Morgunblaðið - 09.03.2011, Blaðsíða 10
Smálúða er frábært hráefni og í
þessari uppskrift frá Sigurði Gísla-
syni er hún léttelduð og borin fram
með hægsoðnu eggi.
4 smálúðuflök
½ búnt kerfill
½ búnt steinselja
½ búnt hundasúrur (eða samsvar-
andi af spínati)
½ bolli ólífuolía
1 stk. sítróna
salt og sykur
4 egg
sítrónusafi eða edik
Aðferð: Smálúðuflakið er hreins-
að og roðrifið. Sáldrið smá salti og
Uppskriftin
Smálúða með fennelsalati
og hægsoðnu eggi
Kristín Heiða Kristinsdóttir
khk@mbl.is
Krakkarnir fengu hana gef-ins austur á landi þegarvið vorum þar á ferð ísumar. Þar á bæ þótti
ekki mikið mál að eiga önd sem
gæludýr þá maður byggi í Reykjavík
svo úr varð að krakkarnir fengu
ungan með sér suður, þó mér litist
nú ekkert sérstaklega vel á það í
byrjun,“ segir Ragnhildur Sveins-
dóttir andamamma en í garðinum
hennar í höfuðborginni býr öndin
Andrés önd sem oftast er kölluð
Addi.
„Hann hefur unað sér vel hér í
garðinum þar sem hann er með
sundlaug sem nágranninn færði
honum og sérstakt búr fyrir sig.
Hann hefur stækkað mikið og er ein-
staklega barngóður, gæfur og
skemmtilegur.“
Börnin hennar Ragnhildar
skjóta því inn í að öndin hafi fengið
nafnið Andrés önd strax í bílnum á
leiðinni í bæinn en sé alltaf kölluð
Addi. „Við vitum ekki hvort þetta er
karl eða kerling, en ef hún er kven-
kyns þá heitir hún Andrésína og
væri kölluð Addí,“ segja krakkarnir
sem eru dugleg að leika við Adda
þegar þau eru heima en hann er allt-
af laus úti í garðinum.
„Hann hefur lært að fara ekki
út úr garðinum. Það var auðvelt að
kenna honum, við rákum hann bara
alltaf á bakvið hús ef hann fór fram
fyrir róluna sem hangir hér í tré og
nú fer hann aldrei út fyrir þau mörk.
Þetta er greind og skemmtileg
skepna,“ segir Ragnhildur og bætir
við að hann hlýði líka kalli – ef þau
fara út í glugga og kalla: „Komdu
Addi,“ þá kemur hann strax hlaup-
andi.
Er góður vinur kattarins
Ragnhildur fer stundum út að
ganga með Adda í bandi og hefur
leyft honum að trítla með sér út í
hverfisbúðina. Og ef hún tekur hann
í fangið þá á hann það til að klifra
upp á öxlina á henni eins og páfa-
gaukur, svo hann fái nú betri yfir-
sýn. „Hann er sennilega hændastur
að mér en hann hefur gaman að því
að leika við krakkana og þau hafa
farið með hann á skólalóðina til að
sýna vinum sínum.“
Addi er mjög yfirvegaður og
lætur fátt koma sér úr jafnvægi.
Hann hefur samlagast öðrum dýrum
mjög vel, til dæmis leikur hann sér
við köttinn Monster sem býr á heim-
ilinu. „Fyrst þegar Addi kom þá ætl-
aði kötturinn aldeilis í hann og hljóp
á eftir honum og sló til hans með
framlöppunum. En fljótlega snerist
leikurinn við og öndin elti köttinn.
Síðan hafa þeir verið góðir vinir.
Adda er líka alveg sama þó það komi
ókunnir kettir í garðinn eða jafnvel
hundar, hann kippir sér ekkert upp
við það.“
Þarf klapp og kjass
Addi er ekki matvandur. Hann
étur andafóður en líka brauð, kart-
Andrés önd er félagsvera
Hann er alnafni teikni-
myndapersónu sem flestir
kannast við en sennilega
mun geðbetri. Addi, eins
og hann er oftast kallaður,
er gæludýr fjölskyldu í
Reykjavík og einstaklega
barngóður og blíður.
Morgunblaðið/Ómar
Höfðingi Andrés önd er einstaklega virðulegur og lætur kafasnjó ekkert á sig fá þegar hann spásserar.
Klapp Leónóra og Sylvía knúsuðu Adda alveg í spað þar til hann fékk nóg.
Kapp Þeir sem eru of seinir til enda kannski bara í skottinu.
Flestir kannast við að hafa einhvern
tímann hrópað Shotgun! þegar halda
á í bíltúr, en samkvæmt reglunni
tryggir sá sem fyrstur er til að kalla
orðið sér sæti við hlið bílstjórans.
Sæti sem sumir vilja meina að sé
það eftirsóttasta í bílnum. Fyrir þá
sem vilja taka kappleik þennan alvar-
lega eru til ýmsar reglur um hann
sem lesa má um á shotgun-
rules.com. Þar segir meðal annars
um reglur leiksins að til að kall þitt
sé tekið gilt þurfi í fyrsta lagi ein-
hver að heyra til þín. Sumir kjósa
líka að hafa þá reglu að allir farþegar
séu komnir út undir bert loft áður en
kallað er. Skóreglan er líka mikilvæg.
Hún segir til um að það sé ekki nóg
að grípa skóna sína og hoppa út. Þú
verður að vera komin/n í skóna til að
mega kalla Shotgun! Önnur regla
kallast hindrunin. Hún felur í sér að
ef sá sem hefur borið sigur úr býtum
tekur í handfangið á meðan verið er
að taka bílinn úr lás þannig að dyrn-
ar opnist ekki missir hann réttinn og
fær meira að segja ekki að koma
með í þá ferð. Þá er komið að hinum
farþegunum að vera snarir í snún-
ingum, hrópa Shotgun! og tryggja
sér sætið. Fleiri slíkar reglur á létt-
um nótum má kynna sér á vefsíðunni
svo og söguna á bak við kappleik
þennan.
Vefsíðan www.shotgunrules.com
Fyrir þá sem taka kappleikinn
um framsætið alvarlega
10 DAGLEGT LÍF
MORGUNBLAÐIÐ MIÐVIKUDAGUR 9. MARS 2011
Það getur haft ótrúlega mikið að
segja að klæða sig upp á þó að ekkert
sérstakt tilefni sé til þess. Ef skapið
er kannski ekki upp á sitt besta má
lyfta því dálítið upp með litum og
glingri. Nú fer að líða að vori þó enn
sé snjór úti og því um að gera að fara
að fela svörtu fötin og taka eitthvað
litríkara fram. Til að byrja með er líka
fínt að blanda þessu tvennu saman.
Það er ekkert mjög auðvelt að ætla
sér að spígspora um í fínum hæla-
skóm í þessu veðri en það má alltaf
taka þá með í poka og skipta úr
bomsunum þegar maður er kominn í
vinnuna. Fín skyrta á strákana og
flottar leggings eða pils á stelpurnar
lífga líka upp á hversdagsleikann.
Endilega…
…klæðið ykkur upp á og verið
fín alveg að tilefnislausu
Litagleði Lífgaðu upp á hversdags-
leikann með skemmtilegum fötum.
Nú virðist sem æ algengara verði að
fólk borði kvöldmatinn fyrir framan
tölvuna. Í grein á vefsíðu breska
dagblaðsins Guardian segir að rann-
sókn hafi leitt í ljós að 60% Breta
hafi borðað kvöldmatinn fyrir fram-
an tölvuskjáinn. Þetta þykir leiða
líkur að því að tölvumáltíðir muni
koma í stað svokallaðra sjónvarps-
máltíða í framtíðinni. Af þeim 2000
manns sem tóku þátt í könnuninni
borðaði meira en fimmti hluti þeirra
þegar allar máltíðir fyrir framan
tölvuna. Þá sögust 15% horfa á
sjónvarpið í tölvunni á meðan þeir
borðuðu og þriðjungur hópsins
sagðist vera líklegri til að borða fyr-
ir framan tölvuna en sjónvarpið.
Loks sögðust 23% hafa skipt tölv-
unni út fyrir sjónvarpið sem afþrey-
ingartæki heimilisins. Miðað við
þetta er hluti bresku þjóðarinnar í
það minnsta byrjaður að tölvuvæð-
ast svo um munar. Nú er spurning
hvort sjónvarpsmáltíðirnar sívinsælu
séu við að detta úr tísku.
Matur og mataræði
Æ fleiri Bretar borða kvöld-
matinn fyrir framan tölvuna
Tíska Skyldi tími sjónvarpsmáltíðanna vinsælu vera liðinn?
Skannaðu kóðann
og horfðu á myndband
með skemmtilegum
matreiðsluþætti
Kitlaðu
bragðlaukana Skannaðu hérna
til að sækja
6
B
arcode
Scanner
Sjáðu
myndband!