Vera - 01.02.1990, Page 30
PÓLITÍSKAR ADSTjCDUR EFLA
Fulltrúar minnihlutans í borgarstjórn
hafa starfað saman af einhug og kappi
allt síðasta kjörtímabil. Þó því hafi oft
verið haldið á lofti að flokkarnir til
vinstri við Sjálfstæðisflokkinn geti
ekki unnið saman þá hefur þetta
snurðulitla samstarf litla athygli feng-
ið frá fjölmiðlum. Og það helsta sem
borgarfulltrúarnir sjálfir hafa út á
samvinnuna að setja er að persónuleg
og pólitísk séreinkenni þeirra hverfi í
skuggann fyrir hópnefninu „minni-
hlutinn“.
Fjárhagsáætlun Rcykjavíkurborgar var lögð
fram til fyrri umræðu f borgarstjórn 18. janúar
síðastliðinn. Við það tækifæri kusu borgarfull-
trúarnir sex sem mynda minnihlutann að tala
einni röddu sem svo oft áður og lögðu þeir
sameiginlega fram bókun. í henni gagnrýna
þeir að rfkidæmi Reykjavfkurborgar sé ausið í
glæsihallir og steinsteypubákn á meðan upp-
bygging félagslegrar þjónustu, velferð barna og
aldraðra og öryggi gangandi vegarenda njóti
ekki í sama mæli góðs af framtakssemi og stór-
hug meirihluta borgarstjórnar. Þá gagnrýna
þeir ólýðræðisleg vinnubrögð Davíðs Odds-
sonar borgarstjóra.
Aðstöðuleysi og húsnæðishrak
Tveimur dögum áður en minniblutinn lagði
fram bókun sína sína bittust fulltrúarnir á
vinnufundi til að ráða ráðum sínum.
— Vertu ekkert að segja frá því hvar við fund-
um í kvöld, það gæti farið fyrir brjóstið á ein-
hverjum, segir einn þeirra í því að blaðamanni
Veru er hleypt inn á fundinn.
Vopnaðir vasatölvum hafa fulltrúarnir raðað
sér hver í sitt horn, enda eru þeir niðursokknir
í að framreikna tölur úr fjárhagsáætluninni til
að geta áttað sig á hvernig áætlanir fyrra árs
stóðust og hvort einstaka liðir hækka eða lækka
í raun. Þeir kvarta yfir að óframreiknaðar tölur
villi um og torveldi samanburð á milli ára. Sum-
ir liðir eru framreiknaðir að hluta og ganga þarf
úr skugga um að hve miklu leyti það hefur verið
gert. Karp um hvað vísitölu eigi að nota rýfur
vinnufriðinn um stund.
— Er nauðsynlegt að kjörnir fulltrúar borgar-
búa eyði tíma sínum í svona handavinnu? Til
hvers eru embættismennirnir?
— Embættismennirnir gefa okkur í minni-
hlutanum iðulega þau svör að þeir hafi ekki
tíma til að veita okkur þessa þjónustu eða að
biðin eftir svörunum verði of löng, enda eru
þeir sjálfir á kafi í vinnu við fjárhagsáætlunina,
segir Sigrún Magnúsdóttir, borgarfulltrúi Fram-
sóknarflokksins. Sá tími sem við höfum til að
skoða fjárhagsáætlunina, móta viðbrögð okkar
og semja okkar breytingartillögur er af skorn-
um skammti. Raunverulega þyrftum við að eiga
greiðan aðgang að þeim starfsmönnum borgar-
innar sem eru vel að sér í gerð fjárhagsáætlun-
arinnar í einn dag eða eina helgi, en fyrir því er
ekkert hugsað. Embættismannakerfið er því
miður ekki aðgengilegt fyrir okkur á þeim tíma
sem við helst þurfum á því að halda, segir hún.
Eina aðstaðan sem borgin veitir minnihlutan-
um er eitt lítið herbergi í skrifstofuhúsnæði
borgarinnar á horni Austurstrætis og Pósthús-
strætis. Þetta herbergi er ætlað þeim öllum sam-
eiginlega. Þar er útilokað að funda og því verða
fulltrúarnir að hittast ýmist á heimilum hvers
annars eða í húsnæði sem til fellur.
— Við höfum ekki einu sinni reiknivél, held-
ur Sigrún áfram. Við báðum um reiknnivél fyrir
tveim árum og fengum eina sem væri best
geymd á Árbæjarsafni. Gamalt gargan með
sveif, segir Sigrún og sýnir með handsveiflu
hvaða möguleika vélin hefur.
— Stendur ykkar aðstaða til bóta með nýja
ráðhúsinu?
— Okkur er ekki ætlað að fá þar inni. Borgar-
stjóri hefur sagt að við fáum afnot al' húsnæði
skólaskrifstofu Reykjavíkur í Tjarnargötu 12 en
það á alveg eftir að koma í ljós. Nei, ráðhúsið
er ekki ætlað minnihlutanum.
Strákatillögur og stelputillögur
Fyrir fundinum liggja tvær tillögur að bókun
minnihlutans. Borgarfulltrúarnir kalla þær
,,stelputillöguna“ og „strákatillöguna". Þær
eru efnislega samhljóða. Stíll strákanna þykir
hvassari og beinskeyttari og eftir að allir hafa
lagt í púkk með minniháttar breytingar á
strákatillögunni er hún samþykkt samhljóða.
Stelpurnar eru þær Elín G. Olafsdóttir frá
Kvennalista, Sigrún Magnúsdóttir Framsóknar-
flokki og Kristín Ólafsdóttir og Guðrún Ágústs-
dóttir, báðar frá Alþýðubandalagi.
Strákarnir eru þeir Sigurjón Pétursson Al-
þýðubandalagi og Bjarni P. Magnússon Alþýðu-
30