Almanak Hins íslenska þjóðvinafélags - 01.01.1944, Blaðsíða 93

Thor Jensen. Jón Ólafsson
ar skeleggu hvatningargreinar Einars og ýmissa
fleiri áttu sinn þátt í því að lyfta vonleysishulunni
frá augum manna.
Áður langt leið komust menn á þá skoðun, að
miðin væri ekki eins auðtæmd og ætlað var í fyrstu,
og eina skynsamlega svarið við ágengni hinna nýju
fiskiskipa væri að iæra veiðiaðferðina og fá sér
síðan botnvörpunga til að fiska með á miðum þeim,
þar sem önnur íslenzk skip gátu ekki haldizt vi'5
íyrir útlendingunum.
Ýmsir þilskipamenn gerðust nú hásetar á enskum
togurum og iærðu hina nýju veiðiaðferð. En þar
með var brautin ekki rudcS fyrir landsmenn til
þess að eignast togara. Skipin voru dýr og útgerð
þeirra mjög kostnaðarsöm, og þar við bættist, að
miklir erfiðleikar voru á að fá nægilegt fé til slíks
rekstrar.
Árið 1899 var hafin tog'araútgerð hér á landi, en
eigendur hennar voru nær eingöngu útlendir menn.
ísafoldarfélagið var stærst þessara fyrirtækja og
hafði umfangsmikinn rekstur, en fyrirsvarsmenn
þess félags voru Louis Ziillner í Edinborg og' Jcn
vídalín konsúll. Félag þetta gerði út 6 stóra togara
(91)