Vera - 01.12.1982, Blaðsíða 14

Að höggva
mann
og annan
Þaö mælti mín móðir
að mér skyldi kaupa
fley og fagrar árar
fara á brott með víkingum
standa upp í stafni
stýra dýrum knerri
halda svo til hafnar
höggva mann og annan.
Þessi hvatning til manndóms og atgervis
Iýsir hugsunarhætti fornum þegar menn
skyldu mannast til víga. Þeir sem mönnuð-
ust á þann veg þóttu íorðum hetjur á ís-
landi. En ætlum við að hafna þessari
manngildishugsun sem ól af sér víkinga og
viljum ekki að uppvaxandi kynslóð alist
upp til víga verðum við að vera við því búin
að sýna fram á óréttmæti áþekkrar hugsun-
ar í hvaða myndum sem hún birtist.
Hlutlaust uppeldi fyrirfinnst ekki. Við-
miðanir eru ávallt til staðar hjá foreldrum
og í samfélaginu, á öllum tímum, breytileg-
ar en óumflýjanlegar. Menn eiga það við
samvizku sína og upplýsingu á hverjum
tíma, hvað þeir telja börnum hollt.
Að höggva mann og annan þykir al-
mennt ekki lengur til fyrirmyndar. Sé tekið
mið af kristnum sið ber okkur sem
mennskum verum og sköpun Guðs að
varðveita allt líf og stuðla að því að það geti
verið heilt.
Hvaða afleiðingar hefur það í för með
sér að börnum eru fengnar eftirlíkingar af
stríðstólum í hendur? Þegar hugsað er um
þær hörmungar, sem drápstæki valda fyrr
og nú er það algjört hugsunar- og ábyrgð-
arleysi að fá börnum stríðstól til leikja og
gamans. Fremur bæri að segja börnum frá,
hversu skelfilegt það er að verða manns
bani og sannarlega ekki eftirsóknarvert.
Eitt leiðir af öðru. Við verðum að sjá
hluti í samhengi. Saklaus leikur verður ef
til vill síðar að helkaldri alvöru. Verndum
uppvaxandi kynslóð frá öllu því, sem elur á
ofbeldi og ógnun, kennum henni að virða
lífið, tign þess og fegurð, sem helzt verður
gert með því að Jesús Kristur og sannleikur
hans allur fái höndlað hug og hjarta.
Framundan er nú sú helga hátíð jóla,
sem vekur samkennd með mönnum og
boðar frið. Við þráum frið og ætti okkur að
vera kappsmál að stuðla að friði hvarvetna
sem við getum komið því við í samskiptum
manna. Þeim friði, sem ekki er stöðnun,
heldur uppbyggjandi, ábyrg athöfn lífi til
vaxtar og heilla.
Pórhildur Olafs
& 14
»#*'♦***"
'Oskunx ölltmi
samsnnnutnönnuvn ocj öörum
landsmonnum qlc$\leqra jola-
árs o<j fri&ar.
^ SAMBAND ÍSLENSKRA SAMVINNUFÉLAGA
.....a? . m
Torgsala í Reykjavík
Samkvæmt samþykkt borgarráðs frá 27. f.m. er óheimilt
að setja upp torgsölu í Reykjavík nema að fengnu leyfi,
sem borgaryfirvöld veita.
Leyfisgjald vegna torgsöluleyfa er sem hér segir:
Fyrir einn mánuð kr. 1.100.00
Fyrireina viku - 400.00
Fyrireinndag - 100.00
Leyfisgjald skal endurskoða við gerð fjárhagsáætlunar
ár hvert.
Borgarstjórinn í Reykjavík