Morgunblaðið - 28.01.2011, Blaðsíða 19

19
MORGUNBLAÐIÐ FÖSTUDAGUR 28. JANÚAR 2011
Eins og fram hefur komið í
fréttum tekur Landspítalinn yfir
St. Jósefsspítala um næstu mán-
aðamót. Það hefur verið mikil
leynd yfir þessu ferli og ekki kom-
ið skýrt fram til almennings að
skurðstofunum verður þá lokað og
handlækningadeildin lögð niður.
Á deildinni vinnur sérhæft teymi
kvensjúkdómalækna, hjúkr-
unarfræðinga og sjúkraliða sem
búið er að þróa á löngum tíma.
Það er gott aðgengi að sjúkrahúsinu sem er í
hjarta Hafnarfjarðar. Sjúkrahúsið er eins og
stórt heimili. Stuttar boðleiðir eru á milli starfs-
stétta og öll þjónusta fyrir hendi. Það er góð
samvinna á milli hjúkrunarfræðinga og sjúkra-
liða. Engin stéttaskipting er og hjálpumst við að
með verkin eins og til fellur.
Á deildinni er starfandi sérhæft grindarbotn-
steymi og er langur biðlisti af
konum sem þurfa að komast í
slíkar aðgerðir. Þannig að ég
spyr: Hver á að taka við þessum
konum þar sem þessar aðgerðir
eru aðallega gerðar á St. Jós-
efsspítala? Ráðamenn halda því
fram að Landspítalinn geti tekið
við allri þessari starfsemi en þurfi
samt fyrst að breyta aðeins húsa-
kynnum (sem hlýtur að kosta ein-
hverja fjármuni). Þar sem það
eru svo mikil þrengsli á Landspít-
alanum, hvernig væri nú að snúa
við blaðinu og flytja kvennadeild
Landspítalans yfir á St. Jósefsspítala og vera
þar með sérhæfða starfsemi?
Á St. Jósefsspítala er góð aðstaða með tveim-
ur fullbúnum skurðstofum, vöknunarherbergi
og sérhæfðu hjúkrunarfólki. Lítið hefur verið
um sýkingar á St. Jósefsspítala eftir aðgerðir.
Nýlega hefur verið fjallað um þrengsli á Land-
spítalanum og Noro-veirusýkingu. Fólk er
liggjandi á göngum og dregið hefur verið úr
heimsóknum til þess enda er fjöldi sjúklinga
langt umfram eðlilegan fjölda á spítalanum. Ég
held að það sé of mikil áhætta að sjúklingar liggi
þröngt á Landspítalanum, sérstaklega þegar
upp koma sýkingar. Sjúklingar sem eru veikir
fyrir eiga erfitt með að takast á við utanaðkom-
andi sýkingar í ofanálag. Væri ekki nær að nýta
það húsnæði sem til er á krepputímum eins og
nú í stað þess að vera að hugsa um að byggja
hátæknisjúkrahús? Síðan er ráðgert að öll nú-
verandi starfsemi á St. Jósefsspítala verði lögð
niður á þessu ári. Margar konur glíma við skert
lífsgæði vegna heilsubrests á grindarbotni. Á
St. Jósefsspítala eru gerðar sérhæfðar aðgerðir
á þessum konum, sem auka lífsgæði þeirra til
muna. Konur sem glíma við heilsubrest á grind-
arbotni geta einangrast eða orðið öryrkjar því
ekki lagast þetta af sjálfu sér.
Að endingu vil ég koma því fram að það að
loka skurðstofum St. Jósefsspítala er ekkert
annað en aðför að heilbrigði kvenna. Mér finnst
að það þurfi að hlúa að konum landsins sem hafa
alið börn þessa lands en ekki gera þeim erfitt
fyrir, t.d. konum sem farið hafa illa á grind-
arbotnssvæði eftir erfiðar fæðingar. Ég bið
hæstvirtan heilbrigðisráðherra eða velferð-
arráðherra eins og embættið heitir nú að end-
urmeta stöðuna og taka heilbrigða ákvörðun.
Jafnframt skora ég á hann að mæta sjálfur á
sjúkrahúsið og kynna starfsfólkinu rök fyrir
ákvörðun sinni. Ekki veit ég til þess að hann
sjálfur hafi komið á sjúkrahúsið eftir að hann
tók við þessu mikilvæga embætti.
Eftir Soffíu
Guttormsdóttur » Væri ekki nær að nýta það
húsnæði sem til er á
krepputímum eins og nú í stað
þess að vera að hugsa um að
byggja hátæknisjúkrahús?
Soffía Guttormsdóttir
Höfundur er hjúkrunarfræðingur á handlækn-
ingadeild St. Jósefsspítala.
Aðför að heilbrigði kvenna
Sú var tíð að íslensk-
ur iðnaður og sjávar-
útvegur tókust á um
kvótakerfið og sjáv-
arútvegsstefnu lands-
manna. Þeirri umræðu
er ekki lokið og mik-
ilvægt er að sem best
sátt náist um auðlinda-
stefnu Íslendinga,
jafnt til lands og sjáv-
ar. Það er viðamikið
verkefni að ná breiðri samstöðu um
þetta mikilvæga mál. Við lausn þess
þarf að beita skipulegum og öguðum
vinnubrögðum sem eru til þess fallin
að leiða til sanngjarnrar niðurstöðu
og sáttar. Það gengur ekki að nálg-
ast þetta verkefni með hávaða og
látum á pólitískum uppboðsmarkaði.
Eins þarf að velja tímann rétt og sá
tími er ekki núna þegar þjóðin þarf
að forgangsraða þannig að unnt
reynist að eyða atvinnuleysi, bæta
lífskjör fólks og efla fyrirtækin í
landinu til dáða á ný.
Til þess þarf mynd-
arlegan hagvöxt strax á
þessu ári og hann næst
ekki nema allar at-
vinnugreinar geti virk-
að af fullum krafti.
Minnstu fjárfest-
ingar í 70 ár
Á síðasta ári var
samdráttur á vinnu-
markaði samkvæmt
nýrri skýrslu Hagstof-
unnar. Það voru fleiri
atvinnulausir og vinnutími styttri en
árið áður. Í árslok voru 14.000 at-
vinnulausir. Fjárfestingar í hagkerf-
inu eru nú minni en nokkru sinni síð-
ustu 70 árin. Við þessar aðstæður
eru Íslendingar ekki á leið út úr
kreppunni. Við þessar aðstæður
náum við ekki 5% hagvexti á ári
næstu árin og án myndarlegs hag-
vaxtar eyðum við atvinnuleysinu
ekki og náum ekki að auka kaup-
mátt. Við þessar aðstæður sköpum
við ekki 2.000 ný störf fyrir þá sem
koma út á vinnumarkaðinn á ári. Við
þessar aðstæður missum við öflugt
og vel menntað fólk úr landi. Það
yrði þjóðinni dýrkeypt til skemmri
og lengri tíma litið. Til að snúa þess-
ari óheillaþróun við þarf að skapa
skilyrði fyrir nýjar fjárfestingar og
þá sérstaklega í útflutningsgreinum.
Þá er átt við greinar sem nýta orku
til framleiðslu sinnar, sjávarútveg,
sprotafyrirtæki, ferðaþjónustu, hug-
verkaiðnað, hátækniiðnað, mat-
vælaframleiðslu – íslensk fyrirtæki
af öllum stærðum og gerðum.
Eyðum óvissu
Samtök atvinnulífsins telja að
þessi markmið náist ekki nema að
samhliða gerð kjarasamninga verði
eytt óvissu varðandi virkjanafram-
kvæmdir og orkufrekan iðnað og
eins að sátt náist milli stjórnvalda og
hagsmunaaðila í sjávarútvegi á
grundvelli niðurstöðu svokallaðrar
sáttanefndar. Sú óvissa sem skapast
hefur í sjávarútvegi kemur í veg fyr-
ir fjárfestingar í greininni og að ráð-
ist sé í viðhald fjármuna. Það veldur
truflun í ýmsum öðrum greinum,
m.a. í málmiðnaði og mann-
virkjagerð. Þá vilja Samtök atvinnu-
lífsins lagfæringar á sviði skatta-
mála, t.d. lækkun
atvinnuleysistryggingargjalds sem
er mjög íþyngjandi í mannafls-
frekum greinum. Almennt er skatt-
lagning á Íslandi komin út fyrir við-
unandi mörk og farin að valda skaða.
Þá er minnt á loforðin frá stöð-
ugleikasáttmálanum vorið 2009 um
stórt átak í opinberum fram-
kvæmdum með lánsfé frá lífeyr-
issjóðum. Það hefur ekki gengið eft-
ir – frekar en svo margt sem samið
var um í þeim stöðugleikasáttmála
og hefur verið svikið af stjórnvöld-
um. Ég styð þessa stefnumörkun
Samtaka atvinnulífsins og finn að
hún á góðan hljómgrunn innan iðn-
aðarins þó að auðvitað séu ekki allir
með sömu árherslur.
Það er mikill misskilningur að
kröfur atvinnurekenda snúist ein-
ungis um fiskveiðistjórnunarkerfið.
Reynt er að gera önnur samtök en
sjávarútvegs tortryggileg með því
að segja þau gangi erinda LÍÚ varð-
andi ágreining þeirra og stjórnvalda.
Við erum að ganga erinda alls at-
vinnulífsins í þeirri vegferð að koma
hér á öflugum hagvexti að nýju með
atvinnuleið í stað atvinnuleys-
isleiðar. Þannig viljum við eyða at-
vinnuleysi, auka kaupmátt og bæta
hag fyrirtækja. Þannig göngum við
erinda allrar þjóðarinnar.
Eftir Helga
Magnússon » Í árslok voru 14.000
atvinnulausir. Fjár-
festingar í hagkerfinu
eru nú minni en nokkru
sinni síðustu 70 árin. Við
þessar aðstæður eru Ís-
lendingar ekki á leið út
úr kreppunni.
Helgi Magnússon
Höfundur er formaður Samtaka iðn-
aðarins og stjórnarmaður í Sam-
tökum atvinnulífsins.
Hagvaxtarstefna og atvinnuleið
Umræður á Alþingi Ögmundur Jónasson innanríkisráðherra flutti í gærmorgun skýrslu um þá ákvörðun Hæstaréttar að ógilda kosningu til stjórnlagaþings vegna annmarka. Í kjölfarið fylgdu
miklar og langar umræður þingmanna á Alþingi en flestir ráðherrar virtust láta sér fátt um finnast og voru ekki þaulsætnir heldur brugðu sér frá um stund.
Kristinn