Morgunblaðið - 09.03.2011, Blaðsíða 30

30 FRÉTTIRErlent
MORGUNBLAÐIÐ MIÐVIKUDAGUR 9. MARS 2011
Mikill mannfjöldi fylgdist með hinum hefð-
bundnu skrúðgöngum, sem hófust á mánudag
og lauk snemma í gærmorgun, á leikvanginum
Sambadrome á kjötkveðjuhátíðinni í Ríó. Salgu-
varlega en knattsp
munu hafa komið
bæst í hóp íbúanna
þúsund lögreglum
eiro-sambaskólinn gerði foldgnátt líkan af King
Kong með Empire State-bygginguna í fanginu.
Veitt eru verðlaun fyrir bestu frammistöðuna í
göngunni og mun keppnin ekki síður tekin al-
Mögnuð skrautsýning sett á svið
Lars Løkke Rasmussen, forsætis-
ráðherra Danmerkur, rak í gær
Birthe Rønn Hornbech úr embætti
ráðherra málefna innflytjenda og
kirkjumála.
Rønn varð að falli að ráðuneyti
hennar braut lög og gekk gegn
tveimur sáttmálum Sameinuðu þjóð-
anna þegar það neitaði að minnsta
kosti 24 ungum Palestínumönnum
án ríkisfang um ríkisborgararétt.
Samkvæmt barnasáttmálanum og
réttindasáttmála SÞ frá 1961 eiga
ungmenni án ríkisfangs sem fædd
eru í Danmörku rétt á að verða ríkis-
borgarar og gildir þá einu þótt þau
uppfylli ekki kröfur um til dæmis
tungumálakunnáttu og þekkingu á
danskri menningu. Ráðuneyti Rønn
vissi að brotið hefði verið gegn þess-
um sáttmálum en aðhafðist ekki í
heilt ár eftir að það uppgötvaðist.
Við af Rønn tekur Søren Pind,
sem bloggaði 2008 að hann „nennti
ekki að hlusta á meira mas um aðlög-
un“ innflytjenda. Þá hættir Tine Ne-
dergård menntamálráðherra af per-
sónulegum ástæðum og Troels Lund
Poulsen hættir sem skattamálaráð-
herra og tekur við menntamálunum.
Per Stig Møller menningarmálaráð-
herra bætir við sig kirkjumálunum.
Peter Christensen úr Venstre verð-
ur skattamálaráðherra.
Ráðherra-
kapall í Kaup-
mannahöfn
 Ráðherra innflytjendamála rekinn
Lars Løkke
Rasmussen
Birthe Rønn
Hornbech
Franskur dómstóll frestaði í gær
réttarhöldum á hendur Jacques
Chirac, fyrrverandi forseta Frakk-
lands, sem gefið er að sök að hafa
dregið sér fé þegar hann var borg-
arstjóri í París á tíunda áratug lið-
innar aldar og notað féð til að
borga starfsmönnum flokks síns.
Dominique Pauthe dómari sagði
að málflutningur yrði stöðvaður til
þess að kanna mætti hvort stæðist
stjórnarskrá að taka fyrir tiltekin
ákæruatriði þrátt fyrir að næstum
tveir áratugir væru liðnir frá því
að brotin ættu að hafa verið fram-
in.
Chirac var borgarstjóri í París
frá 1977 til 1995 og forseti frá
1995 til 2007. Chirac hefur sagt að
sú spilling, sem lýst er í ákærunni
á hendur sér, hafi átt sér stað, en
hann hafi ekki vitað af henni.
Chirac er fyrsti forseti Frakk-
lands, sem dreginn er fyrir dóm,
frá því Philippe Pétain marskálkur
var dæmdur fyrir landráð eftir
heimsstyrjöldina síðari.
kbl@mbl.is
Réttarhöldum yfir
Chirac frestað
 Kanna hvort standist stjórnarskrá
Bogi Þór Arason
bogi@mbl.is
Vaxandi stuðningur er við tillöguna
um að sett verði flugbann yfir Líbíu
til að koma í veg fyrir frekari blóðs-
úthellingar og stöðva loftárásir á
yfirráðasvæði uppreisnarmanna.
Framkvæmdastjóri OIC, sam-
taka múslímaríkja, Ekmeleddin Ihs-
anoglu, sagði þau styðja tillöguna.
„Við tökum undir beiðnina um flug-
bann yfir Líbíu og hvetjum öryggis-
ráð Sameinuðu þjóðanna til að gera
skyldu sína í því máli,“ sagði Ihs-
anoglu á fundi 57 aðildarríkja sam-
takanna um málið. Hann lagði þó
áherslu á að samtökin legðust gegn
hvers konar íhlutun sem fæli í sér
landhernað í Líbíu.
Áður hafði samstarfsráð sex
Persaflóaríkja, m.a. Bareins og Óm-
ans, hvatt öryggisráð Sameinuðu
þjóðanna til að „gera allar nauðsyn-
legar ráðstafanir til þess að vernda
borgarana, m.a. setja flugbann yfir
Líbíu“.
Utanríkisráðherrar aðildarríkja
Arababandalagsins ætla að koma
saman í Kaíró á laugardag til að
ræða tillöguna um flugbann yfir
Líbíu og fleiri ráðstafanir til að
vernda íbúa landsins. Arababanda-
lagið hafnaði í vikunni sem leið hvers
konar hernaðaríhlutun í Líbíu en
Alain Juppe, utanríkisráðherra
Frakklands, sagði í fyrradag að leið-
togar bandalagsins væru nú hlynntir
því að öryggisráðið samþykkti flug-
bann.
Stjórnarerindrekar sögðu að
Bretar og Frakkar hygðust leggja
fram tillögu um flugbann í öryggis-
ráðinu síðar í vikunni eða í næstu
viku. Líklegt þykir þó að Kínverjar
og Rússar, sem eru með neitunar-
vald í ráðinu, leggist gegn flugbanni.
Bandarísk stjórnvöld segjast
vera að íhuga möguleikann á flug-
banni en hafa bent á að til að fram-
fylgja því þurfi fyrst að gera loft-
árásir á loftvarnastöðvar Líbíuhers.
Treg til að senda vopn
Áhrifamiklir þingmenn og fyrr-
verandi embættismenn í Was-
hington hafa hvatt Bandaríkjastjórn
til að sjá uppreisnarmönnum í Líbíu
fyrir vopnum en hún virtist í gær
vera treg til að vopna uppreisnar-
hreyfingar sem lítið er vitað um.
Talsmaður Bandaríkjaforseta sagði
að of snemmt væri að ræða þann
möguleika að senda uppreisnar-
mönnunum vopn. Robert Gates,
varnarmálaráðherra Bandaríkjanna,
sagði að líklega þyrfti öryggisráð SÞ
að samþykkja slíka íhlutun.
Willam Hague, utanríkisráð-
herra Bretlands, sagði að stuðningur
arabalanda og Afríkuríkja skipti
sköpum um það hvort flugbann yrði
sett yfir Líbíu og líklega þyrfti
ástandið í landinu að versna til að
samstaða næðist um bannið. Hague
sagði að öryggisráð Sameinuðu þjóð-
anna þyrfti að samþykkja flugbannið
með sérstakri ályktun og bandarísk
stjórnvöld eru á sama máli.
Anders Fogh Rasmussen, fram-
kvæmdastjóri Atlantshafsbanda-
lagsins, lagði áherslu á að flugbann
kæmi ekki til greina án samþykkis
öryggisráðsins. „Ég get ekki ímynd-
að mér að Sameinuðu þjóðirnar sitji
aðgerðalausar ef Gaddafi og stjórn
hans halda áfram árásum sínum á
eigin þjóð,“ sagði hann.
Stuðningsmenn tillögunnar um
flugbann segja slíka íhlutun rétt-
lætanlega og nauðsynlega vegna
þess að öryggisráði Sameinuðu þjóð-
anna beri skylda til að vernda íbúa
Líbíu.
Flugbann var sett yfir suður-
hluta Íraks eftir fyrri Persaflóa-
Aukinn stuðningur við flugbann
 Samstaða um að öryggisráð Sameinuðu þjóðanna myndi þurfa að samþykkja flugbann yfir Líbíu
 Arabaríki við Persaflóa og samtök múslímaríkja hlynnt því að öryggisráðið samþykki flugbann
200 km
LOFTÁRÁSIR OG ÁTÖK Í LÍBÍU
L Í B Í A
Heimildir: Reuters, World Energy Atlas
Bin Jawad Öryggis-
sveitir Gaddafis komu
skriðdrekum fyrir nálægt
bænum eftir að hafa náð
honum á sitt vald
Zawiyah Liðsmenn
Gaddafis umkringdu
bæinn og gerðu
sprengjuárásir á hann
Ras Lanuf Herþotur
Gaddafis héldu áfram
loftárásum á olíubæinn í
gær til að stöðva sókn
uppreisnarmanna í vestur
Sirte
Sarir
Tobruk
Ajdabiyah
Brega
Sabratha
Tripolí
Nalut
Zuara
Misrata
Benghazi
TÚ
N
IS
EG
Y
P
TA
LA
N
D
Miðjarðarhaf
Á valdi uppreisnarmanna Óljós staðaÁ valdi stjórnarinnarOlíusvæði Leiðslur
Hörð átök
» Flugher Líbíu gerði í gær
nokkrar loftárásir á olíubæinn
Ras Lanuf. Meðal annars var
flugskeyti skotið á íbúðahverfi
en ekki var skýrt frá mannfalli í
þeirri árás.
» Hörð átök geisuðu einnig
milli uppreisnarmanna og
stuðningsmanna Muammars
Gaddafis milli Ras Lanuf og
bæjarins Bin Jawad.
Milljónir manna tóku þátt í glaumi og gleði á vel vaktaðri kjötkveðjuhátíð í Ríó de Jane