Morgunblaðið - 01.09.2011, Qupperneq 34

34 MENNING
MORGUNBLAÐIÐ FIMMTUDAGUR 1. SEPTEMBER 2011
Þegar ég var 31 árs
var búið að taka mig
úr umferð á landinu sem
listamann. 36
»
Samúel Jón Samúelsson Big Band
hrindir af stað tónleikaröðinni Funk
í Reykjavík í kvöld, en tónleikar í
henni verða fernir, haldnir fyrsta
fimmtudag í mánuði fram í desem-
ber. Fyrstu tónleikarnir, sem eru
liður í Djasshátíð Reykjavíkur,
verða haldnir í Faktory og hefjast
kl. 22.00.
Samúel Jón Samúelsson Big Band
var stofnað árið 2000 og það ár sendi
hún frá sér plötuna Legoland og lék
á nokkrum tónleikum. Árið 2007
snéri sveitin aftur með plötunni
Fnyk og reglulegu tónleikahaldi og
sumarið 2010 kom svo út platan Hel-
vítis fokking funk. Hljómsveitin hef-
ur leikið um land allt og skammt er
síðan hún kom fram á Listahátíð í
Reykjavík ásamt nígeríska trommu-
leikaranum Tony Allen. Hljóm-
sveitin hefur líka leikið töluvert er-
lendis til að mynda á Moers festival í
Þýskalandi, Berlin Jazzfest og Natt-
jazz í Bergen. Hljómsveitin kemur
fram á London Jazzfestival í nóv-
ember næstkomandi, en hljómplata
Helvítis fokking funk er í 3. sæti á
lista ritstjórnar breska djass-
tímaritsins Jazzwise.
Í kvöld verður hljómsveitin svo
skipuð: Haukur Gröndal altosaxó-
fónn og klarínett, Ingimar Andersen
altosaxófónn og flauta, Jóel Pálsson
tenórsaxófónn, Smári Alfreðsson
tenórsaxófónn, Ragnar Árni Ágústs-
son baritonsaxófónn, Kjartan Há-
konarson trompet, Snorri Sigurð-
arson trompet, Ívar Guðmunsson
trompet, Eiríkur Orri Ólafsson
trompet, Samúel Jón Samúelsson
básúna og slagverk, Kári Hólmar
Ragnarsson básúna, Eyþór Kolbeins
básúna, Leifur Jónsson básúna, Óm-
ar Guðjónsson gítar, Ingi Skúlason
bassi, Davíð Þór Jónsson, ham-
mond-orgel og önnur hljómborð,
Helgi Svavar Helgason trommur og
Sigtryggur Baldursson, conga-
trommur og slagverk.
Funktónleikaröð framundan
Morgunblaðið/Ernir
Foringinn Samúel Jón Samúelsson.
Haldin verður röð námskeiða í
Gullkistunni, dvalarstað fyrir skap-
andi fólk í Eyvindartungu við Laug-
arvatn í vetur. Námskeiðin eru
haldin á vegum Gullkistunnar og
ætluð listamönnum, kennurum,
börnum og áhugasömum yfirleitt,
byrjendum og lengra komnum.
Vinnuheiti námskeiðaraðarinnar er
„Leitin að gullinu“. Á námskeið-
unum verður unnið út frá umhverfi,
menningu, sögu og hefð nánasta
umhverfis í Laugardalnum.
Fyrsta námskeiði verður 17.
september næstkomandi frá kl.
9.00 til 17.00 og ber yfirskriftina
Þjóðsagan um Gullkistuna. Á því
verður fjallað um teikningu og
teiknimyndasögur, en kennarar
verða Peeter Krosmann, listamað-
ur og kennari við Tartu Art School
í Eistlandi, og Kristveig Halldórs-
dóttir, listamaður og kennari.
Námskeið í Gull-
kistunni í haust
 Leitin að gullinu í Eyvindartungu
Námskeið Mynd eftir kennarann
Peeter Krosmann frá Eistlandi.
Næstkomandi sunnudag kl. 16.00
halda þær Ásta María Kjartans-
dóttir sellóleikari, Ingileif Bryndís
Þórsdóttir píanóleikari og Lilja
Guðmundsdóttir sópransöngkona
tónleika í Selinu á Stokkalæk.
Þær stöllur eru allar í tónlist-
arnámi erlendis; Lilja og Ásta eru
einu íslensku nemendurnir í Kons-
ervatorium Wien í Austurríki og
Ingileif stundar píanónám í Frei-
burg í Þýskalandi.
Á dagskrá tónleikanna eru verk
fyrir sópran, selló og slaghörpu
sem öll hafa sameiginlegan þráð,
ýmist dulúðugan, draumkenndan
eða andlegan. Á efnisskránni eru
meðal annars ljóðaflokkur eftir
Samuel Osborne Barber, Vocalise
eftir Sergei Rachmaninoff, Valses
nobles et sentimentales eftir Maur-
ice Ravel og frumflutningur á verki
eftir Sveinbjörn Sveinbjörnsson
fyrir selló, píanó og rödd en áður
hefur það aðeins verið flutt í bún-
ingi fyrir rödd eða selló við píanó-
leik.
Að tónleikunum loknum verður
boðið upp á veitingar.
Draumar Ásta María Kjartans-
dóttir, Ingileif Bryndís Þórsdóttir
og Lilja Guðmundsdóttir.
Dulúð og
draumar í
Selinu á
Stokkalæk
 Sönglög með
sameiginlegan þráð
Nú stendur yfir sýning Guð-
laugar Geirsdóttur á nýjum
verkum á Skörinni hjá Hand-
verki og hönnun, Aðalstræti
10. Sýninguna kallar Guðlaug
„Fjallasýn“ og nefnast verkin
á sýningunni Keila, Berg og
Syllur með tilvísun í jarðfræði.
Verkin eru hluti línu þar sem
Guðlaug vinnur með skynjun
sína á fjöllum. Áhuga Guð-
laugar á fjöllum má rekja til
uppvaxtar hennar við rætur Eyjafjallajökuls,
bærinn hennar stóð í fjallshlíð og í suðri blöstu
Vestmannaeyjar við. Öll verkin eru unnin á þessu
ári. Sýningin stendur til 14. september.
Myndlist
Fjallasýn Guð-
laugar á Skörinni
Eitt verka Guð-
laugar Geirsdóttur
Listakonan Fjóla Jóns og ljós-
myndarinn Ellert Grétarsson,
Elg, halda sameiginlega sýn-
ingu á Ljósanótt. Sýningin,
sem verður á Flughóteli, verð-
ur opnuð í dag kl. 17.15 og lýk-
ur á sunnudag kl. 18.00.
Fjóla Jóns hefur fengist við
myndlist síðustu tvo áratugina
og unnið í ýmsum miðlum. Hún
hefur haldið fjölmargar einka-
og samsýningar. Hún sýnir
verk frá því á þessu ári. Ellert Grétarsson hefur
undanfarin ár ferðast fótgangandi um Ísland með
myndavélina um hálsinn. Hann hefur haldið fjölda
sýninga hér heima og erlendis.
Myndlist
Fjóla og Elgur
á Flughóteli
Verk af
sýningunni
Í kvöld kl. 19 fara fram radd-
prófanir hjá Kvennakór Hafn-
arfjarðar í stofu 2 í Tónlistar-
skóla Hafnarfjarðar. Kórinn
leitar að áhugasömum konum í
allar raddir, kórreynsla er ekki
skilyrði.
Kvennakórinn var stofnaður
í janúar 1995 af nokkrum eig-
inkonum karla í Karlakórnum
Þröstum, en formlegur stofn-
dagur er 26. apríl 1995. Kórinn
hefur víða sungið hér heima og farið í söngferðir
til útlanda. Stjórnandi kórsins er Erna Guð-
mundsdóttir, söngkennari við Tónlistarskóla
Hafnarfjarðar.
Tónlist
Kvennakór
leitar að konum
Tónlistarskóli
Hafnarfjarðar
Árni Matthíasson
arnim@mbl.is
Á morgun kl. 18.00 opnar S.L.Á.T-
.U.R. (Samtök listrænt ágengra
tónsmiða umhverfis Reykjavík) sýn-
ingu í Suðsuðvestur í Keflavík. Á
sýningunni verða ný verk eftir þá
Pál Ivan Pálsson, Jesper Pedersen,
Þráin Hjálmarsson, Magnús Jens-
son, Hallvarð Ásgeirsson Herzog,
Þorkel Atlason, Guðmund Stein
Gunnarsson og Áka Ásgeirsson.
Verkin, sem mörg eru unnin á
mörkum myndlistar og tónlistar,
eru á ýmsu formi og taka mislangan
tíma.
Áki Ásgeirsson S.L.Á.T.U.R.-
félagi segir að verkin séu ólík og í
raun eins konar blanda í boði: „Sum
verkin eru tónverk, sum eru inn-
setningar og sum mætti flokka sem
gjörninga,“ segir hann og bætir við
að hópurinn sé líka að leika sér með
rýmið og blanda saman hugtök-
unum listsýningu, þar sem fólk
kemur þegar því hentar á sýning-
artímanum, og tónleikum, þar sem
það mætir á tilteknum tíma. „Þetta
verður konsentrerað hjá okkur, við
ætlum að gera hitt og þetta, bæði
ný verk og gömul. Við höfum rætt
það okkar á milli hvernig nýta megi
gallerírými, hvort hægt sé að líta á
það sem tónleikastað eða rými til að
flytja eitthvað ótiltekið. Á sama
tíma er það líka eins og safn þar
sem hlutum er stillt upp sem maður
hefur flokkað til að sýna fólki, þar
sem við getum sýnt S.L.Á.T.U.R.-
minjar.“
Aðspurður segir Áki þó að ekki
sé ætlunin að halda einhverja sögu-
sýningu, ekki verði gefið heildrænt
yfirlit yfir starfsemi hópsins, en það
sé hugmynd sem komi til skoðunar
síðar. „Okkur finnst þetta mjög
spennandi, við höfum aldrei verið
með sýningu í safni enda erum við í
grunninn tónskáldahópur. Þetta er
því nýr vettvangur og við ætlum að
reyna að nýta salinn á sem fjöl-
breyttastan hátt.“
Fluttir verða gjörningar við opn-
unina en dagskrá helgarinnar er
annars svohljóðandi: Sýning verður
laugardag kl 11.00 til 18.00 og tón-
leikar laugardag kl. 15.00 og síðan
verður sýningin opin á sunnudag
frá kl. 12.00 til 16.00
Samtökin S.L.Á.T.U.R. voru
stofnuð árið 2005 og hafa staðið fyr-
ir fjölmörgum uppákomum og við-
burðum, gefið út geisladisk og
starfrækt vinnuaðstöðu og félags-
heimili. Af reglubundinni starfsemi
S.L.Á.T.U.R. má nefna árlegu tón-
listarhátíðina Sláturtíð, hið mán-
aðarlega SLÁTURDÚNDUR, Ný-
árstónleika, Tónsmíðaviku um
sumarsólstöður og Keppnina um
Keppinn, þar sem keppt er í ýmsum
greinum menningarinnar.
Suðsuðvestur er í Hafnargötu 22
í Keflavík.
Sýning, gjörningar og
tónleikar í Suðsuðvestur
 Verk á mörkum
myndlistar og tón-
listar um helgina
Nótnaskúlptúr Meðal sýningargripa verður tónverk sem er í senn nótur að tónverki og hálfgerður skúlptúr. Nót-
urnar eru á 25 metra langa rúllu sem tengd er við mótor og nótur slegnar þegar þær ber við stjórnandaprikið.