Akranes - 01.01.1952, Blaðsíða 19

Akranes - 01.01.1952, Blaðsíða 19
Jón Hjaltalín, skáld, Oddsson, lögsagn- ara á Rauðará í Reykjavík, Jónssonar HjaltaMns, sýslumanns í Kjósar- og Gull- bringusýslu, var prestur í Saurbæ á Hval- fjarðarströnd í 25 ár, kom þangað 1786 og fór 1811 að Breiðabólstað á Skógar- strönd, d. 1835, var búinn að vera prestur í 57 ár. Á þeim árum, sem Jón Hjaltalín var prestur á Saurbæ, orti hann Skógarvísur, sem hér fara á eftir. SKÓGARVÍSUR Mjög þeir fláðu Móadal, mun hann varla gróa, þar má hver einn, einn skýra skal, skoða auðn og móa. Undan þeim ei grundin grær, gaman er það valla, hryggbrotið þeir hafa nær hesta landsins alla. Elsku bróðir auðnan há að þér jafnan streymi. Herrann góður himnum á hjálpi þér og geymi. Lága skóginn lögðu að grund líka allt að merkjum, fengu stofnar fjörtjóns und, fríir þó af verkjum. Þegar landa þeir að hring þustu starfs að lokum, öll var fjaran allt um kring alþakin af pokum. Mitt þakklæti þó margfalt þínar krefjast dyggðir, hafðu það fyrir allt og allt ástriki og tryggðir. Skála barma skertu þeir, skullu fauskar niður, aldrei vex þar upp úr meir, ég held, skógar viður. Ef þeir hefðu áls um jörð að því viljað snúa, hefðu þeir kmmað Hvalafjörð, held ég með þehn brúa. Fréttir engar sýna sig í settri ræðu minni, óska ég samt að þína og þig þær með gleði finni. Fóru i kring um Fúsakot flest allt hjuggu niður, féllu staurar rétt i rot rokna höggin viður. Ofan — ljóns í ára kvið öll fór kolagjörðin, svoddan þunga sá ei við, svignaði reyðar jörðin, Seggir þeir, sem sendir þú, sveipðir klæðis bolum, með fragtað hafskip fara nú, fullt af viðarkolum. Vatnaskógur varð ei fri voða fyrir grandi, engin hrisla honum i hygg ég eftir standi. Fíllinn hlunns með fullan búk fór á ísavöllum, var sem sæi' á hæsta hnúk hér af Kjósar fjöllum. Þeir hafa skertan skóginn hér, skal ég um það kæra öll er jörðin eftir ber, eins og rökuð gæra. Grenás líka gjörvallan grenntu þeir að vonum, fjárbítur ei finna kann framar skjól í honum. Hvar sem mastra hindin mæld hélt um brautir voga, var sem træði djúpa dæld dýrið austurtroga. Fóru þeir fyrst í Fannahlíð, felldu hverja hríslu, ógnar höggin heyrðust stríð hér um alla sýslu. Þverhnúkarnir þoldu skell, þessum brátt þeir eyddu, mörg ein hríslan fögur féll, fenju þegar reiddu. Vembilfullur voga jór vagaði seinn í förum yfir bláan karfa kór Kjósarlands að vörum. Drengja í kring um Draugalá, dengdar axir sungu, allar vofur flýðu frá, fældust höggin þungu. Kolgerðin var kynja-stór, kalinn svörður píndist, eins og rifinn rottu bjór Rindar eljan sýndist. Þaul furðaði þar um grund, þá sem höfðu vitið, svona fullan hlunna hund höfðu fáir Htið. Saurbæjar um sjálfa hlíð sama starf þeir jóku, allar hríslur eins með grið upp í kol þeir tóku. Hrúgur kurls í hverri laut, huldu Dofra-krána, lhnkestir um breiða braut birgðu sól og mána. Þessum farm nær áhna Ull, ára skilar barði, verður Kjósin fjallafull fram að Svínaskarði. Kring um Brennu og út að ós allt er sem í flagi, verkin merkin votta ljós, von er þó mér ægi. Loginn, sem að lagði frá lima kveiktum bröndum, Langanesi lýsti á, líka vesturströndum. Muntu þurfa mjög hjá þér margt eitt hús til búa, árabjörn nær upp úr sér öllu gjörir spúa. Merkjalækur fús hvar féll, frömd var sama iðja. Brenni austan fyrir fell fram i Laxá miðja. Urga varð upp öllum svörð, er til náði að hæfa hér um breiðan Borgarfjörð, brennda gröf að kæfa. Þegar kolgerð þessa sér, þú mátt, vinur hollur, aðgæta, hvort ei mér ber einhver skógartollur. Allt í kring um Brennu björk börvar hjuggu ríta, öll þar stendur uppi mörk, eins og flag að líta. Kohn þau, sem karskir greitt kunnu þar upp moka, held ég hafi hart út steitt hundrað þúsund poka. 1 hann láta færðu flest, fjármagn þitt gagnrika, kapla, sauðfé, kýr og hest. konuna máske líka. AKRANES 19

x

Akranes

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Akranes
https://timarit.is/publication/865

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.