Ljósmæðrablaðið - 15.11.2004, Blaðsíða 4
I
Ritstjóraspjall
Siðan Ljósmæðrablaðið kom út í vor
hafa verið haldnar hér á landi tvær
ráðstefnur sem fjöldi ljósmæðra hefur
sótt. Ljósmæðrafélag íslands hélt ráð-
stefnu NJF í maí og var ráðstefnan í alla
staði hin glæsilegasta. Fjöldi áhuga-
verðra fyrirlestra og umræðna var urn
stöðu ljósmæðra, kvenna og fjölskyldna
þeirra. Yfirskrift ráðstefnunnar var
Mothers of Lights: gentle warriors’ og
vísar til starfsheitis okkar á islensku
sem við erum svo stoltar af. Á haust-
dögum hélt síðan Miðstöð mæðra-
verndar glæsilega ráðstefnu og er íjall-
að um báðar þessar ráðstefnur í blað-
inu.
Eftir svona ráðstefnur vakna ávallt
nýjar spurningar. Eðlileg fæðing er eitt
ai því sem ljósmæður ræða gjarnan
nnkið um þegar þær koma saman. Sú
spurning sem kemur alltaf upp aftur og
aftur er hvað teljist vera eðlileg fæðing.
Hvaða inngrip séu „leyfileg“ til að fæð-
ing geti talist eðlileg eða erum við að
tala alfarið um „ósnerta fæðingu“? j
tengslum við þá umræðu vekur klukkan
oft upp togstreitu þegar verið er að
fjalla um fæðingar. Annars vegar eru
þau sjónarmið að klukkan geti verið
truflandi og að við ættum e.t.v. að hætta
að horfa á hana, þ.e. hvað varðar tíma-
lengd fæðingar. Hins vegar eru þau
sjónarmið að tíminn geti skipt miklu
máli í sambandi við t.d. framgang fæð-
ingar þar sem verið er að hugsa um
hvenær rétt sé að grípa inn í. í blaðinu
er til umfjöllunar einn angi af þessari
umræðu í grein um notkun oxytocin-
dreypis í fæðingu. Þar eru m.a. færð rök
Valgerður Lísa Sigurðardóttin
Ijósmóðir
fyrir því að með markvissri notkun
lyfsins megi e.t.v. fækka inngripum
eins og keisaraskurðum. Bæði þessi
sjónarmið beinast að því að stuðla að
eðlilegum fæðingum en hafa ólíkar
nálganir.
Það er fleira sem vekur upp tog-
streitu í daglegum störfum. Umhverfið
i kringum barneignarferlið er sífellt að
breytast og hefur ekki bara áhrif á kon-
urnar heldur líka okkur sem vinnum í
því. Þróun hefur orðið í þá átt að við
vinnum undir ógn vaxandi málssókna.
Þar sem umhverfið mótast m.a. af ríkj-
andi viðhorfum þeirra sem að því koma
þa hefur það hvarflað að mér að þessi
þáttur hafi meiri áhrif en okkur grunar.
Við höfum áhrif á konuna og hún áhrif
a okkur. Hvaða áhrif skyldi það hafa á
hormónaflæði fæðingar að innst í okkar
hugarskoti erum við stödd í réttarsal og
þurfum að verja störfin okkar? Hvaða
áhrif hefúr það á traust okkar á líkama
konunnar? Getum við skapað konunni
þann frið sem kvenlíkaminn þarf til að
fæða þegar hugur okkar er að hluta til
upptekinn í réttarsalnum?
Traust er reyndar til umijöllunar í
blaðinu, að þessu sinni tengt brjóstagjöf
og hæfni nýburans til aðlögunar að
lífinu. í grein um blóðsykursmælingar
hjá nýburum er komið inn á hvernig
fullburða og heilbrigðir nýburar haga
sykurstjórnun sinni fyrstu ævidagana.
Þar er m.a. rætt um að viðmið sem
notuð eru varðandi blóðsykursmæl-
ingar hjá nýfæddum börnum í dag séu
e.t.v. ekki í samræmi við vísindalegar
niðurstöður og hafi jafnvel í for með sér
ónauðsynleg inngrip. Án efa mætti
skoða marga aðra þætti i starfi okkar út
frá þessu sjónarhomi þ.e. að
endurskoða viðmið út frá gagnreyndum
vísindum.
Komið er inn á fleiri kliníska þætti í
blaðinu, það er birt grein um legháls-
deyfingar og kynning á nýjum áhersl-
um í saumaskap eftir fæðingu.
Ritrýnda grein blaðsins að þessu
sinni er rannsókn á ljósmæðraþjónustu
fyrstu vikuna eftir fæðingu og viðhorf-
um mæðra til þjónustunnar. Miklar
breytingar hafa átt sér stað í sængur-
leguþjónustu síðustu árin og er þetta í
fyrsta sinn hér á landi sem svo stór
rannsókn er gerð á hvernig konurnar
upplifa hana.
Framundan er hátíð ljóss og friðar.
Eg óska ljósmæðrum og öðrum lesend-
um Ljósmæðrablaðsins gleðilegra jóla
og farsældar á komandi ári.
4 Ljósmæðrablaðið nóvember 2004