Húsfreyjan - 01.07.1961, Qupperneq 5

I grein heimilistækninnar virðist erfitt
að takmarka fjölda námsgreina, en það
er eindregin skoðun nefndarmanna, að
þessi háskóli veiti sérmenntun, þeim er
vilja sérhæfa sig á einhverju sviði bú-
sýslu, og þess vegna verði að afmarka
greinarnar glöggt.
Ég ætla aðeins að lofa ykkur að heyra
hvaða greinar er áætlað, að nemendur
lesi við þessa deild: Stærðfræði, eðlis-
fræði, eðlisefnafræði, teikningu, lífræna
efnafræði (plast), en öll þessi fög verða
lesin fyrri hluta námstímans, sem áætlað
er, að taki tvö ár. Seinni hluti námsins
er áætlað eitt og hálft til tvö ár. Nem-
endur geta þá valið um tvær aðal grein-
ar: Vélafræði og efnisfræði, en hliðar-
grein er vinnufræði (arbeidslære — ar-
beidsfysiologi — arbeidspsykologi — ar-
beidsstudier og teknik) og áhaldafræði.
Um vefnaðar- og vefjaefnafræði er ekki
gert að ófrávíkjanlegu skilyrði að hafa
stúdentspróf sem undirbúningsmenntun.
Nemandinn þarf að hafa lokið prófi frá
kennaraskóla í vefnaðar- og vefjaefna-
fræði og hafa skírteini um kunnáttu í
stærðfræði, eðlisfræði, efnafræði, ensku
og þýzku eða frönsku, sem jafnast á við
stúdentspróf stærðfræðideildar í þess-
um námsgreinum. Fyrra hluta námsins
er hægt að lesa við hvaða háskóla sem
er, og taka þaðan próf (tentamina) í
stærðfræði, efnafræði og eðlisfræði, en
aðalsérgreinina hugsar nefndin sér, að
nemendur stundi við Chalmers-tekniska
höjskule í Gautaborg og ljúkist á einu
ári. — Og þá erum við komin að síðustu
greininni, sem er hagfræði. Nefndin hef-
ur lagt til, að hagfræðideildin yrði til
að byrja með sett við Árósarháskóla.
Náminu verði skipt í fimm tímabil, og
hvert þeirra sé um fimmtán vikur. I
hagfræðideildinni verða lesnar greinar
eins og þjóðfélagshagfræði, félagsfræði,
heimilishagfræði, bókhald, stærðfræði,
skýrslugerð (statistik) og sosilogi.
Komið hefur fram tillaga um að loka-
próf við búsýsluháskólann nefnist ,,eko-
logi-próf“, að titill kandidatanna verði
„ekologi kandidat“ (cand. ekol.) Orðið
ekologi er dregið af gríska orðinu oikos,
sem þýðir hús, heimili eða bústaður.
Stjórn búsýsluháskólans hugsar nefndin
skipaða tveim til þrem fulltrúum frá
hverju landi og hafa samtök húsmæðrá-
kennara lagt til að að minnsta kosti einn
aðili hvers lands verði sérmenntaður í
húsmæðrafræðum. Stjórn skólans ákveð-
ur, hverjir fullnægi inntökuskilyrðum í
hvert sinn, gefur út prófskírteini og sem-
ur reglugerð fyrir skólann og starfrækslu
hans í samráði við stjórnir hásltólanna,
sem deildirnar heyra undir.
En hvað höfum við að gera við vísinda-
lega menntun á sviði búsýslu?
Það er svo, að búsýslan, eða húsmóð-
urstörfin hafa orðið aftur úr í hinni öru
þróun síðustu áratuga og í baráttunni
fyrir jafnrétti kvenna og karla í öllum
starfsgreinum hefur sú greinin, sem þó
er mikilvægust fyrir þjóðfélagið i heild,
húsmóðurstörfin, horfið í skugga annarra
starfa í þjóðfélaginu. Húsmóðurstörfin
hafa af mörgum verið ranglega lítilsvirt
og jafnvel af sumum einskis metin, álitin
það létt og auðvirðileg, að þau þurfi ekki
að læra, og því síður að almenningi detti
í hug, að hægt sé að gera þau að vísinda-
grein. Ég hafði þó aldrei gert mér þessa
lítilsvirðingu á heimilisstörfunum ljósa
fyrr en á síðastliðnum vetri, er mér var
boðið í afmælisveizlu jafnöldru minnar.
Þar voru einnig niu ungar konur, flestar
giftar og allar langskólagengnar, stúdent-
ar og með einhverja háskólamenntun að
baki, og unnu störf utan heimilanna. All-
ar þessar ungu konur, að einni undanskil-
inni, höfðu megnustu óbeit á húsmóður-
störfum og töldu þau illa nauðsyn, sem
ekki væri hægt að komast hjá, ef gengið
væri í hjónaband. Þær veittust að mér,
sem lagðist svo lágt að kenna þessi störf,
og húsmæðraskóla töldu þær gagnslausar
stofnanir. Þær gerðu sér ekki grein fyrir,
H ú s f r ey j an
5