Ritmennt - 01.01.1999, Side 40

AÐALGEIR KRISTJÁNSSON
RITMENNT
ber 1827 þakkaði hann honum fyrir að hafa
ráðið sér frá að sækja um Reykjavílcurbrauð-
ið. I Danmörku sé helst að ræða um að fá
prestakall á Jótlandi en á því hafi hann lít-
inn áhuga. Samt geti svo farið að hann neyð-
ist til þess.11
Fyrstu störf Þorgeirs í þágu Hafnar-
deildar Bókmenntafélagsins
Hið íslenska bókmenntafélag var nýstofnað
þegar Þorgeir kom til Hafnar. Bjarni Þor-
steinsson var þá forseti Hafnardeildarinnar.
Þorgeir komst fljótlega í kynni við hann eft-
ir að hann kom til Hafnar. í bréfi til Bjarna
16. apríl 1839 þakkaði Þorgeir honum fyrir
„Venskab, Velvilie og Kjærlighed" um 20
ára skeið. Tuttugu og eitt ár sé liðið síðan
hann kom til Kaupmannahafnar, þá óreynd-
ur unglingur og nær öllum ókunnur. Bjarni
hafi þá reynst honum traustur vinur, ráð-
gjafi og velgjörðamaður og þessi vinátta hafi
haldist til þessa dags sem hann þakki af
heilum huga.12 Eftir að Bjarni fór frá Höfn
fóru bréf á milli þeirra meðan sjónin leyfði
Bjarna að halda á penna. í handritadeild
Landsbókasafns íslands (Lbs 339 b fol) er
varðveitt 51 bréf frá Þorgeiri til Bjarna.
Þar má fá vitneskju um margt það sem á
daga hans dreif. Hið fyrsta er skrifað 7. ágúst
1821 en það síðasta 14. apríl 1847.
í Hafnardeild Bókmenntafélagsins var
jafnan rúmur tugur íslenskra stúdenta á
þessum árum. Þorgeir gerðist félagi í henni
á félagsfundi 30. mars 1821. Jafnframt var
hann valinn „til félagsins umboðsmanns
hér í staðnum" segir í fundargerð. Það var
upphafið að störfum hans í þágu Bók-
menntafélagsins. Fundargerð dagsett 1. apr-
Bj. Th. Bj. Á íslendingaslóðum í Kaupmannahöfn.
Hólmsins kirkja, horft inn eftir kirkjuskipinu. Hún er
ein þeirra bygginga sem Kristján fjórði lét gera og
stendur á grunni akkerasmiðju flotans. Þar þjónaði
Þorgeir Guðmundsson sem prestur í nokkur ár.
íl 1823 nefnir hann aftur sem umboðsmann
félagsins og bólcavörð. Þar kemur fram að
starfið er fólgið í bóksölu í Kaupmanna-
höfn og annarri umsýslu sem laut að útgáfu-
starfsemi félagsins. Á almennum fundi í
Hafnardeildinni 1. mars 1824 lagði umboðs-
maður lrennar, herra studios. theologiæ Þor-
geir Guðmundsson, fram „reikninga og
skilríki fyri[r] sínu umboði" á liðnu reikn-
ingsári sem laut að því að gera grein fyrir
11 Lbs 339 b fol.
12 Sama handrit.
36