Freyr - 01.01.1976, Page 15

Hylur nr. 721, frá Kirkjubæ.
sem til sölu væru á hverjum tíma, bæði fyrir
innlendan og erlendan markað, og reyna á þann
hátt að margfalda verðmæti íslenskra stóðhesta
á erlendum markaði.
5. Kynbótastöðin gæti átt, ef aðstæður leyfa, úrvals
góðar undaneldishryssur og á þann hátt stuðlað
að bættum hrossastofni einstakra bænda með því
að selja þeim folöld og trippi undan þeim hryss-
um.
6. Afkvæmarannsóknir á stóðhestum eru nú fram-
kvæmdar á tamningastöðvum um allt land. í sum-
um tilfellum gæti kynbótastöðin sinnt því verkefni,
ef hentara þætti.
7. Hrossatamningar eru veigamikill þáttur í starfsemi
hrossaræktar og hestamennsku. Eins og fram
kemur hér að framan, yrðu tamningar stundaðar
á kynbótastöðinni. Við framkvæmd þeirra svo og
með hrossum, sem tekin væru til tamningar,
mætti fikra sig áfram með fjölbreyttar tamninga-
aðferðir innlendar og erlendar og byggja upp
traustan, íslenskan reiðskóla, sem ennþá er í
kalda koli, þar sem hver ber sig að með sínu
lagi. Gæti þar komið grundvöllur, sem hægt væri
að nýta við samningu leiðbeiningarits um þessi
mál.
Vaxandi þátttaka í hestamennsku sem íþrótt, bæði
í sveitum og bæjum, minnir á nauðsyn þess að draga
ekki öllu lengur að skipuleggja aðgerðir íþróttinni
til vegs.
Einnig ber að vinna áfram ötullega að batnandi
reiðhestakosti í landinu með bættri aðstöðu til kyn-
bótastarfs. Þetta tvennt þarf að haldast í hendur,
því betri reiðmenn krefjast betri hesta. Þarf að mæta
vaxandi kröfum neytenda, bæði innanlands og utan,
með öflugra starfi við verðmætasköpun reiðhesta-
ræktarinnar.
☆
Erindið var ekki afgreitt frá Búnaðarþingi
í þetta sinn, þurfti frekari athugunar og
undirbúnings með. Ég vildi þó reyna að
þoka málinu áfram til næsta þings. Ritaði
ég stjórn Búnaðarfélags íslands bréf og
bað um, að nefnd yrði skipuð til að gera
fjárhagsáætlun um rekstur slíkrar stóð-
hestastöðvar og að athugað yrði um mögu-
lega staði, og hafði þá í huga, að ríkið
legði til jörð, þar sem land og hús væru
F R E Y R
5