Vera - 01.12.1982, Blaðsíða 2

VERA
3/1982 DESEMBER
Útgefandi:
Kvennaframboðið í Reykjavík,
Hótel Vík
sími 22188 og 21500
Ritnefnd:
Bryndís Guðmundsdóttir
Elísabet Guðbjörnsdóttir
Guöbjörg Linda Rafnsdóttir
Hrefna Haraldsdóttir
Kristín Jónsdóttir
Kristín Sigurðardóttir
Magdalena Schram
Útlit, forsíða:
Hildigunnur Gunnarsdóttir
Sólveig Aöalsteinsdóttir
Svala Jónsdóttir
Þóra Sigurðardóttir
Forsíðan:
Myndin á forsíðunni sýnir hluta af málverki
eftir ítalska listamanninn Titian (1485—
1576)
Auglýsing og dreifing:
Guðrún Alfreðsdóttir
Prófkjör stjórnmálaflokkanna í Reykjavík eru nýlega af-
staðin. Úrslitin sýna svo ekki verður um villst, að jafnréttis-
barátta okkar kvenna á sér lítinn hljómgrunn innan flokk-
anna. Þau endurspegla ríkjandi viðhorf til kvenna og eru um
leið staðfesting á því, að stjórnmálaflokkarnir eru byggðir
upp og hugsaðir sem valdakerfi fárra útvaldra karlmanna.
Það sem við konur höfum fram að færa til samfélagsins er
ekki talið það merkilegt, að við eigum erindi inn á þing. Þessi
niðurstaða bendir ótvírætt til þess, að jafnrétti ríkir enn
aðeins í orði en ekki á boröi. Við í Kvennaframboðinu fáum
ómögulega séð, hvernig hægt er að koma á jafnrétti í samfé-
laginu, ef aðeins lítill hluti þjóðarinnar fær tækifæri til að hafa
áhrif á gang þjóðmála.
Ymsir hópar út um allan heim hafa nú uppi heríerð gegn
sjálfsákvöröunarrétti kvenna yfir eigin líkama. Þessir hópar
virðast því miður eiga sér all nokkra viðhlæjendur hér á landi.
Réttur kvenna til fóstureyðingar er ein megin forsenda lýö-
ræðislegra réttinda kvenna. En frumvarp um skerðingu þess-
ara lýðréttinda liggur nú fyrir Alþingi. Flutningsmenn telja,
að konur hafi ekkert með að ráða yfir eigin lífi. Frelsi kvenna
— frelsi okkar — er fótum troðið, við erum ekki álitnar hæfar
til að vega og meta okkar samfélagslegu aðstæður.
Bæði úrslit prófkjöranna og fóstureyðingafrumvarp Þor-
valdar Garðars Kristjánssonar, er stríðsyfirlýsing gegn
konum. Kvenna er ekki talin þörf á þingi — afnema á frelsi
kvenna til að ráða og stjórna eigin lífi. Okkur, hvar sem við
stöndum í flokki, hlýtur að standa ógn af þessum viðhorfum.
Þess vegna er hreyfing eins og Kvennaframboöið nauðsyn-
leg. Hún er nauðsynleg vegna þess að enginn heldur vörð um
okkar mannréttindi og okkar frelsi nema við sjálfar. Atburð-
ir líðandi stundar knýja okkur enn til frekari samstöðu.
Breytum samfélaginu þannig að allir fái að njóta sín, börn,
konurog karlar. Gleðilegjól!
E. G.
Ábyrgðarmaður:
Guðbjörg Linda Rafnsdóttir
Setning, umbrot og prentun:
Prentsmiðjan Hólar h. f.
Ath. Greinar í VERU eru birtar á
ábyrgð höfunda sinna og eru ekki endi-
lega stefna Kvennaframboðsins í
Reykjavík.
Athugiö að næsta tölublað VERU kemur
út í febrúar. Gleðileg jól og farsælt nýtt ár.
Kveðja,
ritnefndin.