Ljósmæðrablaðið - 01.07.1981, Page 23

LJÓSMÆÐRABLAÐIÐ
63
Amar Hauksson læknir
Fósturhjartsláttar-
og hríöarit (CTG)
Úrlestur og túlkun
Þróun skilnings á FHR-ritum:
Fósturh j artsláttarritum
Hin upprnalega flokkun á fósturhjartsláttarritum, sem samin
var af Caldeyro-Barcia og samstarfsmönnum og út kom 1966 og
endurbætt síðan af Hon og Quilligan 1968, hefur staðist reynslu
tímans. f dag styðjast flestir við flokkun Hon, sem síðar var út-
færð af Bretanum Beard 1971. Beard sýndi þá fram á að jafnvel
alvarleg truflun á FHR-riti (base line tachycardia) er í 50% tilfella
tengd eðlilegu sýrubasavægi fóstursins.
Þá varð mönnum endanlega ljóst að FHR er að meginhluta til
mælikvarði á súrefnismettun fóstursins. Hvernig einstakt fóstur
bregst svo við súrefnisskorti (hypoxy) byggist á almennu ástandi
þess, hversu lengi álagið varir, og því hvort um sé að ræða fylgju-
þurrð (insufficientia placentae) eða ekki. Segja má að FHR sé
mælikvarði á breytingar á súrefnismettun fóstursins og þegar ritið
verði afbrigðilegt þurfi að gera rannsóknir á blóðgösum frá fóstr-
inu til þess að meta svar þess við súrefnisskortinum.
Hjartsláttar- og hríðamælir
(Cardiotocograph — CTG-monitor)
Þetta tæki skráir hjartslátt og hríðir ýmist með ytri eða innri
skráningu eftir því hversu langt í fæðingu konan er komin. Ná-
kvæmni slíkra tækja er mikil, ± 0,1% á öllu mælisviðinu, sem er
um 50—240 slög á mín.