Vera - 01.02.1990, Side 11
heiti með? Hvað með mánaðar-
áætlanir og ársstundaskrá? Og
hvernig á heimilisfangabókin að
vera? Er ekki best að fá sér „Enter-
taining“ blöð, þar sem ég set inn
öll boð sem ég held, hvaða gestir
koma og hvað ég gef þeim að
borða og drekka? Þá væri sniðugt
að kaupa líka blöð til að skrifa inn
uppskriftir, það er til í ,,House-
hold“ rekkanum (eins gott að
kunna ensku til að geta notað
þessi kerfi!). Hvað með veitinga-
húsablöð? Eða innkaupalista? Ég
kaupi hvorki tómstunda- né
íþróttaarkirnar, því að ég hef ekk-
ert þeirra áhugamála sem þar eru
íboði: Vínsmökkun, skák, bridge
og fuglaskoðun, en þar er listi yfir
•»» 308 mismunandi fugla og á að
merkja við hvenær og hvar ég sé
hvern, nei ég sleppi því, ég sé
hvort sem er bara endur, svani og
máfa á Tjörninni. íþróttirnar eru
golf, snooker, skíði, veggjatennis,
stangveiði, hlaup og seglbretti. Ég
kaupi hins vegar „Don’t forget“,
afmælisdagablöð (og get þá fært
inn úr gömlu afmælisdagabók-
intti) og ,,bibliofile“ þar sem á að
skrifa inn áhugaverðar bækur
undir höfundi, titli, útgefanda og
fleiru, svo að ég muni eftir að taka
þær á bókasafninu. Einnig er í
boði undir persónulegum upplýs-
ingum: „Daily Intake Record“,
sem er gott fyrir fólk í megrun, en
þar á að skrifa inn allt sem borðað
er, líklega til að fylgjast með
neysluvenjum. Þá er líklega best
að kaupa „Megrunar kaloríu telj-
ara“ (sem tilheyrir upplýsinga-
blöðunum) og fletta þessu upp
jafnóðum. Líklega ætti ég að
kaupa „kort og gjafa“ blöðin,
sem er sex ára plan yfir það sem
ég fæ og það sem ég sendi/gef.
Heimilisbókhald og ferðaáætlanir
er eflaust gott að eiga en hvað
með kort og vegalengdir í
Evrópu? Kannski væri gagnlegra
að rífa bara íslensku vegalengd-
irnar úr gömlu vasabókinni og
seta í gatapoka? Ætti ég að kaupa
sérstakan vasa undir greiðslukort-
ið mitt, í hin hólfin get ég sett
banka- og sjúkrasamlagskortið?
Og hvaða „Professional and
business leaves“ á ég að kaupa???
Eflaust væri best fyrir mig að
kaupa bæklinginn „Personal
Organisation", sem er hluti af
Time Manager kerfinu (og kostar
,,bara“ um tvö þúsund krónur),
til að átta mig betur á því hvað
hentar mér. Valið er erfitt og lík-
lega bara best að kaupa „tilbúnar
möppur", þ.e. með fyllingu.
Eftir heilan morgun á hlaupum
milli Pennans og Eymundsson
veit ég að:
Tóm filofax mappa kostar 1559
krónur, en blöðin kosta frá 150
upp í 840 krónur hver bunki.
Filofax mappa fyllt með: Today,
address, financial, information,
projects, notes, dagbók, heimilis-
bókhaldi og neðanjarðarlesta-
korti af London, kostar 3130
krónur. Tirne Manager upplýs-
ingamappa kostar 2511 krónur,
en tóm TM mappa (með skilblöð-
um) kostar 4220 krónur. Einnig
fást leðurmöppur í tveimur
stærðum og sú rninni kostar
11000 krónur. Blöðin í TM möpp-
urnar kosta frá 146 upp í 818
krónur búntið. Einnig fást fylltar
rnöppur t.d. TM Standard, plast-
mappa með skilblöðum, plast-
kassi m/innihaldi, plastveski,
með símabók, dagbók og tvær
kennslubækur, á tilboðsverði í
nóv. á 10.840 krónur. TM Special,
leðurmappa með sarna innihaldi,
kostar tæpar 19 þúsundir og TM
Executive er á 22925 krónur.
Mér finnst bæði tímafrekt og
flókið að setja sig inn í kerfin og
því er kannski best að fá þetta
beint í æð. Stjórnunarfélag
íslands býður upp á tveggja daga
námskeið í Time Manager einu
sinni á önn. Leiðbeinandi á nám-
skeiðinu, sem er það vinsælasta
sem Stjórnunarfélagið hefur
haldið, er Anne Bögelund-Jensen
og kennir hún á ensku. í „Stjórn-
unarfréttum" (6. tbl. nóv. 1989)
segir að ,,á tveimur hressandi
dögum lærir þú m.a. að setja þér
markmið og átta þig á því hverju
þú vilt raunverulega koma til leið-
ar og hrinda hindrunum úr vegi.
Þú lærir mannleg samskipti,
hvernig þú getur forðast streitu
og þreytu, aukið einbeitingu í
starfi og hvernig þú getur forðast
helstu tímaþjófa." Hljómar vel,
ekki satt? Innifalið er kaffi og há-
degisverður báða dagana og öll
gögn sem fylgja TM kerfinu fyrir
39500 krónur! Fyrir okkur sem
getum ekki látið fyrirtækið borga
brúsann, borgar sig líklega að
eyða nokkrum kvöldum í að lesa
okkur til og fylla inn í af eigin
hyggjuviti.
Yfir 1 % þjóðarinnar liefur farið á
námskeið í tímastjórnun, aðal-
lega fólk úr atvinnulífinu og sum-
ir hafa orðið svo hrifnir að þeir
hafa sent makann á næsta nám-
skeið. En hentar þetta kerfi öllum,
eða er það bara fyrir útivnnandi
fólk í „hefðbundnum" störfum
sem getur skipulagt tíma sinn í
smáatriðum? Eykur þetta afköst
okkar og náum við betri tökum á
tímanum, eða verðum við bara
enn meiri þrælar tímans? Verður
öll þess tímastjórnun kanski tíma-
þjófur á endanum, það fer jú tími
í að fylla út öll blöðin og lesa þau
yfir? Hvað með óvæntar
uppákomur eins og langt símtal,
heimsókn, veikindi, bilaðan bíl
eða ástarævintýri? Og hvað gerist
svo ef mappan góða týnist? Er
kannski vissara að eiga þetta allt í
tvíriti? Eru möppurnar komnar til
að vera, eða er þessi tímastjórnun
kanski bara enn eitt æðið, líkt og
fótanuddtækin forðurn, og
möppurnar enda inni í skáp hjá
öllu öðru sem við kaupum án þess
að hafa nokkur not fyrir? Af
hverju höfum við þessar áhyggjur
af tímanum, úr því að, eins og
einn frómur Skaftfellingur sagði,
það er nóg til af tímanum, hann
verður til jafnóðum.
Ragnhildur Vigfúsdóttir.
11