Morgunblaðið - 14.05.2011, Síða 20

20 FRÉTTIRInnlent
MORGUNBLAÐIÐ LAUGARDAGUR 14. MAÍ 2011
Dagskrá
Utanríkisráðuneytið, í samvinnu við Alþjóðamálastofnun HÍ,
Alþjóðlegan jafnréttisskóla HÍ (GEST) og Þróunarsamvinnustofnun
Íslands (ÞSSÍ), kynnir skýrslu FAO um fæðumál, landbúnað og
stöðu kvenna.
Mánudaginn 16.maí frá kl. 14 til 16
í fyrirlestrarsal Þjóðminjasafnins, Suðurgötu 41
KONUR OG
FÆÐUÖRYGGI
Skýrsla Matvæla- og landbúnaðarstofnunar
Sameinuðu þjóðanna (FAO)
Á fundinum verður enskri samantekt skýrslunnar dreift ókeypis.
Hermann Örn Ingólfsson, sviðstjóri þróunarsamvinnusviðs utanríkisráðuneytisins ávarpar fundinn.
Dr. Marcela Villarreal, yfirmaður kynja- og jafnréttisdeildar FAO, kynnir skýrsluna.
Irma Erlingsdóttir, framkvæmdastjóri GEST og EDDU - öndvegisseturs: „Women and the Politics
of Development.”
Pallborðsumræður að erindum loknum:
Dr. Marcela Villarreal, FAO.
Dr. Grímur Valdimarsson, fyrrv. yfirmaður fiskiðnaðarsviðs FAO.
Dr. Hafdís Hanna Ægisdóttir, forstöðumaður Landgræðsluskóla Háskóla Sameinuðu þjóðanna.
Dr. Sigríður Þorgeirsdóttir, prófessor HÍ og stjórnarformaður GEST.
Þórdís Sigurðardóttir, skrifstofustjóri Þróunarsamvinnustofnunar (ÞSSÍ).
Fundarstjóri: Guðni Bragason, fastafulltrúi hjá FAO.
The State of Food and Agriculture
Women in Agriculture – Closing the Gender Gap for Development
Um helgina stendur Skógræktar-
félag Reykjavíkur í annað sinn fyrir
vormarkaði á Elliðavatni. Opið
verður kl. 10-18 á laugardag og
sunnudag.
Á laugardeginum er opin hesta-
leiga þar sem teymt er undir börn-
um. Þá verður kynning á stafgöngu
á vegum ÍSÍ og síðdegis verður
Vorblót á Vatni á vegum ásatrúar-
manna. Fuglavernd og Ferðafélag
Íslands verða með kynningu á
starfsemi sinni, Félag tré-
rennismiða verður með sölusýn-
ingu og kennt verður að kasta
flugu. Þá mun Skógræktarfélagið
hafa margskonar varning til sölu.
Vormarkaður hald-
inn á Elliðavatni
Svæfinga- og gjörgæsludeild á
Landspítala, Fossvogi hefur að
undanförnu fengið rausnarlega
styrki frá Hringskonum og Actavis.
Kvenfélagið Hringurinn styrkti
deildina til kaupa á vöktunartækj-
um á barnavöktum ásamt súrefnis-
mettunarmælum sem einnig gefa
kost á að fylgjast með breytingum á
blóðrauða við blæðingu og kolmón-
oxíði við reykeitrun.
Þá styrkti Actavis kaup á blöðru-
ómtæki sem nýtist fyrst og fremst á
vöknun en einnig á svæfingu og
gjörgæslu þegar við á. Hefur tækið
meðal annars verið notað til að
fylgjast með þvagmagni í blöðru til
að komast hjá uppsetningu þvag-
leggs eftir lágskammtamænudeyf-
ingar með góðum árangri.
Hringurinn og Actavis samein-
uðust svo í kaupum á barkaþræð-
ingartæki sem auðveldar erfiðar
barkaþræðingar. Tækið varpar
mynd af barkaþræðingunni á skjá
sem jafnframt auðveldar kennslu
þeirra sem eru að læra barkaþræð-
ingu.
Actavis og Hring-
urinn færa gjafir
Í dag, laugardag, munu Háskóli Íslands og
Ferðafélag Íslands bjóða áhugasömum upp á
spennandi gönguferð um gósenland fjör-
unnar, en ferðin er tilvalin fyrir alla fjöl-
skylduna. Ráðlegt er að mæta í stígvélum og
hafa með sér plastpoka undir þang og skeljar.
Allir sem hafa áhuga eru velkomnir. Ferðin
er ókeypis og hentar fólki á öllum aldri.
Lagt verður af stað frá Bessastaðakirkju kl. 11:00. Guðrún Hallgríms-
dóttir verkfræðingur og Konráð Þórisson fiskifræðingur munu leiða
gönguna, huga að fjörunytjum og rifja upp þýðingu þangs, fjörudýra og
fjörugróðurs í fæðunni. Litið verður eftir margæsum og öðrum farfuglum
áður en haldið verður að stað til fjörunnar við Hrakhólma (sameinast
verður um bíla). Þar verður rölt um og hugað að ýmsu matarkyns, en fé-
lagar úr félaginu „Matur - saga - menning“ munu taka þátt í göngunni og
miðla fróðleik.
Ókeypis göngutúr í fjörunni á Álftanesi
Í dag, laugardaginn 14. maí, verður
haldin sumarhátíð í Grafarholti.
Þessi hátíð er haldin fyrir íbúa
Grafarholts og Úlfarsárdals.
Boðið verður upp á fjölbreytta
dagskrá á sumarhátíðinni. Hún
hefst kl. 10:00 með Fram-hlaupi og
lýkur með dagskárlið sem hefst kl.
15:00 en það er veiðikeppni við
Reynisvatn.
Sumarhátíð haldin
í Grafarholti í dag
STUTT
Ásgeir Ingvarsson
ai@mbl.is
Straumur göngufólks mun liggja
upp á Hvannadalshnjúk um
helgina. Einar Ísfeld leiðsögu-
maður og stjórnandi Jöklamanna
(e. Glacier Guides) segir þetta
fyrstu stóru ferðahelgina á Öræfa-
jökli.
„Bara á okkar vegum eru um
130 manns eða 18 línur á leið upp á
jökulinn. Síðustu ár og áratugi hef-
ur orðið mikil sprenging í áhuga á
fjalla- og jöklaferðum, og Íslend-
ingar eru að breytast í mikla fjalla-
dýrkendaþjóð,“ segir hann og bæt-
ir við að áhuginn sé mjög
almennur.
Það skemmtilega að öll fjöl-
skyldan er að taka þátt í þessu
„Eitt það skemmtilegasta við þá
þróun sem við sjáum er að öll fjöl-
skyldan tekur þátt í þessu sporti.
Foreldrarnir spreyta sig á því sem
er meira krefjandi en taka börnin
með sér í léttari gönguhópa og eru
að búa til nýja kynslóð með útivist-
arþrá.“
Páll Ásgeir Ásgeirsson hjá
Ferðafélagi Íslands heldur utan um
stærsta leiðangur helgarinnar en
hann spáir að í allt verði á bilinu 3-
400 manns á jöklinum, á vegum
ýmissa aðila. „Á okkar vegum fer
annars vegar minni hópur á Þver-
ártindsegg og síðan stór skari á
Hvannadalshnjúk. Síðarnefndi hóp-
urinn hefur í vetur tekið þátt í
verkefninu Eitt fjall á viku og
markar ferðin vissan hápunkt í því
starfi.“
Páll tekur í sama streng og Ein-
ar og segir áhugann á fjallgöngum
mikinn og almennan. „Hópurinn
sem heldur upp á Hvannadalshnjúk
nú er þverskurður af samfélaginu.
Þar er að finna allskonar fólk, úr
öllum stéttum og á öllum aldri.“
Aðalferðatíminn upp á jökulinn
er frá maí og út júní. Þá er jökull-
inn vel fær og sprungur fullar af
snjó svo hættulítið er að ferðast yf-
ir. Þegar líður á sumarið bráðnar
snjórinn, sprungurnar koma í ljós
og ekki nema á færi vanra manna
að bjóða jöklinum birginn.
Ekki léttur leikur
Og jafnvel þótt jökullinn þyki
nokkuð greiðfær á þessum tíma árs
er ekki þar með sagt að það sé
léttur leikur fyrir göngufólkið að
komast upp á hæsta tind landsins.
„Ferð eins og þessi þarfnast
langs undirbúnings og göngufólkið
þarf að vera vel á sig komið,“ segir
Páll. „Fólkið þarf að ganga um 25
km vegalengd og um 2.000 metra
hækkun á leiðinni.“
Fyrsta stóra helgin á hnjúkunum
 Reikna má með um 3-400 manns á Öræfajökli um helgina á vegum ýmissa aðila
 Vaxandi áhugi á göngum á fjöll og jökla en mikilvægt að kunna viss undirstöðuatriði
Á efsta tindi Einn af mörgum hópum Ferðafélagsins á toppi Hvannadalshnjúks síðasta sumar.
Páll Ásgeir Ásgeirsson fararstjóri er fremstur. Ekki léttur leikur að fara á tindinn, segir hann.
Einar Ísfeld segir Íslendinga alla
jafna gera sér vel grein fyrir að
sýna þurfi aðgát og skynsemi
þegar haldið er af stað í fjall-
gönguleiðangur.
„Það eru ákvðein grunnatriði
sem fólk þarf að kunna og æfa
áður en haldið er af stað. Ef t.d.
leiðin liggur um sprungusvæði
þarf að kunna björgun úr
sprungu og kunna að lesa í
snjóalög. Allt eru þetta atriði
sem þarf að æfa vel svo allt
gangi fumlaust fyrir sig ef eitt-
hvað kemur upp á.“
Aðgát og
skynsemi
HÆTTUR Á LEIÐINNI