Teningur - 01.05.1988, Síða 45

OSKAR ARNI OSKARSSON
SÝNIR NÆTURVARÐARINS
Ég hef séð sólina koma upp og daginn lengja,
heyrt raddir barnanna í garðinum og hlustaö
á kurr dúfunnar í þakrennunni, séð kvöldið
setjast á húsþökin og tunglið dreyma um
bjartar nætur, ég hef séð morgninum blæða
út í göturæsinu, skýjunum kastað á himininn
eins og krumpuðu laki og dagana slædda
uppúr mórauðu síki, hlustað á nóttina lemja
blautum greinum utaní dauðadæmd hús, séð
tunglið hanga í gráum gálga við dagsbrún
og svartklæddar verur skjótast undir öxinni
sem reidd er yfir borgina, séð skugga af
tárum á saklausum marmarakinnum englanna
og horft ofaní botnlausa gröf undir klofinni
eik, allt þetta hef ég séð og ég heyri sífellt
eins og einhver sé að skrúfa hurðirnar fastar
meðan ég sef.