Fréttablaðið - 30.11.2011, Blaðsíða 64
30. nóvember 2011 MIÐVIKUDAGUR36
sport@frettabladid.is
ORRI FREYR HJALTALÍN mun spila með uppeldisfélagi sínu, Þór, í 1. deild karla á næsta tímabili en
hann hefur verið á mála hjá Grindavík síðan 2004. Félögin komust að samkomulagi um félagaskiptin fyrr í
vikunni en Orri Freyr var samningsbundinn Grindvíkingum til ársins 2014.
Enski deildabikarinn
Chelsea - Liverpool 0-2
0-1 Maxi Rodriguez (58.), 0-2 Martin Kelly (63.).
Cardiff - Blackburn 2-0
1-0 Kenny Miller (19.), 2-0 Anthony Gerrard (50.).
Arsenal - Manchester City 0-1
0-1 Sergio Agüero (83.)
Enska B-deildin
Burnley - Ipswich 4-0
Ívar Ingimarsson lék allan leikinn með Ipswich.
Reading - Peterbrough 3-2
Brynjar Björn Gunnarsson var ekki í hópi Reading.
Nottingham Forest - Leeds 0-4
Middlesbrough - West Ham 0-2
Derby - Brighton 0-1
Millwall - Doncaster 3-2
Leicester - Blackpool 2-0
Watford - Bristol City 2-2
Southampton - Hull City 2-1
Þýska úrvalsdeildin
Füchse Berlin - Rhein-Neckar Löwen 35-28
Magdeburg - Kiel 26-33
STAÐA EFSTU LIÐA
Kiel 14 14 0 0 +127 28
Füchse Berlin 13 10 1 2 +39 21
Hamburg 12 10 0 2 +63 20
Flensburg 12 9 0 3 +33 18
RN Löwen 13 8 1 4 +29 17
Lemgo 12 7 0 5 -1 14
Magdeburg 13 7 0 6 +23 14
Melsungen 13 5 3 5 +5 13
Sænska úrvalsdeildin
Solna Vikings - Sundsvall Dragons 78-77
Logi Gunnarsson skoraði 26 stig fyrir Solna, þar
af fimmtán í fjórða leikhluta. Hann tryggði Solna
sigur með körfu þremur sekúndum fyrir leikslok.
Jakob Sigurðarson skoraði 21 fyrir Sundsvall,
Hlynur Bæringsson átján (11 fráköst) og Pavel
Ermolinskij ellefu.
Spænska úrvalsdeildin
Barcelona - Rayo Vallecano 4-0
1-0 Alexis Sanchez (29), 2-0 Alexis Sanchez (41.),
3-0 David Villa (43.), 4-0 Lionel Messi (50.).
Ítalska úrvalsdeildin
Napoli - Juventus 3-3
1-0 Marek Hamsik (23.), 2-0 Goran Pandev (40.),
2-1 Alessandro Matri (48.), 3-1 Goran Pandev
(68.), 3-2 Marcelo Estigarribia (72.), 3-3 Simone
Pepe (79.).
Ítalska bikarkeppnin
Parma - Hellas Verona 0-2
Emil Hallfreðsson var ekki í hópi Verona í gær.
ÚRSLIT
KÖRFUBOLTI Eitt lið hefur borið
höfuð og herðar yfir önnur það
sem af er tímabilinu í körfunni.
Grindavík hefur unnið alla fjórtán
leiki tímabilsins, sjö í deild, sex í
deildarbikar og Meistarakeppni
KKÍ þar sem Páll Axel Vilbergs-
son skoraði eftirminnilega sigur-
körfu. Páll Axel hefur tekið að
sér nýtt hlutverk í vetur og spilar
nú sem sjötti maður með góðum
árangri.
„Við erum alveg niðri á jörðinni
fullmeðvitaðir um það að við erum
ekki búnir að vinna neitt ennþá.
Liðsvörnin okkar er mjög öflug en
við erum búnir að vera að vinna
í henni í fyrra og svo hefur verið
framhald á því á þessu ári,“ segir
Páll Axel.
Helgi Jónas Guðfinnsson er á
sínu öðru ári með Grindavíkurliðið
og varnarleikurinn er orðinn aðall
liðsins enda er liðið aðeins að fá á
sig 71,4 stig í leik í Iceland Express
deildinni.
„Helgi breytt i mik lu í
varnarleiknum, öllum áherslum og
öllu því sem tengist liðsvörn. Hann
breytti þessu töluvert og kom inn
með ákveðna hugmyndafræði um
varnarleik. Það er greinilega að
skila sér,“ segir Páll Axel.
Grindvíkingar hafa verið með
sterkt lið undanfarin ár en ekki
unnið Íslandsmeistaratitilinn í
fjórtán ár. „Við erum búnir að
vera í keppni um þetta í mörg ár
og hefur oft vantað aðeins upp á.
Við erum búnir að taka einhverja
bikarmeistaratitla en höfum allt-
af ætlað okkur meira. Það er allt-
af hugur í okkur að vinna og það
hefur ekkert breyst,“ segir Páll
Axel og það er að heyra á honum
að það sé ekki búið að reyna nógu
mikið á liðið til þessa í vetur.
„Leikjaprógrammið okkar
hefur verið í auðveldari kantin-
um til þess að byrja með en eins
og deildin hefur verið að spilast
hafa liðin verið að reyta stig af
hverju öðru. Við höfum verið að
halda haus þrátt fyrir enga sér-
staka spilamennsku og höfum
verið að klára okkar leiki. Ég vil
alveg hrósa okkur fyrir það að þótt
spilamennskan hafi ekkert verið
neitt hundrað prósent erum við að
klára okkar leiki,“ segir Páll Axel.
Hann nefnir KR-leikinn sem
dæmi, en Grindvíkingar fóru
þá í DHL-höllina og niðurlægðu
Íslandsmeistarana með 85-59
sigri. „KR-ingar áttu mjög slæman
dag og þeir hittu mjög illa. Ég er
ekki tilbúinn að samþykkja það að
við höfum verið eitthvað frábærir
í þessum leik. Við komum reyndar
tilbúnir í leikinn og það er eitthvað
sem við höfum ekki verið að gera
mikið af í vetur,“ segir Páll Axel.
Helgi Jónas var ekki tilbúinn að
láta sína menn slaka á í leiknum
á móti KR og var að taka reiði-
köstin á sína menn þótt munurinn
væri mikill. „Hann er keppnis-
maður og búinn að vera keppnis-
maður í mörg ár. Hann er búinn
að vera lengi í þessum bransa og
það er bara flott mál að hann sé
á bakinu á mönnum. Hann gerir
kröfur um ákveðna spilamennsku
og um ákveðinn árangur. Hann
vill að menn leggi sig fram og
skili ákveðnum hlutverkum. Það
er bara allt í lagi,“ segir Páll Axel.
Helgi Jónas er einkaþjálfari og
það er fer ekkert á milli mála að
hans menn eru í frábæru formi.
„Ég er búinn að vera lengi í brans-
anum og er búinn að fara á nokkr-
ar æfingar hjá mörgum þjálfur-
um. Hann er með svolítið öðruvísi
áherslur varðandi líkams þjálfun,
sem mér finnst nokkuð gott.
Æfingar eru byggðar upp á mjög
skemmtilegan hátt og eru svo lítið
öðruvísi en maður hefur geng-
ið í gegnum. Hann er góður í því
að fela púlið og setur það í bolta-
æfingar og spil,“ segir Páll.
Páll Axel er að skora 11,7 stig
að meðaltali á 24,2 mínútum en
Grindavíkurliðið er að vinna þær
mínútur sem hann spilar að með-
altali með 16,1 stigi. Hann er efst-
ur í plús og mínus í deildinni, sem
þýðir að það gengur best með hann
inni á vellinum af öllum leikmönn-
um deildarinnar. Ólíkt fyrri tíma-
bilum er Páll Axel nú að koma inn
af bekknum í stað þess að vera í
byrjunarliðinu.
„Ég kann ágætlega við þetta.
Ég hef tekið tímabil þar sem ég
hef skorað mikið og er að leiða
liðið í ákveðnum tölfræðiþáttum.
Mér finnst ég samt vera að spila
betur núna en ég hef gert í mörg
ár. Hlutverkið mitt hefur breyst
aðeins, við erum komnir með
meiri breidd og betri leikmenn.
Það er ekkert atriði að byrja leik
en það er miklu meira atriði að
geta klárað hann,“ segir Páll Axel,
en hann var með 22 stig á 17 mín-
útum í sigri á Haukum í Lengju-
bikarnum á mánudaginn.
„Sóknarleikurinn sem Helgi inn-
leiddi fyrir þetta tímabil hentar
mér sérstaklega vel, svona flæð-
andi sóknarleikur þar sem þarf
að lesa leikinn svolítið,“ segir Páll
Axel. Hann var meiddur í byrj-
un tímabilsins og það þróaðist út
í að hann byrjaði að koma inn af
bekknum.
„Það er ágætt að ég haldi áfram
að anda ofan í hálsmálið á þeim
sem eru byrjunarliðsmenn í lið-
inu. Ef menn standa sig ekki er ég
alltaf tilbúinn,“ sagði Páll Axel að
lokum.
ooj@frettabladid.is
Helgi Jónas góður í því að fela púlið
Páll Axel Vilbergsson er sáttur við nýtt hlutverk hjá Grindavík en hann er nú í fyrsta sinn að koma inn af
bekknum hjá liðinu. Grindavík hefur unnið fyrstu fjórtán leiki tímabilsins og Páll er efstur í plús og mínus
í deildinni. Hann hrósar þjálfaranum Helga Jónasi Guðfinnssyni fyrir skemmtilegar æfingar.
Í NÝJU HLUTVERKI Páll Axel Vilbergsson hefur verið aðalskorari Grindvíkingar undan-
farin ár en er nú í hlutverki sjötta manns og kemur með reynslu og fjölhæfni inn af
bekknum. FRÉTTABLAÐIÐ/STEFÁN
Páll Axel í deildinni
Gengið með Pál Axel inni á:
86-80 sigur á Keflavík +17 (Páll Axel
skoraði 16 stig sjálfur)
95-76 sigur á Fjölni +10 (5 stig)
87-73 sigur á ÍR +21 (10 stig)
85-65 sigur á Tindastól +16 (15 stig)
83-73 sigur á Val +19 (14 stig)
98-74 sigur á Haukum +12 (11 stig)
85-59 sigur á KR +18 (11 stig)
Páll Axel inni á vellinum
171 mínútur og 5 sek.: Grindavík +113
Páll Axel á bekknum
108 mín. og 55 sek.: Grindavík +6
HANDBOLTI Íslenska landsliðið
í handbolta vann í gær sigur á
Bretlandi, 22-19, í síðasta æfinga-
leik liðsins fyrir HM í Brasilíu
sem hefst á föstudaginn.
Liðið var reyndar lagt af stað
til Brasilíu þegar leikurinn fór
fram því að landsliðshópurinn
millilenti í London í gær og nýtti
tímann til að spila við heima-
menn. Leikið var í 60 mínútur,
ekki í þrisvar sinnum 25 mínútur
eins og hafði verið ákveðið. Stella
Sigurðardóttir skoraði fimm
mörk fyrir Ísland en þær Anna
Úrsúla Guðmundsdóttir, Rut
Jónsdóttir og Hanna G. Stefáns-
dóttir hvíldu allar vegna smá-
vægilegra meiðsla.
Liðið hélt síðan áfram för sinni
í gærkvöldi og átti fyrir höndum
næturflug til Brasilíu. Fyrsta
æfing liðsins verður klukkan
13.30 að staðartíma í dag. Ísland
hefur síðan leik á laugardaginn
og mætir þá Svartfellingum. - esá
Síðasti æfingaleikurinn:
Sigur á Bretum
SKORAÐI FIMM Stella Sigurðardóttir var
markahæst hjá Íslandi gegn Bretum í
gær. FRÉTTABLAÐIÐ/STEFÁN
HANDBOLTI Füchse Berlin skaust
upp í annað sæti þýsku úrvals-
deildarinnar í gær með öruggum
sigri á Rhein-Neckar Löwen á
heimavelli, 35-28. Kiel hélt topp-
sætinu og er enn með fullt hús
stiga eftir góðan sigur á sterku
liði Magdeburg, 33-26.
Þrjú af þessum liðum
eru þjálfuð af Íslend-
ingum og íslenskir leik-
menn eru á mála hjá þeim
öllum. Dagur Sigurðsson
vann einvígi sitt gegn
Guðmundi Guðmunds-
syni, en refirnir frá
Berlín sýndu fádæma
yfirburði gegn ljónun-
um í gær.
„Berlin var betra
liðið og átti skilið að
vinna,“ sagði Guð-
mundur eftir leik-
inn í gær. Alexander
Petersson gengur
til liðs við Rhein-
Neckar Löwen í sumar en hann
skoraði fjögur mörk fyrir Berlín
í gær. Róbert Gunnarsson skoraði
ekki fyrir Löwen.
Aron Pálmarsson skoraði síðan
tvö mörk og átti góðan leik þegar
lið hans, Kiel, vann sjö marka
sigur á Magdeburg. Björgvin
Páll Gústavsson lék síðustu átta
mínútur leiksins fyrir Magde-
burg en náði ekki að verja.
Svíinn Andreas Palicki var
hetja Kiel en hann kom inn
fyrir Thierry Omeyer
í marki Kiel þegar
Magdeburg var í
forystu. Hann
skellti í lás og
Kiel skoraði
sex mörk í röð
og tryggði sér
sigurinn. - esá
Tveir Íslendingaslagir í þýsku úrvalsdeildinni:
Auðvelt hjá refunum
DAGUR Hefur náð
frábærum árangri með
Füchse Berlin.
FÓTBOLTI Þrír leikir fóru fram í
fjórðungsúrslitum ensku deilda-
bikarkeppninnar í gær. Liverpool,
Manchester City og Cardiff City
tryggðu sér öll sæti í undanúrslit-
um keppninnar í gær, en landsliðs-
maðurinn Aron Einar Gunnarsson
leikur með síðastnefnda liðinu.
Craig Bellamy lagði upp bæði
mörk Liverpool í 2-0 sigri á Chel-
sea í gær. Hann baðst undan skyld-
um sínum með liðinu um helgina
vegna sviplegs fráfalls Gary
Speed, þjálfara landsliðs Wales
þar sem Bellamy er lykilmaður.
Maxi Rodriguez og Martin Kelly
skoruðu mörk Liverpool, sem vann
þar með sigur á Chelsea í annað
skipti á aðeins níu dögum.
Sergio Agüero var hetja
Manchester City og tryggði liðinu
1-0 sigur á Arsenal á Emirates-
leikvanginum í Lundúnum. Hann
skoraði eina mark leiksins eftir
skyndisókn á 83. mínútu.
Aron Einar spilaði allan leikinn
á miðjunni hjá Cardiff í gær og
lagði upp fyrra mark sinna manna
í 2-0 sigri á Blackburn. Aron Einar
átti þá stungusendingu inn fyrir
vörn Blackburn á Kenny Miller,
sem skoraði af öryggi.
Fjórðungsúrslitunum lýkur í
kvöld með leik Manchester United
og Crystal Palace. - esá
Undanúrslit ensku deildabikarkeppninnar:
Liverpool, Man. City
og Aron Einar áfram
TILFINNINGAÞRUNGIÐ Kenny Dalglish
faðmar hér Craig Bellamy í gær.