Freyr - 01.06.2000, Page 20

bundið tonn er því aðeins brot af
þessari upphæð. Ef notað er sem
dæmi að binding þeirra 22.000
tonna af CO2, sem átakinu var
ætlað að skila, hafi verið vegna
fjölgunar bíla frá 1990 til 2000,
þá má segja að ekki þurfi að gera
frekari ráðstafanir miðað við
óbreyttan bílaflota næstu áratugi.
Mengun frá þeim hafi þegar verið
mætt með uppgræðslu og skóg-
rækt og kostnaðurinn að fullu
greiddur.
Ef uppgræðslu- og skógræktar-
kostnaði er deilt niður á þann tíma,
sem landið er að binda kolefni,
verða kostnaðartölumar lágar. Fyrir
50 ára tímabil yrði árlegur bindi-
kostnaður miðað við forsendur
átaksins (með 5% árlegum vöxtum
á upphaflega fjárfestingu) 400-700
kr./tonn CO2. Til samanburðar er
áætlað að leiga á losunarkvóta gæti
orðið á bilinu 1000 til 5000 krónur
á tonn CO2 ígilda.
Rannsóknir benda til að binding
koltvísýrings með landgræðslu og
skógrækt á hvem hektara lands sé í
reynd talsvert meiri en reiknað var
með í forsendum átaksins (Ólafur
Arnalds o.fl., Ráðunautafundur
2000). Það leiðir til samsvarandi
lækkunar í mati á árlegum kostnaði
við bindinguna.
Dæmi um kostnað við að mæta
losun koltvísýrings:
Alver, sem framleiðir 100
þúsund tonn af áli á ári, losar frá
sér gróðurhúsalofttegundir að
ígildi 180 þúsund tonnum af CO2
á ári. Til að mæta að fullu þessari
losun með uppgræðslu þyrfti að
græða um 45 þúsund hektara
(miðað við 4 tonn CO^/ha bind-
ingu á ári), en rækta 24 þúsund
hektara af skógi (miðað við 7,5
tonn CO^/ha bindistuðul). Hag-
kvæmast væri að breyta ógrónu
landi í skóg. Kostnaðurinn gæti
orðið um 40 - 100 milljónir króna
á ári yfir framkvæmdatímann.
Borið saman við framleiðsluverð-
mæti álsins er hér ekki um hátt
kostnaðarhlutfall að ræða og hið
sama gildir um samanburð við al-
gengan kostnað við að farga úr-
gangi frá iðnaði.
Við bruna á einum lítra af bensíni
losna 2,32 kg af CO2. Vegna bíls
þarf að líkindum að græða upp sem
samsvarar einum hektara lands.
Kostnaðurinn gæti numið um 1-3
kr. á lítra bensíns. Nefna má Costa
Rica sem dæmi um land sem hefur
lagt gjald á eldsneyti til að kosta
bindiverkefni.
I þessum kostnaðardæmum er
ekki tekið tillit til þeirrar miklu
verðmætaaukningar á landi sem
uppgræðsla og skógrækt hafa í för
með sér. Sama gildir um beinan
arð, svo sem beit eða viðamytjar,
og önnur markmið, svo sem að
koma í veg fyrir jarðvegsrof eða
aðra hnignun landkosta. Það væri
því óeðlilegt að ætlast til þess að
„mengunarvaldurinn" greiddi allan
kostnað við að mæta losun gróður-
Frá Arskógum í Rangárvallasýslu. Melgresissáning sem árlega bindur um 4 tonn af koltvísýringi úr lofti á hvem
hektara lands.
20 - FREYR 6/2000