Teningur - 01.05.1988, Síða 28

ERNESTO CARDENAL
BEÐIÐ FYRIR MARILYN MONROE
Herra
taktu við þessari stúlku sem er þekkt um allan heim
undir nafninu Marilyn Monroe
þótt það hafi ekki verið hennar rétta nafn
(en Þú þekkir hið rétta, nafnið á munaðarleysingjanum
sem var nauðgað 9 ára
lítilli afgreiðslustúlku í búð sem ætlaði að drepa sig 16 ára)
og nú gengur hún á Þinn fund án nokkurs andlitsfarða
án blaðafulltrúa síns
án Ijósmyndara og laus viö eiginhandaráritanir
alein eins og geimfari andspænis nótt geimsins.
Sem barn dreymdi hana að hún væri nakin í kirkju
(eftir því sem Time segir)
andspænis fjölda sem lá meö höfuðin við gólfið
og hún þurfti að ganga á tánum til að stíga ekki á þau
Þú þekkir drauma okkar betur en sálfræðingarnir.
Kirkja, hús, hellirinn, þetta er hæli móðurskautsins
en líka eitthvað meira en það...
Höfuðin eru aðdáendurnir - að sjálfsögöu
(sægur af höfðum í dimmu undir flóðljósi).
En musteriö, þaö er ekki kvikmyndaver 20th Century-Fox.
Musterið - sem er úr marmara og gulli - er musteri líkama
hennar þar sem Mannssonurinn með svipu í hendi
rekur burt kauphéöna 20th Century-Fox
sem gerðu bænahús Þitt að þjófahelli.
Herra
hér í þessum heimi sem er mengaður syndum og geislavirkni
lýsir Þú ekki bara afgreiðslustúlku seka
þá sem eins og allar dreymdi um að verða kvikmyndastjarna.
Sá draumur varð að veruleika (en að veruleika í tæknilit).
Hún lék bara samkvæmt handritinu sem hún fékkfrá okkur
- handriti lífs okkar sjálfra - sem var fáránlegt handrit.
26