Vera - 01.08.1999, Page 48

Vera - 01.08.1999, Page 48
h Klámbylgjan sem skollið hefur á okkur undanfarin misseri hefur vakið litla umræðu. Hvorki opinberir aðilar, kvennahreyfingin eða almenning- ur hafa haldið uppi andófi svo mark sé á takandi. Við Stígamótakonur spyrjum okkur hvort áhugaleysi valdi, eða hvort um nútímafrjálshyggju sé að ræða. Bríet, félag ungra feminista, er þó undantekning frá sinnu- leysinu. Stelpurnar hafa skrifað í blöð og haldið uppi mótmælum fram- an við klámbúllurnar. Hjá Stígamótum höfum við rætt um klámvæðinguna og hvernig bregðast eigi við henni. Við fórum m.a. á stúfana og heimsóttum þrjá nektardansstaði til þess að kynna okkur hvað færi þar fram. Þar hittum við margar bráðfallegar, ungar stúlkur sem kepptust um að bjóða líkama sína til sölu. Við tókum nokkrar þeirra tali og í Ijós kom að þær voru all- ar útlenskar og þar af margar frá hinum fátæku löndum Austur- Evrópu. Þær eru gerðar út af alþjóðlegum klámhringjum sem senda þær vítt og breitt um heiminn. Á meðal gesta voru nær engar konur en markaður- inn fyrir líkama ungra stúlkna er stór meðal íslenskra karla og augljóst að klámiðnaðurinn er orðinn að stórútgerð. Við Stígamótakonur ætlum að koma á laggirnar umræðuhópi um klám og fara skipulega í gegnum ýmsa þætti þess. Við ætlum að lesa saman bækur, skoða auglýsingar og hvað finna má á Netinu, fá í heim- sókn til okkar sem flesta sem eitthvað hafa til málanna að leggja og sjá hvers við verðum vísari. Á fyrsta fundi munum við í sameiningu skipuleggja starfið og ákveða fundartíma og tíðni funda, fara yfir lesefni, hverja við viljum boða á fund okkar og hvað við viljum gera. Fyrsti fundur, sem er opinn öllum, verður haldinn mánudagskvöldið 4. október kl. 20 hjá Stígamótum. Rúna Jónsdóttir, starfskona Stígamóta 48 • VERA

x

Vera

Direct Links

If you want to link to this newspaper/magazine, please use these links:

Link to this newspaper/magazine: Vera
https://timarit.is/publication/858

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.