Vera - 01.04.1984, Blaðsíða 6
8. MARS ALÞJÓÐLEGUR 1
Á alþjóðlegum baráttudegi kvenna,
þann 8. mars s.l., efndu konur til mót-
mælagöngu og aðgerða í kjölfar þeirra.
Söfnuðust konur saman á Hallærisplaninu
kl. 17.00 með kröfuspjöld og borða þar
sem bent var á það launamisrétti sem kon-
ur búa við. Gengu konur síðan fylktu liði,
við taktfastan undirleik á potta og pönnur,
út Aðalstræti, framhjá Alþingishúsinu, út
Pósthússtræti og niður á Lækjartorg. Var
gerður stuttur stans fyrir framan Alþingis-
húsið, raustin brýnd og þingmenn leiddir í
allan sannleik um vilja kvenna í kjaramál-
um.
Þegar komið var niður á Lækjartorg tók
hópur kvenna sig til og fór inn i matvöru-
verslun til aö kaupa það sem til þarf í
grjónavellinginn sem Steingrími finnst svo
góður. Þegar konurnar áttu að greiða fyrir
vörurnar neituöu þær að greiöa nema 2/3
af verði þeirra, enda eðlilegt þar sem kon-
ur hafa að meðaltali aðeins 2/3 af launum
karla. Þær buðust sem sagt til aö greiða
sinn hlut en ekkert umfram það. Til að út-
skýra sinn málstað dreifðu þær dreifiriti
inni í versluninni og til vegfarenda fyrir ut-
an þar sem segir m.a.:
,,Á undanförnum árum hafa konur ítrek-
að bent á það misrétti sem hér ríkir á kjör-
um karla og kvenna.
— Viö höfum gert Kröfur um úrbætur en
án árangurs.
— Við höfum bent á, að réttindamál
kvenna standa verr en karla.
— Við höfum bent á, að félagsleg staða
kvenna er lakari en karla.
— Við höfum bent á launamisréttið og þá
staðreynd að konur bera að meðaltali
aðeins 2/3 af launum karla úr býtum
fyrir vinnu sína. Þetta þýðir t.d. að unn-
in ársverk karla skiluðu þeim 5.666 kr.
hærri mánaðarlaunum árið 1982 en
unnin ársverk kvenna.
6