Tímarit Þjóðræknisfélags Íslendinga - 01.01.1952, Síða 92

72
TÍMARIT ÞJÓÐRÆKNISFÉLAGS ÍSLENDINGA
að á að draga saman bjálka í íbúðar-
hús Jóhanns Hallssonar, en á sunnu-
daginn var smíðin hafin. Mun
bjálkakofi þessi, sem var fjórtán fet
á lengd, tólf fet á breidd og fimm
fet á hæð undir ris, hafa að mestu
leyti verið fullgerður miðvikudag-
inn, 26. sama mánaðar, og er hann
talinn fyrsta íbúðarhús, er íslend-
ingar reisa í nýlendunni. Er trúleg-
ast, að eitthvað af piltunum hafi
þá flutt sig upp í nýhýsið neðan
úr þrengslunum hjá Bótólfi, því 6.
júlí er skrifað í dagbækurnar: „Við
fórum alfarin hingað upp eftir frá
Mr. Olsen með kýrnar. Fólkið níu
að tölu.“ En að þau fluttu ekki „al-
farin“ fyrr en þetta, virðist stafa af
því, að daginn eftir að smíðinni mun
að mestu lokið, varð Ragnheiður,
kona Gísla Egilssonar, léttari og ól
sveinbarn 27. júní. Var hún því ekki
fær til flutnings. Sat Sigurður Jósúa
yfir henni. Fórst honum það starf
vel úr hendi, bæði þá og síðar í ný-
lendunni. Var sveinn þessi fyrsta
barnið, er fæddist meðal fslendinga
þar. Hann var skírður skemri
skírn af Jóhanni afa sínum aðfara-
nótt 19. ágústs og nefndur Hallur
eftir langafa sínum Halli Ásgríms-
syni bónda að Geldingaholti í Skaga-
firði. En þegar séra Páll Þorláksson
var þar nætursakir á leið sinni frá
Wisconsin til Nýja-íslands endur-
skírði hann Hall 25. september.
Sést í dagbókum móðurbróður Halls
litla, að flest elztu systkinin, önnur
en hann, látast á barnsaldri, eins og
títt var á þeim árum.
Á þessu fyrsta íslenzka heimili í
Dakota, var fólkið fyrsta sprettinn:
Jóhann húsbóndi og Ragnheiður
húsfreyja, Jóhann Schram og Gunn-
ar synir þeirra, Sigurður fóstursonur
þeirra, Gísli Egilsson og Ragnheiður
kona hans, Hallur sonur þeirra ný-
fæddur, er borinn var hjá Bótólfi
hinum norska, og Jón J. Hörgdal.
Þessi nýi bær var reistur á landi,
sem Jóhann Hallsson valdi en nam
ekki, sunnan og austan undir svip-
fögru skógarbelti, sem huldi báða
bakka Tunguár. Þar er láglent en
frjómold ágæt og landkostir hinir á-
kjósanlegustu. Er þetta austast í
svo nefndri Beaulieu bygð (section
13). En þetta „Hall(s)son land“, þar
sem samnefnt þorp stendur nú og
Jóhann Hallsson valdi og byggði bæ
sinn á, var eignarréttarland Jóhanns
Schrams sonar hans, er segir sjálfur
frá, að hann hafi farið með „Rænku
systur“ og fleirum ofan til Pembina
18. september 1881 „til að klára að
proofa upp.“ Úr þessari ferð komu
þau aftur að kvöldi þess 22. s. m.,
og hefir hann þá komið með
„pre-emtion“-rétt sinn í vasanum.
Skýrir Árni Magnússon svo frá (í
fyrrgreindri heimild sinni), að
Beaulieu township hafi ekki verið
mælt fyrr en löngu eftir að þeir
feðgar fluttu þangað, en Akra
township væri mælt áður en inn-
flutningur hófst þangað. En Jóhann
Hallsson setti heimilisrétt á land 15-
febrúar 1882, sem er eina mílu fyrir
vestan Hallsson.
Auðséð er á öllu, að nýbýlingarnir
hjálpuðu hver öðrum í bróðerni með
ráði og dáð og unnu saman hver
hjá öðrum að húsagerð, heyskap
og öllu því, er tók mannafla að koma
fljótt 1 verk. En auk þess unnu ÍS"
lendingar fjölda mörg dagsverk hja
Bótólfi norska og Jóni þýzka og
þágu líka laun sín fyrir í ýmsu,