Vera - 01.02.1999, Page 54

Hjálpartæki við þvagleka
Edda Ólafsdóttir og Unnur Björk Gunnarsdóttir, hjúkrunarfræðingar hjá Össuri
í versluninni ÖsSLir viö Grjótháls 5
í Reykjavík fást hjálpartæki til varnar
þvagleka og til að styrkja
grindarbotnsvöðva. Tveir hjúkrunar -
fræðingar eru starfandi þar, þær
Edda Ólafsdóttir og Unnur Björk
Gunnarsdóttir. Veita þær stöllur
viðskiptavinum þjónustu og ráðgjöf í
einrúmi en þær hafa móttöku inn af
versluninni sem er í glæsilegu
húsnæði. Fór undirrituð á þeirra fund
til að fræðast nánar um þessi
hjálpartæki.
Margir viðskiptavinir leita ráða
hjá hjúkrunarfræðingunum og
segjast þær ávallt ráðleggja
konum sem koma vegna þvagleka að
leita til læknis fyrst svo greina megi
vandann. Þær telja að þvagleki sé út-
breiddari en margan grunar og máli sínu
til stuðnings benda þær mér á rannsókn
frá 1997 sem gerð var meðal ungra
kvenna í Kópavogi á vegum hjúkrunar-
fræðinema. í úrtakinu voru 250 konur á
aldrinum 20 - 40 ára. Niðurstöður sýndu
að algengi þvagleka var 36,9% meðal
þátttakenda, þar af voru 8,2% með
daglegan leka. Fæðingar voru stærsti
orsakaþátturinn, eða í 86,7% tilfella.
(Sjá: Lokaverkefni í hjúkrunarfræði við
H.í. í 25 ár, Háskólaútgáfan, 1998).
Hætt er við að sumar konur einangrist
félagslega vegna þvagleka, hafi þær
ekki fundið góða lausn á vandanum, en
í dag ætti engin að þurfa þess. Hjá Öss-
uri fæst Contrelle þvaglekatappinn.
Hann er einnota og fæst í þremur
stærðum. Tappinn er úr efni sem ekki
ertir eða þurrkar upp slímhúð leggang-
anna. Hann er vættur fyrir notkun og
settur upp í leggöngin með aðstoð
hjálparpinna, auðvelt er að finna hve
langt upp hann á að fara. Tappinn virkar
þannig að hann styður við þvagblöðr-
una og hjálpar þannig konum að hafa
betri stjórn á þvaglátum. Tappann er
hægt að vera með í allt að 16 klst. og
ekki þarf að fjarlægja hann við þvaglát.
Á hinum Norðurlöndunum hefur þvag-
lekatappinn verið niðurgreiddur af al-
mannatryggingum.
Edda og Unnur eru I engum vafa um
fyrirbyggjandi gildi grindarbotnsæfinga,
en þær vita líka að æfingarnar eru ýmist
gerðar vitlaust eða alls ekki. Hjá Össuri
fæst stórsniðugt þjálfunartæki að nafni
Vagitrim sem hjálpar konum að gera
grindarbotnsæfingar. Undirrituð gat ekki
varist brosi er hún sá þessa frábæru
lausn. Vagitrim samanstendur af fjórum
misstórum og misþungum kúlum í nettu
veski. Spotti hangir í hverri kúlu og hægt
er að þekkja kúlurnar í sundur á mis-
munandi litum. Mikilvægt er að lesa
meðfylgjandi leiðbeiningar en ráðlagt er
að kona hefji þjálfun með léttustu kúl-
unni. Við æfingar er kúla sett uþþ í
leggöngin og er hún bleytt áður eða
smurð með örlitlu kremi sem notað er
gegn þurrki í leggöngum. Þá er grindar-
botnsvöðvinn spenntur utan um kúluna.
Tilgangurinn með því að setja kúluna upp
er sá að konan finni að hún spenni grind-
arbotnsvöðvana. Lítli taska í hillu á bað-
herberginu minnir mann á að gera æfing-
arnar og það er til dæmis góð regla að
gera þær um leið og farið er í sturtu á
morgnana. Verði það að reglu gleymast
þær ekki. f lok samtalsins brosum við út f
annað þegar Edda minnir á að ekki sé ó-
nýtt að þessi þjálfun bætir líka kynlífið. Nú
ætti enginn að efast lengur - sterkur
grindarbotn, betra líf.
VSV
54