Vera - 01.02.1990, Síða 9

Ljósmynd: Per
Lindström
fjölskyldunni, en þær vilja ekki
að það þurfi að fela í sér þann
þrældóm klukkunnar sem það
gerir í dag. Ég lít á hlutastörfin
sem andspyrnu kvenna gegn
þessum þrældómi.
Það er ljóst að slæm staða kvenna
felst að hluta til í því að þeim er
þröngvað inn í ákveðnar karl-
hverfar hugmyndir um tímann.
Það hlýtur því að vera rökrétt nið-
urstaða að kvenfrelsiskonur vinni
að því að ríkjandi hugmyndum
um tímann verði breytt. Að við
lyftum af okkur oki tímans, látum
hann vinna með okkur en ekki á
móti.
Guðbjörg Linda Rafnsdóttir.
P.S. Hafi einhver áhuga á að kaupa
bók Karin Davies „Women and
Time. Weaving the strands of
everyday life“ sem kom út 1989
þá er hægt að panta bókina beint
frá: Karin Davies, Lunds universi-
tet, Soeiologiska institutionen,
Box 114, 221 00 Lund, Sverige.
Bókin kostar u.þ.b. 1000 ísl. kr.
NÚARNIR OO
TÍIVIINN ...
Meðal Núa í A-Afrfku þekkist
ekkert hugtak sem nær yfir það
sem við köllum ,,tíma“. Þar af
leiðandi geta þeir ekki talað
um tíma sem eitthvað sem líð-
ur, hægt er að spara, eyða, sóa,
nýta o.s.frv. Þeir eiga því
hvorki í baráttu við tímann, né
eyða tíma í að skipuleggja
hann.
Núar hafa tvenns konar
tímaskyn, annars vegar er vist-
fræðilegur tími sem endur-
speglar sambandið við um-
hverfið og hins vegar ,,form-
gerðartími" sem endurspeglar
sambandið milli einstaklings
og félagsgerðarinnar (bernska,
æska, vígsla, gifting o.s.frv.).
Þeir geta einungis rakið sögu
sína hundrað ár aftur í tímann
því það klippist alltaf aftan af
tímanum og bætist framan við.
Tími þeirra er því hringlaga og
tengist frekar félagslegum að-
gerðum heldur en árstíðum.
The Nuer, E.E.Evans-
Pritchard, fyrst gefin út 1940.
TIMALEYSI KVENNA
— PÓLITÍSKT IVIÁL
Ef marka má nýjustu útgáfur
erlendra kvennabókaforlaga þá
eiga hverskyns rannsóknir á tíma-
skynjun kvenna og tímaskipulagi
samfélagsins mjög upp á pall-
borðið um þessar mundir. Til
marks um það má nefna bók
Karenar Davies sem vísað er til
hér annars staðar íblaðinu. Á fjör-
ur VERU hefur einnig rekið bók
frá bókaútgáfunni Pergamon
Press sem heitir „Taking Our
Time. Feminist Perspectives on
Temporality“ (Tökum okkur
tíma. Kvennapólitísk sjónarhorn
á tímann). Bókin inniheldur
fimmtán fræðilegar greinar um
tímann eftir jafnmargar konur,
sem allar nálgast efnið út frá sínu
fræðasviði en eiga það þó sam-
merkt að hafa hina kvenlegu sýn
að leiðarljósi. Leita höfundar víða
fanga s.s. í bókmenntum, heim-
speki, sögu, stjórnmálum, goð-
sögnum og daglegum veruleika
kvenna. Niðurstaðan er þó víðast
sú sama þ.e. kvennahreyfingin
þurfi að fara að líta á tíma kvenna,
eða öllu heldur tímaleysi þeirra,
sem pólitískt mál og gefa því auk-
ið vægi í baráttu sinni.
EG ER NY KONA...
„Þegar ég var 36 ára byrjaði ég
að fá það á tilfinninguna að ég
væri að verða gömul. Þetta var
áður en ég ákvað að byrja aftur
í námi. Náin tilfinningasam-
bönd höfðu gleypt það sem ég
átti af sjálfri mér og mér fannst
ég ekki hafa þá sjálfsstjórn sem
ég þurfti til að skilja það sem
liðið var og setja stefnuna fyrir
framtíðina. Mér fannst fortíðin
eins og kviksandur og framtíð-
in eins og göng sem ég væri í
þann veg að ganga inn í og um
tíma voru þau mjög dimm. Ég
byrjaði að efast um allt í lífi
mínu og til að gera það enn
verra, ég hafði sterklega á til-
finningunni að tíminn væri að
hlaupa frá mér. Ég fylltist skelf-
ingu. Fyrir hvatningu skólafél-
aga míns valdi ég skyndilega
að fara í öldungadeild til að
athuga hvort ég kæmist ekki
yfir þetta. Eftir fyrstu önnina
var ég alls ekki viss um hvort
þetta yrði til bóta eða til að
gera vont verra. En nú þegar ég
hef lært að meta það sem ég
hef til brunns að bera ... hefur
tíminn opnast mér aftur, loks-
ins án þess að ég væri haldin
þeirri tilfinningu að fortíðinni
væri kastað á glæ. Nú sé ég að
það sem ég er og verð, svo
lengi sem ég er starfhæf, ræðst
af því sem ég hef verið og var.
Ég er ný kona.“
39 ára gömul kona sem
stundar nám í öldungadeild.
Úr bókinni ,,Taking our
time“. Pergamon Press.
9