Ritmennt - 01.01.1999, Qupperneq 159

RITMENNT
ÍSLENSKIR MENNINGARDAGAR í NUUK
Ljósm. Kiistín Biagadóttir.
Séð yfir gamla bæjarhlutann í
Nuuk.
þýðir „nesið", og stendur bærinn á skaga sem er myndaður af
nokkrum fjallshryggjum. Bærinn og náttúran í kring stilla
strengi sína saman. Blár fjörðurinn með ísjökum, stundum með
hvölum að leik, og snævi þaktir fjallatindar sem sjást hvaðanæva
að úr bænum mynda umgjörð um byggðina. Á þessum fagra stað
tók undirrituð þátt í íslenslcum menningardögum sem nú verð-
ur sagt frá í stuttu máli.
Árið 1997 eignuðust Grænlendingar glæsilegt menningarhús,
sem nefnist Katuaq og er staðsett við aðalgötuna í Nuuk. Síðan
þá höfðu stjórnendur Norræna hússins á íslandi haft hug á að
skenkja Grænlendingum gjöf í tilefni af þessum merka áfanga.
Stundin rann upp í byrjun maí, nánar tiltekið 5.-8. maí, 1999, en
þá fór flokkur frá íslandi með blandaða, íslenska menningardag-
skrá til Nuuk, og var dagskráin gjöfin til Grænlendinga. Að und-
irbúningi stóðu frú Vigdís Finnbogadóttir, en hún situr í alþjóð-
legri nefnd til styrktar Katuaq menningarhúsinu, Sveinn Einars-
son leikstjóri og formaður stjórnar Listahátíðar í Reykjavík og
Riitta Heinámaa forstjóri Norræna hússins. Menningarstofnan-
irnar Landsbókasafn íslands - Háskólabókasafn, Kjarvalsstaðir
og Reylcjavík - menningarborg Evrópu árið 2000 studdu málefn-
ið myndarlega.
Frú Vigdís Finnbogadóttir setti dagskrána með hátíðarræðu.
Hún talaði um það sem þjóðirnar hefðu að gefa hvor annarri og
mikilvægi menningarlegra tengsla milli íslands og Grænlands.
Hún fékk síðan til fulltingis við sig ungan, grænlenskan dreng úr
áheyrendahópnum til að lesa ljóð fyrir viðstadda á grænlensku.
153