Freyr - 01.11.1966, Page 46
496
FREYR
M OiAr
Sauðfé
verður að fjölga mjög ört í Ástralíu, segir frétt það-
an nýlega. Ástæðan er sú, að mjög miklir þurrkar
hafa gengið þar í landi um undanfarin tvö ár og
valdið stórfelli á búfé. Svo er sagt, að sauðfé hafi
fækkað þar frá því í marz í fyrra og til júní í sum-
ar, úr 170,6 milljónum í 157,2 milljónir.
En fólkið hyggst ekki aðeins bæta þennan skaða,
sem nemur um 13 milljónum fjár, heldur er ætlun-
in að fjölga því hið bráðasta í 200 milljónir. Þeir
eru ekki smátækir fjárbændurnir þar syðra, enda
er landið stórt — og víða gott — en þar ferst fé úr
hungri og þorsta þegar það getur farið vegna kulda
og afleiðinga hans í heimskautalöndum.
Texelfé
virðist vera sérlega eftirsótt nú, nánast til tekið
tízkufyrirbæri. Á uppboðum í Svíþjóð nú í haust
hafa góðir texelhrútar selzt fyrir 1300—1500
sænskar krónur, en það er um 11—13 þúsund krón-
ur íslenzkar þeir beztu, en meðaltalsverð allra tex-
elhrúta, sem seldir voru á uppboðum í haust, var
þar um 5.500 krónur. Svo er sagt, að kjöt texel-
fjár sé eftirsótt vegna þess að það sé vöðvaríkt og
fitulítið.
Vélrænt bókhald
auðveldar reikningshald búa ákaflega mikið svo að
lítill vandi er að gegna því þegar það er komið á,
segir Norsk Landbruk nýlega, en í Noregi hefur
rafeindafærzla verið starfrækt fyrir 1000 bændabýli
síðan 1961.
Um 20.000 norskir bændur hafa nú fullkomið
reikningshald yfir bú sín og um það bil 40 þúsund
bændur hafa færzlur og halda reikningum saman
og láta svo gera reikningsyfirlit.
Tap við votheysgerð
Engin fóðurverkunaraðferð er svo fullkomin, að ekki
verði eitthvert tap næringarefna frá því að grasið
og grænfóðrið stendur fast á jörðunni unz það kem-
ur á jötu búfjárins ,en þetta er ákaflega misjafnt
og er háð mörgum atriðum, svo sem rakastigi hrá-
efnisins, gerð geymslunnar, hvort íblöndunarefni eru
notuð eða ekki og svo er hirðusemi þeirra, er að
verkunum vinna síðast að nefna en er alltaf þyngst
á metum. Fjölmargar niðurstöður athugana um þessi
efni eru til, sú nýjasta, sem FREY hefur borizt, er
„að vestan", en þar segir að:
efnatap í litlum skurðgryfjum
efnatap í stórum skurðgryfjum
efnatap í 15 m háum turnum
efnatap í harvestorturnum
sé 40—45%
sé 30—45%
sé 15—18%
sé 4—14%
Fljótandi mykju
á ekki að hræra eða hreyfa í geymslunni fyrr en að
því kemur að flytja skuli á akur, því að loftað-
gangur örvar efnahreyfingar og það er enginn vinn-
ingur að missa jurtanærandi efni úr henni. í mykj-
unni fer fram gerjun, hæg þegar ekki er hreyft við
henni en örvast mjög við lofttilfærzlu svo sem lykt-
in segir til um. Ef oft er hrært í þrónni er líka hætta
á að botnfall myndist og það er ókostur, en útflutn-
ingur mykjunnar skal framkvæmdur strax og hrært
hefur verið.
Þegar áburðarþróin hefur verið tæmd skal láta
renna í botn hennar svo sem 15—25 cm lag af
vatni, það hindrar að botnfall verði en botnfall,
sem strax kemur í haughúsið, er mjög erfitt að
skola burt við tæmingu. Hey, sand og mold á ekki
að látan blandast fljótandi mykju.
(New England Homestead)
Freys veitir að þessu sinni yfirsýn yfir Akraneskaup-
stað og nœrliggjandi sveitir til Skarðsheiðar. Á Akra-
nesi er sementverksmiðjan, er sér allri þjóðinni fyrir
sementi. Þar að auki getur hún miðlað til bœnda þvi
kalki, sem þeim er brýn þörf á að fó til jarðvegsbóta
og til áburðar. Margir bœndur notfœra sér þegar
þjónustu verksmiðjunnar á þessu sviði en miklu
fleiri þurfa hennar með. Það er mikilvœgt verkefni
á nœstu árum að móta það kerfi, sem hagkvœmast
og ódýrast reynist til þess að koma skeljakalkinu
heim á hverja bújörð landsins — um allar sveitir
þar sem jörð er yrkt og land nytjað.
Sementverksmiðjan og bœndasamtökin hafa mikil-
vœg hlutverk að leysa í þessu efni.
k_____________________________________________ J