Ritmennt - 01.01.1999, Qupperneq 68

INGIBJÖRG STEINUNN SVERRISDÓTTIR
RITMENNT
ungis fimm félaganna voru enn starfandi en þau pöntuðu öll.
Þetta er síðasta árið sem unnt var að safna saman svo heillegum
upplýsingum.
Á þessum þrem árum er hægt að sjá aðföng hvers félags fyrir
sig og voru upplýsingarnar látnar halda sér þannig. Lesið var úr
hverri færslu og hún umskrifuð og listarnir síðan prentaðir hver
fyrir sig. Síðan var reynt að finna bókfræðilegar upplýsingar um
öll ritin. Helstu heimildirnar voru Bibliotheca Danica
1482-1830 og Bibliotheca Danica: supplement 1831-1840 samt
Bibliotheca Slesvico-Holsatica og Dansk bogfortegnelse 1841- ,
en þar fundust upplýsingar um flestöll dönsku ritin. Einnig var
flett upp í Gesamtverzeichnis des deutschsprachigen Schrift-
tums (GV) 1700-1910 vegna þýsku ritanna, auk þess sem ýmis
önnur uppsláttarrit voru notuð. Jafnframt var flett upp í Gegni,
gagnasafni Landsbókasafns íslands - Háskólabókasafns, REX,
gagnasafni Konunglega bókasafnsins í Kaupmannahöfn og SOL,
sem er gagnasafn Statsbiblioteket í Árósum.
Ekki reyndist unnt að afla nákvæmra upplýsinga um öll ritin
þar sem færslurnar eru stundum mjög takmarkaðar, einungis
nafn höfundar og styttur titill eða skammnefni. Á þessum tíma
var algengt að á bókum væru mjög langir titlar en manna á með-
al gengu þær undir ýmsum styttri nöfnum.
Listunum var síðan raðað upp á ýmsa vegu og út frá þeim var
unnt að setja upp í töfluformi upplýsingar um fjölda, aldur og
efni og einnig var hægt að draga ýmsar ályktanir varðandi höf-
undana. Við aldursgreiningu var gengið út frá upphaflegu útgáfu-
ári rits en ekki útgáfuári þess eintaks sem barst til landsins. Við
efnisgreiningu var notuð sú efnisflokkun sem er í Bibliotheca
Danica og Dansk bogfortegnelse. Leitað var að upplýsingum um
efni þeirra rita sem ekki fundust þar en í nokkrum tilvikum er
ekki vitað um innihaldið og er það gefið til kynna í töflunum.
Sérstök áhersla var lögð á að finna efni um þá höfunda sem rit-
1840-1869, bls. 36-37; Skjalasafn prestakalla. Selárdalur / Stóri Laugardalur,
Nokkrir reikningar Mollers lestrarfélags 1839-1858; Skjalasafn prófasta.
Húnavatnsþing, Skjalabók Möllers lestrarfélags 1840-1868; Skjalasafn
prestakalla. Glaumbær / Víðimýri, Bréfa og skjalabók hins Möllerska lestrar-
félags í Skagafirði 1850-1862; Lbs 689 fol. Gjörðabók Hins Austfirzka lestr-
arfélags, bls. 49.
64