Húsfreyjan - 01.04.1964, Blaðsíða 22

legt er í garðinum jafnóðum og það er
nothæft.
Dill er auðræktuð og góð kryddjurt,
hún á einkum vel við kartöflur, síld, sil-
ung og ýmsa feita fiska. Með því að stinga
dillgreinum niður í edik og geyma þannig
fæst gott dilledik til þess að nota í krydd-
lög á síldina. Ef jurtirnar ná að mynda
sveipi eru krónurnar notaðar í sultuðu
gúrkurnar á haustin.
Þær matjurtir, sem nú hafa verið tald-
ar eru alþekktar og auðræktaðar, ég hefi
einmitt talið þær upp vegna þess. Það
væri stór framför, ef öll heimili ættu þess
kost að nota að staðaldri þessar matjurt-
ir. Ég veit að sum búa við margfalt meiri
f jölbreytni, en til eru líka önnur þar sem
grænmetisneyzla er sama og engin. Með
litlum tilkostnaði en dálitlu framtaki
mætti kippa því í lag. 1 sveitum er ástand-
ið víða ekki betra en í bæjum, og ótrú-
lega algengt er þar að árangri allrar við-
leitni húsmæðra til að rækta grænmeti
sé spillt af ágangi búfjár. Því þarf um-
fram allt að koma upp traustri girðingu
kringum matjurtargarðinn áður en hafizt
er handa, því óvinnandi vegur er að rækta
kál og rófur, sem kýr og túnrollur éta
jafnóðum.
Lítill matjurtagarður getur, ef honum
er sýndur sómi, veitt húsmóðurinni mik-
inn stuðning við að drýgja matarkaup
heimilisins, allar máltíðir verða fram-
bærilegri og álitlegri ef grænmeti fylgir,
en það er þó ekki aðalatriðið, heldur hitt,
að það eru heilsuverndandi fæðutegundir,
sem við sækjum í garðinn, líklegar til að
bæta heilsu okkar og líðan og tefja hrörn-
un og ellimörk. Eg veit að annríki hindrar
marga í því að stvmda matjurtarækt,
sjaldgæft er að við ljúkum öllum þeim
störfum, sem við teljum okkur eiga að
vinna. Því verðum við að taka lífshætti
okkar upp til endurskoðunar og meta
hver af störfum okkar helzt megi sitja á
hakanum, og kanna hvaða afleiðingar
það kunni að hafa að sleppa þessu eða
hinu en taka annað upp í staðinn. öllum
er, innan vissra takmarka, frjálst að
kjósa hvað þeir leggja mesta stund á.
Húsmæður geta t.d. ráðið því, hvort þær
vilja keppa að því eingöngu að þrífa
heimilið svo að þar sé allt lýtalaust
innan stokks, eða hvort þær slaka stund-
um á kröfunum inni, til þess að laga til og
snyrta umhverfi hússins, sem óneitan-
lega stingur oft mjög í stúf við þá snyrti-
mennsku, sem víðast lýsir sér í umgengni
innanhúss. Hugsanlegt væri einnig að
verja nokkrum tíma til matjurtaræktar
án þess að skerða svefntímann eða ganga
á hvíldartímann, með því að draga úr
vinnufrekum íburði í
matreiðslu ogbakstri
þá daga, sem valdir
eru til garðyrkju-
starfa. Störf hús-
mæðra eru ekki öll
jafn bráðnauðsynleg,
þau verða eins og
önnur störf metin
eftir því gildi, sem
þau hafa fyrir ein-
staklingana og þjóð-
arbúið.
Vigdís Jónsd., skólastj.
Kálplöntur hæfilegar til
gróðursetningar.
20
HÚSPREYJAN