Birtingur - 01.01.1958, Side 7

einar bragi:
viðtal
við
hannes sigfússon
Islenzk skáld hafa frá fornu fari ver-
ið veraldarflakkarar og trúlega aldrei
lausari við torfuna en nú á dögum. Það
er því tæplega í frásögur færandi, að
þegar ég hitti Hannes Sigfússon í
þorralokin og bað um viðtal var hann
nýkominn utan úr löndum, hafði setið
skammdegismánuðina á eyju suður í
Miðjarðarhafi: Mallorca.
Og ort? spurði ég.
Ég orti í eina viku, sagði hann. Að
öðru leyti fór tíminn í að þýða Hamsun
og horfa á mannlífið.
Þú yrkir bækur, ekki ljóð og ljóð?
Já, ég fæ ekki innblástur nema á ára-
fresti, og þá lætur mér bezt að yrkja
í lotu meðan hann endist. Síðan hefst
aftur langur biðtími.