Húsfreyjan - 01.07.1961, Blaðsíða 4

og menntamálaráðuneytisins, en þau
voru:
1. Að samnorræn búsýslumenntun yrði
Akademisk, það er vísindaleg.
2. Eins og stæði, væri hagkvæmast að
þessari menntun væri komið fyrir í deild-
um við starfandi háskóla á Norðurlöndum
og hún samræmd annarri kennslu, sem
þar færi fram, að svo miklu leyti, sem
hægt væri. Annars stofnaðar sérdeildir
fyrir búsýsluna.
Fundurinn samþykkti einnig að kjósa
nefnd, skipaða tveim mönnum frá hverju
Norðurlandanna. Þessi nefnd átti að vinna
að tillögum um námsgreinar og námstil-
högun og leita eftir, við hvaða háskóla
væri heppilegast að staðsetja deildir hins
norræna búsýsluháskóla. I þessari nefnd
á ísland einn fulltrúa og er það Adda
Geirsdóttir húsmæðrakennari.
Nefndin hefur haldið fimm fundi og
hefur íslenzki fulltrúinn ekki haft ástæð-
ur til að mæta á fundum nefndarinnar,
en fyrir hennar hönd hafa mætt fulltrúar
frá íslenzku sendiráðunum í Osló og
Kaupmannahöfn. Það, að ísland á aðeins
einn fulltrúa í nefndinni, grundvallast á
því að eins og sakir standa, er ekki gert
ráð fyrir, að ísland taki þátt í fjárhagsl.
rekstri stofnunarinnar. Niðurstaðan af
undirbúningsstarfi nefndanna hefur ætíð
verið hin sama: Að mikil þörf væri á há-
skóla í búsýslu og að æskilegast væri, að
hann grundvallaðist á norrænni sam-
vinnu.
Þær fjórar greinar, sem nefndar eru af
undirbúningsnefndum fyrir stofnun bú-
sýsluháskóla eru: næringarefnafræði,
vefjarefna- og vefnaðarfræði (tekstil-
lære), hagfræði, heimilistækni (hus-
holdstekniklære).
Einnig þykir æskilegt að koma á fót
sérstakri deild, sem fjalli um fjölskylduna
(familielære), þar sem sérstök áherzla
yrði lögð á þjóðfélagsfræði, uppeldis- og
sálarfræði.
Hvað næringarefnafræði áhrærir, álítur
undirbúningsnefndin að við flesta nor-
ræna háskóla fari fram kennsla í grein-
um, sem nemendur búsýsluháskólans geti
fylgt þrjú fyrstu kennslutímabil námsins,
en hann er áætlaður í fimm áföngum,
fimmtán til átján vikur í hverjum áfanga.
Kennslan í aðalfaginu, næringarefna-
fræði verður að vera alveg sérstök og
eingöngu miðuð við menntun í búsýslu.
Bent hefur verið á, að næringarefnadeild
búsýsluháskólans væri vel sett við há-
skólann í Osló, þar sem til er stofnun í
næringarefnafræði, Johan Throne Holsts
stofnunin, fyrir næringarefnarannsóknir.
Námi í heimilistækni er áætlað að
hægt sé að ljúka á þremur og hálfu til
fjórum árum, og skiptist það í tvö tíma-
bil. Helzt er hallazt að því, að þessi deild
verði fyrst um sinn við háskólann í Ár-
ósum. Við Arósaháskóla hafa verið starf-
rækt um tæplega tuttugu ára skeið, sex
mánaða framhaldsnámskeið í þrem deild-
um fyrir húsmæðrakennara. Ein deildin
hefur beinzt að heimilistækni, og er búið
að byggja töluvert yfir þessar deildir all-
ar, en þó sérstaklega tæknideildina og
virðist því eðlilegt að tæknideild sam-
norræna búsýsluháskólans verði fyrst um
sinn starfrækt við háskólann í Árósum.
Til að fá aðgang að þessari deild og einn-
ig öllum hinum deildum háskólans, þarf
væntanlegur nemandi að hafa lokið stúd-
entsprófi og húsmæðrakennaraprófi, eða
skólaeldhússkennaraprófi. Margar raddir
hafa heyrzt um að erfitt verði að krefjast
húsmæðrakennaramenntunar sem undir-
búnings fyrir þessar deildir, fremur en
aðrar deildir háskóla. Einnig er ljóst að
það lengir námið að mun, eða um 3—4
ár, svo að námstíminn allur verður álíka
langur og fyrir lækna. Rökin, sem færð
hafa verið fyrir því að kennaramenntunin
sé nauðsynleg sem undirbúningur, eru
fyrst og fremst þau, að reyna beri að
halda sem nánustum tengslum milli há-
skólamenntunar og daglegs lífs og starfs
innan heimilanna.
4
Húsfreyjan