Íslenskt mál og almenn málfræði - 01.01.1984, Qupperneq 115

HÖSKULDUR ÞRÁINSSON og KRISTJÁN ÁRNASON
Um reykvísku
0. Inngangur
Þessi grein fjallar um rannsókn sem er liður í stærra verkefni (RÍN).
Frá því er nánar greint í ritgerð eftir sömu höfunda í síðasta hefti þessa
tímarits (Kristján Árnason og Höskuldur Þráinsson 1983:81-82, héðan
af skammstafað KÁ & HÞ 1983) og er óþarft að endurtaka þær upp-
lýsingar hér. Eftirtalin atriði er þó skylt að nefna:
Við höfum sem áður fengið ýmsa styrki til þess að greiða vinnulaun
aðstoðarmanna og ýmiss konar kostnað. Þar munar enn mest um styrk
frá Vísindasjóði og stuðning frá Rannsóknasjóði Háskólans, en þegar
þeir peningar voru þrotnir, hlupu Reykjavíkurborg og Kópavogsbær
undir bagga og gerðu okkur kleift að ljúka þeirri úrvinnslu sem þessi
ritgerð byggist á. Okkur er ljúft að þakka þennan stuðning.
í öðru lagi er þess að geta að Fræðsluráð Reykjavíkur veitti okkur
góðfúslega leyfi til að safna efni með viðtölum við nemendur í grunn-
skólum borgarinnar. Við viljum sérstaklega þakka fyrrverandi fræðslu-
stjóra, Kristjáni J. Gunnarssyni, fyrir atbeina hans að því máli.
í þriðja lagi höfum við haft mjög gott starfsfólk sem hefur unnið við
efnissöfnun og úrvinnslu eins og áður. Að þessu sinni hafa það einkum
verið Ásta Svavarsdóttir, Guðvarður Már Gunnlaugsson, Veturliði
Óskarsson og Þórunn Blöndal (sjá annars nánari upptalningu í áður-
nefndri grein Kristjáns og Höskuldar 1983:81). Unnar Lárusson hefur
sem fyrr verið til ráðuneytis um tölvuvinnslu.
1. Þátttakendur, úrvinnsla og viðfangsefni
1.1. Þátttakendur
í þessum áfanga könnunarinnar höfum við athugað málfar Reykvík-
inga og Kópavogsbúa. Alls fengum við greinanleg gögn frá 198 einstak-
lingum og er skipting þeirra eftir aldri og kyni sýnd í Töflu 1.
Efnissöfnun fór fram á árunum 1981-82, og var rætt við fólk í
heimahúsum, á vinnustöðum og í skólum. Meðal þeirra vinnustaða sem
heimsóttir voru voru Rafmagnsveita Reykjavíkur, Tryggingastofnun
íslenskt mál VI 8