Morgunblaðið - 01.09.2011, Page 17

FRÉTTIR 17Innlent
MORGUNBLAÐIÐ FIMMTUDAGUR 1. SEPTEMBER 2011
Dagana 3.-6. september nk. verður
haldið í samvinnu við Háskólann á
Akureyri sjötta alþjóðlega Rann-
sóknaþing norðursins – Northern
Research Forum – NRF. Þar koma
saman tugir sérfræðinga frá Norð-
urlöndunum, Kanada, Bandaríkj-
unum, Rússlandi, Kína, Indlandi og
Nepal og verða þátttakendur einn-
ig frá fleiri löndum. Þingið er að
þessu sinni haldið á Hótel Örk í
Hveragerði.
Rannsóknaþingið mun marka
tímamót því þar koma saman í
fyrsta sinn sérfræðingar og fulltrú-
ar frá löndum á norðurslóðum og
ríkjum á Himalajasvæðinu til að
fjalla um bráðnun íss og jökla og
áhrif þess á heimsbyggð alla.
Fólk getur skráð sig á heimasíðu
NRF, www.nrf.is.
Ís Fjallað um bráðnun á rannsóknarþingi.
Bráðnun íss og jökla
Fimmtudaginn 1. september hefst
vetrarstarf Heilaheilla með reglu-
legum félagsfundum, hópum og
ýmsum uppákomum. Félagið verð-
ur með fasta viðveru á Grensás-
deild, alla fimmtudaga frá kl. 14:00-
16:00. Allir slagþolendur og að-
standendur þeirra geta aflað sér
upplýsinga um félagið á þessum
tíma og gildir einu hvort þeir eru í
meðferð á deildinni eða ekki. Þeir
Björn Sævar Baldursson og Guð-
mundur Eyjólfsson verða fulltrúar
félagsins og verða til staðar.
Vetur hjá Heilaheill
Á afmælisári Háskóla Íslands er
septembermánuður tileinkaður
menntavísindum. Mennta-
vísindasvið stendur fyrir fjölmörg-
um viðburðum og fyrirlestrum í
mánuðinum. Dagskráin hefst hinn
1. september með fyrirlestri dr.
Lindu Darling-Hammond, prófess-
ors í menntavísindum við Stanford-
háskóla.
Laugardaginn 3. september
verður fjölskyldudagur á Laug-
arvatni þar sem nemendur og kenn-
arar taka á móti gestum og bjóða
upp á fræðslu um mataræði og
hreyfingu, farið verður í göngu-
ferðir og margt fleira. Þá verður
opið hús í húsnæði mennta-
vísindasviðs við Stakkahlíð laug-
ardaginn 17. september. Opna hús-
ið er í samvinnu við leik-, grunn- og
framhaldsskóla og aðrar stofnanir
sem menntavísindasvið tengist.
Nánari upplýsingar um dagskrá
mánaðarins má finna á www.hi.is.
Menntavísindi
í september
STUTT
Hjá Vegagerðinni er nú unnið að
undirbúningi vegna byggingar nýrr-
ar og varanlegrar brúar yfir Múla-
kvísl í stað bráðabirgðabrúar sem
reist var í sumar eftir að þjóðvegur 1
fór í sundur og brúnni yfir Múlakvísl
skolaði burt í jökulhlaupi.
Nú er verið að greina forsendur
fyrir nýrri brú með hliðsjón af
skýrslu sem Veðurstofan hefur tekið
saman um flóðið, samkvæmt upplýs-
ingum G. Péturs Matthíassonar,
upplýsingafulltrúa Vegagerðarinn-
ar.
Finna þarf út hvar best er að reisa
brúna með tilliti til þessa, lengd
hennar og hversu mikið flóð hún á að
geta staðið af sér.
Að þessari vinnu lokinni verður
farið að hanna brúna og má reikna
með útboði þegar líður á veturinn, að
sögn G. Péturs. Er að því stefnt að
ný brú yfir Múlakvísl verði tilbúin
næsta sumar. omfr@mbl.is
Boðin út í vetur
Morgunblaðið/Golli
Múlakvísl Áætlað hefur verið að kostnaður við nýja brú verði um 300 millj.
 Vegagerðin vinnur að undirbúningi
að hönnun nýrrar brúar yfir Múlakvísl
Vel á annan tug árekstra varð á höf-
uðborgarsvæðinu í gær, samkvæmt
upplýsingum frá fyrirtækinu Aðstoð
& öryggi ehf., sem annast vettvangs-
rannsóknir umferðaróhappa. Í
þremur tilfellum urðu minniháttar
meiðsl á fólki en engin alvarleg slys
urðu þó.
Margir árekstranna urðu í morg-
unumferðinni í gærmorgun. For-
svarsmenn fyrirtækisins hvetja öku-
menn til að aka hægar og gefa sér
tíma til að komast á milli staða.
Benda þeir á að ökumenn virðist
misreikna hemlunarvegalengd þeg-
ar götur eru blautar, en töluverð
rigning var í gærmorgun.
Vel á annan tug
árekstra í gær