Unga Ísland - 01.07.1944, Blaðsíða 30
Læknirinn var orðinn
bæði ákafur og æstur,
allir sögðu viðstaddir:
— Guð sé okkur næstur!
Systir Reglustrika,
þá sagði Pennastokkur,
settu um háls hans trefilinn,
við flýta verðum okkur.
Gunnar litli hugsaði:
— Það var gott að hann ég faldi!
En glópska var að álíta,
að slíkt kæmi að haldi,
því Reglustrika dó ekki
ráðalaus af slíku
og rétt fannst henni ekki
að fáta í þvíumlíku,
að trefillinn var horfinn.
Nú gránaði drengsins gaman,
því gólfábreiðuna tók hún
og vöðlaði henni saman
og vafði svo um háls hans,
slíkt gerði hann alveg æfan,
því auðvitað var gólfábreiðan
næstum búin að kæfa ’ann.
Vonum bráðar fann hann,
að vensnaði enn þá sagan.
— Við verðum, sagði læknirinn,
að gefa ’onum nudd á magann.
Ég hugsa, að bezta meðalið
í okkar apoteki,
sem á við svona tilfelli,
sé lítið eitt af bleki.
Pennastokkur læknir,
þá sagði íslandssagan,
sagðirðu ekki að við skyldum
nudda á honum magann?
Pennastokkur læknir,
sagði Litla gula hænan,
mig langar til að nudda’ ’ann
og gefa ’onum einn vænan.
Pennastokkur læknir,
sagði Landafræðiskruddan,
leyfist mér að bjóða fram
aðstoð við að nudda hann?
Tilboðunum læknirinn
tók með rniklum þökkum,
þá tóku þær að nudda hann
með voðalegum stökkum
og hoppum ’oná maga hans,
á huppum hans og nárum.
Það var hræðilegt,
og Gunnar litli flaut allur í tárum.
Heilsufræðin bar sig við
að halda á honum fótum,
svo hann gat ekki sparkað
og var alveg á mótum
þess að fara að góla
eða gefast upp og deyja.
Svo gat hann ekki neitt af þessu
og þorði ekkert að segja.
Læknirinn kom með trésleif,
og tuttugu dropa af bleki,
hann talið hafði í sleifina
úr sínu apoteki.
Hann hallaði því næst sleifinni
til að hella upp í drenginn,
Þá hrópaði Gunnar loksins:
— Nei, þetta drekkur enginn!
Svo beit hann saman tönnum
og blekið rann í straumum
beina leið í koddann
í löngum, svörtum taumum.
Þá þusaði Pennastokkur:
— Þetta er vondur strákur,
þrákálfur hinn mesti
og í orðum feikna hákur.
Og enn á ný í sleifina
hann dropa tók að telja.
og taldi að naumast væri
um önnur ráð að velja.
116
UNGA ÍSLAND