Morgunblaðið - 05.04.2011, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 5. APRÍL 2011
* Tölur frá framleiðanda
Árgerð 2006, ekinn 82000 km, beinskiptur, díselvél, fjórhjóladrifinn.
Ásett verð 2.750.000 kr.
Eyðsla 5,2l í blönduðum akstri/100 km.*
Passat TDi 4motion
HEKLA
NOTAÐIR
BÍLAR
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Kjartan Kjartansson
kjartan@mbl.is
Eftirspurn eftir öðrum kannabisefn-
um en maríjúana, eins og hassi, hefur
dregist saman með auknu framboði af
maríjúana á Íslandi. Þetta segir Karl
Steinar Valsson, yfirmaður fíkniefna-
deildar lögreglunnar á höfuðborgar-
svæðinu. „Þetta er að verða algeng-
asta fíkniefnið í dag en það sem er
sérstakt við Ísland er að framboð og
eftirspurn eftir öðrum kannabisafurðum hefur dottið nið-
ur við ræktunina hér. Það er eins og öll neyslan hafi færst
yfir í maríjúana,“ segir Karl, sem var meðal fyrirlesara á
málþingi í Rimaskóla í gær um forvarnir. Hann segir að
árið 2008 hafi orðið alger sprenging í framleiðslu á marí-
júana og ekkert lát hafi orðið á henni síðan. Þá hafi hópar
sem hafi verið búnir að ná góðum tökum á ræktuninni
byrjað að framleiða plöntuna í stórum stíl.
Eygja gróðavon í framleiðslunni
„Framleiðslan jókst mikið og fór yfir í sérstakt iðn-
aðarhúsnæði. Síðan færðist hún aðeins út á land og eitt-
hvað út í íbúðarhverfi. Nú virðist hún vera aftur að þróast
út í sérstakt húsnæði eða jafnvel íbúðir sem eru alveg
lagðar undir þetta,“ segir Karl. Á hverju ári hafi lögregla
tekið á bilinu 60-80 framleiðslustaði, langflesta á höf-
uðborgarsvæðinu.
Þá hafi miklir fjármunir verið settir í framleiðsluna á
maríjúana og það gefi vísbendingu um það að menn ætli
sér að hafa mikla peninga upp úr ræktuninni.
Svo virðist sem menn hafi reynt að koma upp nýjum
hópum neytenda, þar á meðal í efstu bekkjum grunn-
skóla og meðal menntaskólanema. Ekki séu vísbendingar
um að farið hafi verið neðar , segir Karl Steinar.
Maríjúana dregur úr eftir-
spurn eftir öðrum efnum
 Nýir neytendur meðal annars í efstu bekkjum grunnskóla
Karl Steinar
Valsson
Fyrst
kvenna í
embættið
Innanríkisráð-
herra skipaði í
gær Sigríði J.
Friðjónsdóttur í
embætti ríkis-
saksóknara og
tekur hún við af
Valtý Sigurðs-
syni, sem lét af
störfum 1. apríl
síðastliðinn. Sig-
ríður er fyrsta konan sem skipuð
er í embætti ríkissaksóknara en áð-
ur hafa gegnt því sex karlar.
Sigríður gegndi áður embætti
vararíkissaksóknara en óskaði eftir
leyfi frá þeim störfum síðastliðið
haust þegar henni var falið emb-
ætti saksóknara Alþingis vegna
ákæru á hendur Geir H. Haarde,
fyrrum forsætisráðherra, fyrir
Landsdómi.
Þrjár leiðir í stöðunni
Ekki liggur fyrir hvort Sigríður
muni bæði gegna embætti ríkis-
saksóknara og saksóknara Alþingis
samtímis og er það í skoðun, að
hennar sögn. Þrír möguleikar séu í
stöðunni í þeim efnum; að sinna
hvoru tveggja, sinna eingöngu
embætti ríkissaksóknara eða ein-
göngu embætti saksóknara Alþing-
is. hjorturjg@mbl.is
Sigríður J.
Friðjónsdóttir
 Sigríður skipuð
ríkissaksóknari
Kristján Jónsson
kjon@mbl.is
Björgunarsveitarmaðurinn Gísli Rafn Ólafsson er
nú kominn til Japans en þar mun hann veita að-
stoð við fjarskipti og upplýsingatækni í tengslum
við hjálparstarfið á hamfarasvæðunum. Gísli, sem
hefur langa reynslu af björgunarstörfum og var
m.a. í íslensku rústabjörgunarsveitinni á Haítí í
fyrra, vinnur nú fyrir samtökin NetHope með að-
setur í Sviss. Samtökin eru regnhlífarsamtök um
30 öflugustu hjálparsamtaka heims.
Gísli vann áður hjá hugbúnaðarrisanum Micro-
soft víða um heim. Hann verður í Japan til 12.
apríl, er með bækistöð í Tókýó en heldur til
sjálfra hamfarasvæðanna í norðausturhluta
landsins síðar í vikunni.
Samkvæmt opinberum tölum eru liðlega 12.000
látnir og 15.500 enn saknað eftir jarðskjálftann og
flóðbylgjuna. Um 160.000 heimilislausir búa enn í
bráðabirgðabúðum og enn er stórt svæði um-
hverfis kjarnorkuverið í Fukushima svo hættu-
legt að leit hefur verið hætt þar í bili vegna geisl-
unar. En Gísli segir að manntjónið hefði í ýmsum
löndum orðið margfalt meira ef svo miklar ham-
farir hefðu orðið þar. Japanar hafi verið vel und-
irbúnir og þegar sé margt að komast í lag, þannig
sé símakerfið að komast í lag á hamfarasvæðinu.
Mikið hafi verið af öldruðu fólki á svæðunum
sem verst urðu úti, unga fólkið hafi lengi streymt
þaðan og sæki í stórborgirnar. En gamla fólkið
neiti oft að flytja, einnig af svæðum við kjarn-
orkuverið.
„Fólkið er ekki þvingað til að fara og því finnst
ekki taka því og spyr: „Af hverju á ég að vera að
rífa mig upp frá stað þar sem ég hef búið alla
mína ævi? Á ég að deyja á nýjum stað eftir 10 ár,
fimm ár?“ Mér skilst að það sjáist víða ljós í hús-
um og húsarústum langt inni á hættusvæðinu.“
Víða hafa innviðir eyðilagst og starfsmenn
sveitarfélaga farist. „En þeir hafa verið mjög
duglegir við að fá sveitarstjórnarfólk „að láni“ frá
héruðum sem ekki urðu fyrir tjóni. Það er mikill
samhjálparandi þarna. Maður sér þetta í Tókýó.
Hér er skortur á rafmagni en þar hefur ekki
þurft að loka alveg fyrir það vegna þess að fólk
hefur verið svo duglegt að minnka notkunina. En
menn kvíða sumarhitunum vegna þess að þá þarf
loftkælingu og það tekur nokkra mánuði að laga
rafmagnsástandið hérna,“ sagði Gísli Rafn Ólafs-
son.
Vilja deyja í sinni heimabyggð
 Gísli Rafn Ólafsson segir gamalt fólk á hamfarasvæðunum í Japan oft neita að
flytja frá sinni heimabyggð þótt hún sé í rúst og geislavirkni frá Fukushima ógni
Þjálfaður Gísli Rafn Ólafsson sem
nú sinnir hjálparstarfi í Japan.
„Ég tel rétt að
ráðuneytið svari
fyrirspurn minni
með hefðbundn-
um hætti, þ.e. í
þinginu en ekki í
fjölmiðlum,“ seg-
ir Björn Valur
Gíslason, þing-
maður VG, í
skriflegu svari til
Morgunblaðsins
við fyrirspurn um hvort það sé hon-
um að meinalausu að Steingrímur
J. Sigfússon fjármálaráðherra svari
blaðinu á undan þinginu varðandi
kostnað ríkisins vegna Icesave-
samninganefndanna. Björn Valur
svaraði blaðinu ekki símleiðis í gær.
Spurt var í tilefni orða fjár-
málaráðherra að það væri „sjálf-
sögð kurteisi“ við Björn og Alþingi
að svar hans kæmi fyrst fram þar.
Ráðherra hefur neitað bæði Morg-
unblaðinu og RÚV um svör um
kostnað samninganefndanna.
Ráðuneyti svari
fyrst í þinginu
Björn Valur
Gíslason
Nú þegar sólin hækkar óðum á lofti gefst betra tæki-
færi til heilsusamlegrar útivistar. Laugardalurinn iðaði
af mannlífi í gær er ljósmyndari Morgunblaðsins átti
þar leið um. Fólk var á göngu, hlaupum og hjólum og
þessi gáfu sér tíma til að spjalla meðan farið var gegn-
um Laugardalinn.
Morgunblaðið/Ómar
Hjólað og hlaupið í Laugardalnum
Fyrirtækið IFEX hefur ákveðið að
innkalla Iceland Pet þurrfóður
handa gæludýrum vegna ábend-
inga frá Matvælastofnun. Í tveimur
sýnum af þurrfóðri fannst svonefnd
cyanuric-sýra í litlu magni. Í var-
úðarskyni hefur sala fóðursins ver-
ið stöðvuð þar til niðurstöður frek-
ari rannsókna liggja fyrir.
Hunda- og kattaeigendum, sem
kunna að eiga þetta gæludýrafóður
í fórum sínum, er bent á að skila því
í næstu verslun Bónuss gegn endur-
greiðslu, segir í tilkynningu.
Innkalla dýrafóður