Evrópu löndum. Með því hafa öll
Evrópulönd eignast sinn verð-
launahöfund.
Silja Aðalsteinsdóttir, útgáfu-
stjóri hjá Forlaginu, var viðstödd
verðlaunaathöfnina, sem var
haldin á Hotel Plaza í Brussel.
Hún segir athöfnina hafa verið
hátíðlega. Allir verðlaunahafar
sögðu nokkur orð og segir Silja
að Óskarsverðlaunabragur hafi
verið á ræðum sumra, sem þökk-
uðu fjölskyldunni, útgefandanum
og Evrópusambandinu.
„Aðrir voru frumlegri,“ segir
Silja, „til dæmis hollenski verð-
launahafinn, sem sagði þessi
verðlaun betri en Nóbelsverð-
laun því þessi fengi hann ungur
en ekki gamall og úr sér geng-
inn og þau væru að auki vegabréf
fyrir bækur hans út í veröldina.
Maltneski höfundurinn þakkaði
bara konu sinni fyrir að þola sig
öll þessi ár. Sjálfum dytti honum
ekki í hug að búa með rithöfundi.
Það lá við að allur salurinn risi úr
sætum fyrir þessari góðu konu!“
Í ræðu sinni sagði Ófeigur
að það væri gaman að fá verð-
laun sem hefðu það að hugsjón
að sameina Evrópu í gegnum
bókmenntir. Það væri líka gott
að Ísland fengi að vera með því
landið vildi stundum týnast mitt
á milli Evrópu og Ameríku.
Sigurlaunin eru fimm þúsund
evrur, eða um 800 þúsund krón-
ur, auk þýðingarstyrks til þeirra
útgefenda sem gefa bækurnar út
utan heimalandsins. - bs
Ófeigur tók við verðlaunum
ÓFEIGUR SIGURÐSSON Var einn tólf rithöfunda frá jafnmörgum Evrópulöndum sem
hlutu Evrópsku bókmenntaverðlaunin í ár. FRÉTTABLAÐIÐ/VALLI
Flest mun fullnað …
Bækur ★★★★★
Allt kom það nær
Þorsteinn frá Hamri
Mál og menning
Allt kom það nær er 25. ljóðabók Þorsteins frá Hamri, sem auk þess hefur
sent frá sér skáldsögur og sagnaþætti. Hann er fyrir löngu orðinn eitt okkar
viðurkenndasta skáld og allir sammála um að hann sé í hópi þeirra bestu, ef
ekki sá albesti.
Ljóðmál hans er fágað, tungutakið kraftmikið, hugsunin hvöss og
hrynjandin ætíð fullkomin. Er þá einhverju við að bæta án þess að eiga það
á hættu að verða eins og daufur endurómur af öllu því verskuldaða lofi sem
á hann og ljóð hans hefur verið borið í gegnum tíðina? Getur fullkomnun
orðið fullkomnari?
„Enn talar þú við nóttina, vinur minn Þorsteinn” orti Nína Björk Árnadóttir
fyrir áratugum og þau orð eiga við enn í dag, en í Allt kom það nær talar
Þorsteinn þó minna við nóttina en oft áður og meira við samfélagið, við mig
og þig. Hefði bókin verið gefin út
undir dulnefni hefði legið beint við
að álykta að hér væri reiður ungur
maður á ferð, ungur maður sem
ofbyði það samfélag sem hann
hefði erft. En hver segir að ungir
menn hafi einkarétt á reiðinni?
Hér er nístandi samfélagsgagn-
rýni frá þroskuðu skáldi í bland
við undurfagrar myndir, skarpa
greiningu á mannfólkinu og
þungan trega sem liggur undir öllu
og litar mál og myndir. Næstum
eins og skáldið sé að kveðja þjóð
sína, enda eftir litlu að slægjast
þar sem hundinginn slettir
hæðnislega í góm
þegar neyð er nefnd
og mangarinn býður mannslíf
og hryggð til sölu.
(Snjór bls. 23)
Við skulum þó vona að Þor-
steinn sé ekki að kveðja með
þessari bók. Hann á enn við okkur
brýnt erindi, er óhræddur við að
hækka raustina og segja okkur til syndanna. Og vald hans á tungunni er
slíkt að við kippumst við og kveinkum okkur undan svipuhöggunum. Í sömu
mund er okkur þó boðið til veislu þar sem leikið er undur blíðlega á alla
strengi tungumálsins og orðin glitra eins og mjöll í hvítalogni. Þar sem skörp
sýn og myndnæmi skáldsins skapa nýja heima fulla af undrum og gleði en
um leið vaka hætturnar við hvert fótmál, ógnin og undrið haldast í hendur
og lífsleiðin er hvorki breið né greið þótt við vitum hvert hún liggur.
Og brátt rekur ísinn að.
Nær manni, nær;
Unz hann nemur í hjartanu stað. (Stórir komu skarar bls. 52)
Friðrika Benónýsdóttir
Niðurstaða: Stórvirki frá einu af okkar albestu skáldum, sem slær nýja tóna
og kemur á óvart í þessari bók.
SÍÐUSTU TÓNLEIKAR TÓNLEIKARAÐAR JAZZKLÚBBSINS MÚLANS á þessu hausti fara fram í kvöld. Á
tónleikunum mun hljómsveitin JP Jazz – The Eternal Triangle koma fram, en þar leiða saman hesta sína gítarleikarinn Jón Páll
Bjarnason og saxófónleikarinn Jóel Pálsson í nýjum djasskvartett. Meðleikarar þeirra eru Valdimar Kolbeinn Sigurjónsson bassa-
leikari og Einar Scheving sem leikur á trommur. Tónleikar Múlans fara fram í Norræna húsinu og hefjast þeir klukkan níu.
Dansverkið Á eftir Valgerði
Rúnarsdóttur verður frum-
sýnt í Norðurpólnum annað
kvöld. Í því segir frá ferða-
lagi þriggja kvenna.
„Þetta er saga þriggja kvenna á
ferðalagi, þær eru ólíkar og hafa
mismunandi væntingar til ferðar-
innar,“ segir Valgerður Rúnars-
dóttir, dansari og danshöfundur.
Annað kvöld verður frumsýnt dans-
verkið Á eftir hana. Auk Valgerðar
dansa með henni í verkinu þær Snæ-
dís Lilja Ingadóttir og Unnur Elísa-
bet Gunnarsdóttir.
„Eins og er algengt í nútíma-
dansi þá er verkið náið samstarf
okkar þriggja þó að hugmyndin
sé komin frá mér. Við skoðuðum
ferðalagið, hvað ferðalangur skil-
ur eftir á brottfararstað og hvað
bíður hans,“ segir Valgerður sem
sjálf hefur verið á miklum ferða-
lögum undanfarin fjögur ár. En
á því tímabili hefur hún verið
sjálfstætt starfandi dansari eftir
fimm ára feril með Íslenska dans-
flokknum.
„Það var frábær reynsla að vera
með Íslenska dansflokknum en
Ísland er lítið land og mig var farið
að langa að gera eitthvað nýtt,“
segir Valgerður, sem hefur meðal
annars unnið mikið með dans-
höfundinum Sidi Larbi Cherkaou
sem er einn fremsti nútímadans-
höfundur Evrópu.
„Hann er afar góður listamaður
og danshöfundur og frábær mann-
eskja þannig að það hefur verið
mjög gaman að vinna með honum.
Hann er í fremstu röð dans höfunda
í Evrópu og verkefnin eru því afar
fjölbreytt.“ Síðasta verkefni Val-
gerðar með Cherkaou var dans-
hlutverk í kvikmyndinni Önnu
Kareninu. „Það var ný reynsla í
reynslubankann, ég hef tekið þátt
í kvikmyndaverkefnum áður, en
þetta var miklu umsvifameira,“
segir Valgerður, sem dansar í
nokkrum stórum dansatriðum í
myndinni.
Eftir áramót eru frekari verk-
efni með Cherkaou á döfinni auk
þess sem Valgerður heldur áfram
að starfa með Ernu Ómarsdóttur,
dansara og danshöfundi.
Valgerður segir gaman að
spreyta sig í hlutverki danshöf-
undarins. „Það er töluvert ólíkt
að halda utan um allt sjálfur í stað
þess að vera að vinna hjá öðrum, en
það er gaman að tilbreytingunni.“
Þess má geta að verkið Á er annað
verk Valgerðar sem áður hefur
samið verkið Eyjaskegg sem hún
hlaut Grímuverðlaun fyrir.
Þrjár sýningar verða á verkinu Á,
1. desember, 2. og 4. desember. Sýnt
er í Norðurpólnum og hefjast sýn-
ingar klukkan átta. Tónlist verks-
ins er í höndum Þorgríms Andra
Einars sonar. sigridur@frettabladid.is
ÞRJÁR KONUR Á FERÐALAGI
DANSHÖFUNDUR OG DANSARI Dansverkið Á er annað verk Valgerðar. Hún hlaut Grímuverðlaunin fyrir verk sitt Eyjaskegg.
FRÉTTABLAÐIÐ/ANTON
Ísland er lítið land og
mig var farið að langa
að gera eitthvað nýtt.
VALGERÐUR RÚNARSDÓTTIR
DANSARI OG DANSHÖFUNDUR